ਗੁਆਂਢੀ ਦੇਸ਼ ਪਾਕਿਸਤਾਨ ਨੇ ਭਾਰਤ ਦੇ ਨਾਲ ਵਪਾਰਕ ਜੰਗ ਨੂੰ ਜਾਰੀ ਰੱਖਦੇ...
ਨਵੀਂ ਦਿੱਲੀ: ਗੁਆਂਢੀ ਦੇਸ਼ ਪਾਕਿਸਤਾਨ ਨੇ ਭਾਰਤ ਦੇ ਨਾਲ ਵਪਾਰਕ ਜੰਗ ਨੂੰ ਜਾਰੀ ਰੱਖਦੇ ਹੋਏ ਇੱਕ ਹੋਰ ਵੱਡਾ ਕਦਮ ਚੁੱਕ ਲਿਆ ਹੈ। ਪਾਕਿਸਤਾਨ ‘ਚ ਤਮਾਮ ਕੰਪਨੀਆਂ ਭਾਰਤ ਤੋਂ ਕੱਚੇ ਮਾਲ ਦੇ ਆਯਾਤ ਦੀ ਮੰਗ ਕਰ ਰਹੀਆਂ ਹਨ ਲੇਕਿਨ ਪਾਕਿਸਤਾਨ ਦੀ ਸਰਕਾਰ ਆਪਣੀ ਡੁਬਦੀ ਮਾਲੀ ਹਾਲਤ ਦੇ ਬਾਵਜੂਦ ਉਨ੍ਹਾਂ ਦੀਆਂ ਮੰਗਾਂ ਨੂੰ ਠੁਕਰਾ ਰਹੀ ਹੈ।
PM Narendra Modi
ਹੁਣ ਇਮਰਾਨ ਖਾਨ ਦੀ ਸਰਕਾਰ ਨੇ ਸਾਉਥ ਕੋਰੀਅਨ ਫਰਮ ਲਾਟੇ ਕੈਮੀਕਲ ਪਾਕਿਸਤਾਨ ਦੀ ਭਾਰਤ ਤੋਂ ਕੱਚਾ ਮਾਲ ਖਰੀਦਣ ਦੀ ਅਪੀਲ ਨੂੰ ਖਾਰਿਜ ਕਰ ਦਿੱਤਾ ਹੈ। ਪਾਕਿਸਤਾਨੀ ਅਖਬਾਰ ਦੀ ਰਿਪੋਰਟ ਦੇ ਮੁਤਾਬਿਕ, ਲਾਟੇ ਕੈਮੀਕਲ ਪਾਕਿਸਤਾਨ ‘ਚ ਦੱਖਣ ਕੋਰੀਆ ਦਾ ਸਭ ਤੋਂ ਵੱਡਾ ਨਿਵੇਸ਼ ਹੈ। ਕੰਪਨੀ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਵਣਜ ਮੰਤਰਾਲਾ ਤੋਂ ਭਾਰਤ ਵਲੋਂ 40,000 ਟਨ ਪੈਰਾਕਸਲੀਨ ਆਯਾਤ ਕਰਨ ਦੀ ਆਗਿਆ ਮੰਗੀ ਸੀ ਜੋ ਟੇਟਰਾਪੈਥਲਿਕ ਏਸਿਡ (PTA ) ਬਣਾਉਣ ਲਈ ਜਰੂਰੀ ਕੱਚਾ ਮਾਲ ਹੈ।
trade Gate
ਇਹ ਕੱਚਾ ਮਾਲ ਪਾਕਿਸਤਾਨ ਵਿੱਚ ਉਪਲੱਬਧ ਨਹੀਂ ਹੈ ਇਸ ਲਈ ਇਸਨੂੰ ਆਯਾਤ ਕਰਨ ਦੀ ਜ਼ਰੂਰਤ ਪੈਂਦੀ ਹੈ। ਲਾਟੇ ਕੈਮੀਕਲ ਪਾਕਿਸਤਾਨ ਵਿੱਚ ਪੀਟੀਏ ਦੀ ਇਕਲੌਤੀ ਆਪੂਰਤੀਕਰਤਾ ਕੰਪਨੀ ਹੈ। ਕੰਪਨੀ ਦੀ ਉਤਪਾਦਨ ਸਮਰੱਥਾ 506,000 ਟਨ ਹੈ। ਪੀਟੀਏ ਦਾ ਇਸਤੇਮਾਲ ਪੈਕੇਜਿੰਗ ਤੋਂ ਲੈ ਕੇ ਬਾਟਲਿੰਗ ਤੱਕ ਹੁੰਦਾ ਹੈ। ਟੈਕਸਟਾਇਲ ਇੰਡਸਟਰੀ ਵਿੱਚ ਪੀਟੀਏ, ਪਾਲਿਸਟਰ ਸਟੇਪਲ ਫਾਇਬਰ ਅਤੇ ਪਾਲਿਸਟਰ ਫਿਲਾਮੈਂਟ ਯਾਰਨ ਦੇ ਉਤਪਾਦਨ ਵਿੱਚ ਕੰਮ ਆਉਂਦਾ ਹੈ।
India / Pakistan Trade
ਭਾਰਤ ਦੇ ਨਾਲ ਵਪਾਰਕ ਸੰਬੰਧ ਬੰਦ ਹੋਣ ਦੀ ਵਜ੍ਹਾ ਨਾਲ ਕੰਪਨੀ ਨੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੂੰ ਇੱਕ ਸਮਰੀ ਭੇਜੀ ਸੀ ਅਤੇ ਹੁਕਮਾਂ ਵਿੱਚ ਢਿੱਲ ਦੇਣ ਦੀ ਅਪੀਲ ਕਰਦੇ ਹੋਏ ਭਾਰਤ ਤੋਂ ਪੈਰਾਕਸਲੀਨ ਦੇ ਆਯਾਤ ਦੀ ਆਗਿਆ ਮੰਗੀ ਸੀ।
Article 370
ਦੱਸ ਦਈਏ ਕਿ 5 ਅਗਸਤ ਨੂੰ ਭਾਰਤ ਨੇ ਜਦੋਂ ਜੰਮੂ-ਕਸ਼ਮੀਰ ਤੋਂ ਧਾਰਾ-370 ਹਟਾਉਣ ਦਾ ਫੈਸਲਾ ਕੀਤਾ ਤਾਂ ਪਾਕਿਸਤਾਨ ਨੇ ਭਾਰਤ ਨਾਲ ਵਪਾਰਕ ਰਿਸ਼ਤੇ ਖਤਮ ਕਰ ਲਏ ਸਨ ਹੁਣ ਇਨ੍ਹਾਂ ਲਏ ਫ਼ੈਸਲਿਆਂ ਨੇ ਪਾਕਿਸਤਾਨ ਦੀ ਆਕੜ ਨੂੰ ਮਾਰ ਦਿੱਤਾ ਹੈ ਜੋ ਹੁਣ ਪਾਕਿਸਤਾਨ ਨਤੀਜੇ ਭੁਗਤ ਰਿਹਾ ਹੈ।
