ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ
ਝਾਰਖੰਡ- ਝਾਰਖੰਡ ਦੇ ਗੁਮਲਾ ਜ਼ਿਲ੍ਹੇ ਵਿਚ ਸਥਿਤ ਸਿਸਈ ਥਾਣਾ ਖੇਤਰ ਦੇ ਨਗਰ ਸਿਸਕਾਰੀ ਪਿੰਡ ਵਿਚ 4 ਲੋਕਾਂ ਦੀ ਕੁੱਟ-ਕੁੱਟ ਕੇ ਹੱਤਿਆ ਕਰ ਦਿੱਤੀ ਗਈ। ਮ੍ਰਿਤਕ ਲੋਕਾਂ ਵਿਚ ਦੋ ਔਰਤਾਂ ਅਤੇ ਦੋ ਆਦਮੀ ਸਨ। ਸਾਰਿਆਂ ਨੂੰ ਘਰਾਂ ਤੋਂ ਕੱਢ ਕੇ ਪਿੰਡ ਦੇ ਅਖਾੜੇ ਵਿਚ ਲਿਆ ਕੇ ਡੰਡਿਆਂ ਨਾਲ ਕੁੱਟ ਕੁੱਟ ਕੇ ਹੱਤਿਆ ਕਰ ਦਿੱਤੀ ਗਈ। ਮ੍ਰਿਤਕਾਂ ਦੀ ਉਮਰ 60 ਦੇ ਕਰੀਬ ਦੱਸੀ ਜਾ ਰਹੀ ਹੈ।
ਇਸ ਘਟਨਾ ਤੋਂ ਬਾਅਦ ਇਲਾਕੇ ਵਿਚ ਸੋਗ ਦੀ ਲਹਿਰ ਦੌੜ ਗਈ। ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਐਮਪੀ ਅੰਜਨੀ ਕੁਮਾਰ ਝਾਅ, ਬਸੀਆਂ ਐਸਡੀਪੀਓ ਦੀਪਕ ਕੁਮਾਰ ਅਤੇ ਹੋਰ ਪੁਲਿਸ ਘਟਨਾ ਸਥਾਨ ਤੇ ਤੁਰੰਤ ਪਹੁੰਚ ਗਈ। ਸੂਤਰਾਂ ਮੁਤਾਬਿਕ ਅੱਜ ਸਵੇਰੇ ਕਰੀਬ 3 ਵਜੇ ਭੋਰ ਵਿਚ 8 ਤੋਂ 10 ਅਣਪਛਾਤੇ ਲੋਕਾਂ ਨੇ ਅਗਨੀ ਦੇਵੀ ਦੇ ਘਰ ਪਹੁੰਚ ਕੇ ਦਰਵਾਜਾ ਖੜਕਾਇਆ ਅਤੇ ਉਹਨਾਂ ਨੂੰ ਬਾਹਰ ਆਉਣ ਲਈ ਕਿਹਾ,
ਬਾਹਰ ਆਉਂਦੇ ਹੀ ਲੋਕਾਂ ਨੇ ਉਹਨਾਂ ਨੂੰ ਆਪਣੇ ਕਬਜ਼ੇ ਵਿਚ ਲੈ ਲਿਆ ਅਤੇ ਪਿੰਡ ਦੀ ਸੁੰਨੀ ਜਗ੍ਹਾਂ ਤੇ ਲੈ ਗਏ ਅਤੇ ਉਕਤ ਜਗ੍ਹਾਂ ਤੇ ਅਣਪਛਾਤਿਆਂ ਨੇ ਉਹਨਾਂ ਦੀ ਕੁੱਟ-ਕੁੱਟ ਕੇ ਹੱਤਿਆਂ ਕਰ ਦਿੱਤੀ। ਸੂਤਰਾਂ ਜੇ ਮੁਤਾਬਿਕ ਚਾਰੇ ਮ੍ਰਿਤਕ ਝਾੜ-ਫੂਕ ਦਾ ਕੰਮ ਕਰਦੇ ਸਨ ਅਤੇ ਚਾਰਾਂ ਦੀ ਤੰਤਰ-ਮੰਤਰ ਕਰਨ ਦੇ ਸ਼ੱਕ ਵਿਚ ਕੁੱਟ ਮਾਰ ਕੀਤੀ ਗਈ। ਫਿਲਹਾਲ ਇਸ ਘਟਨਾ ਵਿਚ ਕਿਹੜੇ ਲੋਕ ਸ਼ਾਮਲ ਹਨ ਇਹ ਸਪੱਸ਼ਟ ਨਹੀਂ ਹੈ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ