ਦੇਸ਼ ਵਿਚ ਔਰਤਾਂ ਨਾਲ ਬਲਾਤਕਾਰ ਦੀਆਂ ਘਟਨਾਵਾਂ ਵਿਚ ਲਗਾਤਾਰ ਵਾਧਾ ਹੁੰਦਾ ਜਾ ਰਿਹਾ ਹੈ ਤੇ ਸਖ਼ਤ ਕਾਨੂੰਨ....
ਜਲਪਾਈਗੁੜੀ (ਪੀਟੀਆਈ): ਦੇਸ਼ ਵਿਚ ਔਰਤਾਂ ਨਾਲ ਬਲਾਤਕਾਰ ਦੀਆਂ ਘਟਨਾਵਾਂ ਵਿਚ ਲਗਾਤਾਰ ਵਾਧਾ ਹੁੰਦਾ ਜਾ ਰਿਹਾ ਹੈ ਤੇ ਸਖ਼ਤ ਕਾਨੂੰਨ ਤੋਂ ਬਾਅਦ ਵੀ ਹੈਵਾਨਾਂ ਵਿਚ ਕਾਨੂੰਨ ਦਾ ਖੌਫ ਖ਼ਤਮ ਨਹੀਂ ਹੋ ਰਿਹਾ ਹੈ ਜਿਸ ਕਾਰਨ ਆਏ ਦਿਨ ਪੁਲਿਸ ਦੀ ਕਾਰਗੁਜ਼ਾਰੀ ਤੇ ਸਵਾਲ ਖੜੇ ਹੋ ਰਹੇ ਹਨ।ਅਜਿਹਾ ਹੀ ਘਿਨੌਣਾ ਕਾਰਨਾਮਾ ਪੱਛਮ ਬੰਗਾਲ ਦੇ ਜਲਪਾਈਗੁੜੀ ਵਿਚ ਵਾਪਰਿਆ ਜਿੱਥੇ ਇਕ ਔਰਤ ਨਾਲ ਬਲਾਤਕਾਰ ਕੀਤਾ ਗਿਆ ਤੇ ਇਕ ਵਾਰ ਫਿਰ ਇਨਸਾਨੀਅਤ ਨੂੰ ਸ਼ਰਮਸਾਰ ਕਰ ਰਿਸ਼ਤਿਆਂ ਨੂੰ ਤਾਰ-ਤਾਰ ਕਰ ਕੇ ਰੱਖ ਦਿੱਤਾ।
Rape Case
ਜਾਣਕਾਰੀ ਮੁਤਾਬਿਕ ਔਰਤ ਦੇ ਰਿਸ਼ਤੇਦਾਰ ਵੱਲੋਂ ਹੀ ਜ਼ਮੀਨੀ ਵਿਵਾਦ ਦੇ ਚਲਦਿਆਂ ਉਸ ਦਾ ਬਲਾਤਕਾਰ ਕਰਕੇ ਉਸ ਦੇ ਪ੍ਰਾਇਵੇਟ ਪਾਰਟ ਵਿਚ ਲੋਹੇ ਦੀ ਰਾਡ ਪਾ ਦਿੱਤੀ। ਇਸ ਘਿਨੌਣੀ ਵਾਰਦਾਤ ਨੇ 2012 'ਚ ਦਿੱਲੀ ਵਿਚ ਹੋਏ ਨਿਰਭਿਆ ਕਾਂਡ ਨੂੰ ਦਹੁਰਾ ਕੇ ਰੱਖ ਦਿੱਤਾ ਤੇ ਔਰਤ ਨੂੰ ਜਲਪਾਈਗੁੜੀ ਸਦਰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਜਿੱਥੇ ਉਸਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ।ਪੁਲਿਸ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਧੂਪਗੁੜੀ ਪੁਲਿਸ ਥਾਣਾ ਖੇਤਰ ਦੇ ਤਹਿਤ ਆਉਣ ਵਾਲੇ ਇਕ ਤਲਾਬ ਦੇ ਕੋਲ ਔਰਤ ਦੇ ਨਾਲ ਉਸਦੇ ਇਕ ਰਿਸ਼ਤੇਦਾਰ ਵੱਲੋਂ ਬਲਾਤਕਾਰ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ।
Rape Case
ਪੀੜਤਾ ਦੇ ਅਨੁਸਾਰ ਮੁਲਜ਼ਮ ਨੇ ਜ਼ਮੀਨ ਵਿਵਾਦ ਸੁਲਝਾਣ ਦੇ ਨਾਮ ਉੱਤੇ ਉਸਨੂੰ ਘਰ ਤੋਂ ਬਾਹਰ ਬੁਲਾਇਆ ਫਿਰ ਉਸਦਾ ਰੇਪ ਕੀਤਾ ਅਤੇ ਪ੍ਰਾਇਵੇਟ ਪਾਰਟ ਵਿਚ ਲੋਹੇ ਦੀ ਰਾਡ ਪਾ ਦਿੱਤੀ। ਪੀੜਤਾ ਨੇ ਪੁਲਿਸ ਨੂੰ ਦੱਸਿਆ ਕਿ ਆਰੋਪੀ ਦੇ ਨਾਲ ਇਕ ਹੋਰ ਸ਼ਖਸ ਮੌਜੂਦ ਸੀ ਪਰ ਉਸਨੇ ਰੇਪ ਨਹੀਂ ਕੀਤਾ। ਸੂਤਰਾਂ ਮੁਤਾਬਿਕ ਪੁਲਿਸ ਨੇ ਦੱਸਿਆ ਕਿ ਇਕ ਰਿਕਸ਼ਾ ਚਾਲਕ ਨੇ ਪੀੜਿਤਾ ਨੂੰ ਵੇਖਿਆ ਅਤੇ ਘਰ ਪਹੁੰਚਾਇਆ ਤੇ ਘਟਨਾ ਵੇਲੇ ਪੀੜਤਾ ਦਾ ਪਤੀ ਘਰ ਨਹੀਂ ਸੀ। ਦੱਸ ਦਈਏ ਕਿ ਔਰਤ ਦੇ ਨਾਲ ਘਿਨੌਣੀ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ ਮੁਲਜ਼ਮ ਅਤੇ ਉਸਦੇ ਨਾਲ ਮੌਜੂਦ ਇਕ ਵਿਅਕਤੀ ਨੂੰ ਪੁਲਿਸ ਨੇ ਗਿਰਫ਼ਤਾਰ ਕਰ ਲਿਆ ਹੈ।
