ਗਣਤੰਤਰ ਦਿਵਸ ਤੋਂ ਪਹਿਲਾਂ ਮਹਾਰਾਸ਼ਟਰ ਐਟੀ ਟੈਰਿਸਟ ਸਕਾਟ (ਐਟੀਐਸ) ਨੇ ਇਕ ਵੱਡੀ ਕਾਰਵਾਈ....
ਮੁੰਬਈ : ਗਣਤੰਤਰ ਦਿਵਸ ਤੋਂ ਪਹਿਲਾਂ ਮਹਾਰਾਸ਼ਟਰ ਐਟੀ ਟੈਰਿਸਟ ਸਕਾਟ (ਐਟੀਐਸ) ਨੇ ਇਕ ਵੱਡੀ ਕਾਰਵਾਈ ਕੀਤੀ ਹੈ। ਐਟੀਐਸ ਨੇ ਮੁੰਬਈ ਨਾਲ ਲਗਦੇ ਠਾਣੇ ਜਿਲ੍ਹੇ ਦੇ ਮੁੰਬਰਾ ਤੋਂ ਚਾਰ ਅਤੇ ਔਰੰਗਾਬਾਦ ਤੋਂ ਪੰਜ ਸ਼ੱਕੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਮਹਾਰਾਸ਼ਟਰ ਐਟੀਐਸ ਨੇ ਜਿਨ੍ਹਾਂ ਸ਼ੱਕੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ ਉਹ ਸਾਰੇ ਬੈਗਲੁਰੂ ਦੀ ਮਸ਼ਹੂਰ ਫਰੰਟ ਆਫ਼ ਇੰਡੀਆ ਦੇ ਦੱਸੇ ਗਏ ਹਨ। ਸ਼ੱਕੀਆਂ ਦੇ ਆਈਐਸਆਈਐਸ ਮਾਡਿਊਲ ਉਤੇ ਕੰਮ ਕਰਨ ਦਾ ਅੰਦਾਜ਼ਾ ਲਗਾਇਆ ਗਿਆ ਹੈ।
Arrested
ਮੁੰਬਰਾ ਤੋਂ ਹਿਰਾਸਤ ਵਿਚ ਲਏ ਗਏ ਯੁਵਕ ਮੁਹੰਮਦ ਮਜਹਰ ਸ਼ੇਖ, ਮੋਹਸੀਨ ਖ਼ਾਨ, ਫਹਾਦ ਸ਼ਾਹ ਅਤੇ ਤਕੀ ਹੈ। ਇਹ ਸਾਰੇ ਨੌਜਵਾਨ ਸਿੱਖਿਅਤ ਹਨ ਜੋ ਮਸ਼ਹੂਰ ਫਰੰਟ ਆਫ਼ ਇੰਡੀਆ ਦੀ ਔਰੰਗਾਬਾਦ ਸ਼ਾਖਾ ਨਾਲ ਜੁੜੇ ਹੋਏ ਸਨ। ਇਸ ਸ਼ਾਖਾ ਦਾ ਪ੍ਰਮੁੱਖ ਸਲਮਾਨ ਦੱਸਿਆ ਜਾ ਰਿਹਾ ਹੈ। ਸਲਮਾਨ ਕੁੱਝ ਦਿਨ ਪਹਿਲਾਂ ਮੁੰਬਰਾ ਆਇਆ ਸੀ। ਪੁਲਿਸ ਸੂਤਰਾਂ ਦੇ ਮੁਤਾਬਕ ਮੁੰਬਰਾ ਦੇ ਚਾਰੇ ਸ਼ੱਕੀਆਂ ਦੀ ਸਲਮਾਨ ਨਾਲ ਰਮਜਾਨ ਰੋਜੇ ਦੇ ਸਮੇਂ ਮਸਜਿਦ ਵਿਚ ਹੋਣ ਵਾਲੀ ਬੈਠਕ ਦੇ ਦੌਰਾਨ ਮੁਲਾਕਾਤ ਹੋਈ ਸੀ।
ISIS
ਇਸ ਤੋਂ ਬਾਅਦ ਇਹ ਸਾਰੇ ਸਲਮਾਨ ਦੇ ਨਾਲ ਲਗਾਤਾਰ ਸੰਪਰਕ ਵਿਚ ਸਨ। ਕੁੱਝ ਦਿਨ ਪਹਿਲਾਂ ਹੀ ਸਲਮਾਨ, ਫਹਾਦ ਸ਼ੇਖ ਦੇ ਘਰ ਉਤੇ ਆਇਆ ਸੀ ਅਤੇ ਅਪਣੇ ਨਾਲ ਇਹ ਕਹਿ ਕੇ ਔਰੰਗਾਬਾਦ ਲੈ ਗਿਆ ਕਿ ਉਸ ਦਾ ਵਿਆਹ ਹੈ। ਫਹਾਦ ਦੇ ਨਾਲ ਹੀ ਹੋਰ ਤਿੰਨੋਂ ਵੀ ਔਰੰਗਾਬਾਦ ਗਏ ਸਨ। ਐਟੀਐਸ ਨੇ ਸ਼ੱਕੀਆਂ ਦੇ ਘਰ ਉਤੇ ਛਾਪਾ ਮਾਰ ਕੇ ਘਰ ਦੇ ਸਾਰੇ ਮੈਬਰਾਂ ਦੇ ਮੋਬਾਇਲ ਫੋਨ, ਸਿਮ ਕਾਰਡ ਅਤੇ ਇਕ ਪੁਰਾਣਾ ਲੈਪਟਾਪ ਜ਼ਬਤ ਕਰ ਲਿਆ ਹੈ।
