ਦੋ ਨਕਸਲੀਆਂ ਦੇ ਸਿਰ 'ਤੇ ਸੀ ਇਕ-ਇਕ ਲੱਖ ਰੁਪਏ ਦਾ ਇਨਾਮ
ਛੱਤੀਸਗੜ੍ਹ ਵਿਚ ਨਕਸਲੀਆਂ ਦੇ ਗੜ੍ਹ ਮੰਨੇ ਜਾਂਦੇ ਸੁਕਮਾ ਜ਼ਿਲ੍ਹੇ ਤੋਂ ਅੱਜ ਲਗਭਗ 15 ਨਕਸਲੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਨ੍ਹਾਂ ਦੋ ਨਕਸਲੀਆਂ ਉਪਰ ਨਕਦ ਈਨਾਮ ਵੀ ਐਲਾਨਿਆ ਗਿਆ ਹੈ। ਲਗਭਗ ਅੱਠ ਦਿਨ ਪਹਿਲਾਂ ਸੁਕਮਾ ਵਿਚ ਨਸਕਲੀਆਂ ਵਲੋਂ ਸੁਰੱਖਿਆ ਬਲਾਂ ਦੇ ਜਵਾਨਾਂ ਦੇ ਵਾਹਨ 'ਤੇ ਹਮਲਾ ਕੀਤਾ ਗਿਆ ਸੀ ਜਿਸ ਵਿਚ ਸੀਆਰਪੀਐਫ਼ ਦੇ 9 ਜਵਾਨ ਮਾਰੇ ਗਏ ਸਨ। ਇਸ ਹਮਲੇ ਤੋਂ ਬਾਅਦ 15 ਨਕਸਲੀਆਂ ਦੀ ਗ੍ਰਿਫ਼ਤਾਰੀ ਵੱਡੀ ਪ੍ਰਾਪਤੀ ਮੰਨੀ ਜਾ ਰਹੀ ਹੈ ਹਾਲਾਂਕਿ ਪੁਲਿਸ ਨੇ ਕਿਹਾ ਕਿ ਇਹ ਨਕਸਲੀ ਇਸ ਹਮਲੇ ਵਿਚ ਸ਼ਾਮਲ ਨਹੀਂ ਸਨ ਪਰ ਇਹ ਨਕਸਲੀ ਫ਼ਰਵਰੀ ਮਹੀਨੇ ਵਿਚ ਪੁਲਿਸ ਟੀਮ 'ਤੇ ਕੀਤੇ ਗਏ ਹਮਲੇ ਵਿਚ ਸ਼ਾਮਲ ਸਨ ਜਿਸ ਵਿਚ ਦੋ ਪੁਲਿਸ ਮੁਲਾਜ਼ਮ ਮਾਰੇ ਗਏ ਸਨ।
Terrorist Attack
ਅੱਜ ਨਕਸਲੀਆਂ ਦੀ ਭਾਲ ਵਿਚ ਚਲਾਈ ਗਈ ਮੁਹਿੰਮ ਦੌਰਾਨ ਸੁਕਮਾ ਜ਼ਿਲ੍ਹੇ ਦੇ ਭੇਜੀ ਖੇਤਰ ਵਿਖੇ ਸਥਿਤ ਜੰਗਲ ਤੋਂ 14 ਨਕਸਲੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਜਿਨ੍ਹਾਂ ਵਿਚ ਦੋ ਔਰਤਾਂ ਵੀ ਸ਼ਾਮਲ ਹਨ ਜਦਕਿ ਇਕ ਨਕਸਲੀ ਨੂੰ ਜ਼ਿਲ੍ਹੇ ਦੇ ਪੁਸ਼ਪਲ ਖੇਤਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਗ੍ਰਿਫ਼ਤਾਰ ਕੀਤੇ ਨਕਸਲੀਆਂ ਵਿਚ ਸ਼ਾਮਲ 42 ਸਾਲਾ ਸੋਧੀ ਪੂਜਾ ਨਾਂ ਦੇ ਨਕਸਲੀ 'ਤੇ ਇਕ ਲੱਖ ਰੁਪਏ ਦਾ ਨਕਮ ਈਨਾਮ ਸੀ। ਇਸੇ ਤਰ੍ਹਾਂ 25 ਸਾਲਾ ਨਕਸਲੀ ਮਡਕਾਮ ਸੋਮਾਰੂ ਦੇ ਸਿਰ 'ਤੇ ਵੀ ਇਕ ਲੱਖ ਰੁਪਏ ਦਾ ਇਨਾਮ ਸੀ। ਇਹ ਨਕਸਲੀ ਲਗਭਗ 10 ਘਟਨਾਵਾਂ ਵਿਚ ਸ਼ਾਮਲ ਸੀ। (ਪੀ.ਟੀ.ਆਈ.)
