ਨਵਜੋਤ ਸਿੰਘ ਸਿੱਧੂ ਨੇ ਆਪਣੇ ਯੂ-ਟਿਊਬ ਚੈਨਲ ਜਿੱਤੇਗਾ ਪੰਜਾਬ ਉੱਤੇ ਨਵੀਂ ਵੀਡੀਓ 'ਲੋੜਵੰਦਾਂ ਦੀ ਪਛਾਣ ਨਹੀਂ......
ਨਵੀਂ ਦਿੱਲੀ: ਨਵਜੋਤ ਸਿੰਘ ਸਿੱਧੂ ਨੇ ਆਪਣੇ ਯੂ-ਟਿਊਬ ਚੈਨਲ ਜਿੱਤੇਗਾ ਪੰਜਾਬ ਉੱਤੇ ਨਵੀਂ ਵੀਡੀਓ 'ਲੋੜਵੰਦਾਂ ਦੀ ਪਛਾਣ ਨਹੀਂ, ਭਲਾ ਕਿਵੇਂ ਕਰੋਗੇ?' ਦੇ ਨਾਮ ਅਪਲੋਡ ਕੀਤੀ ਹੈ। ਉਨ੍ਹਾਂ ਨੇ ਆਪਣੀ ਵੀਡੀਓ ਵਿਚ ਕਿਹਾ ਕਿ 23 ਮਾਰਚ ਨੂੰ ਜਦੋਂ ਕੋਰੋਨਾਵਾਇਰਸ ਵਿਰੁੱਧ ਜੰਗ ਸ਼ੁਰੂ ਹੋਈ ਤਾਂ ਉਸ ਰਾਤ ਨੇ ਉਹਨਾਂ ਦੀ ਜ਼ਿੰਦਗੀ ਬਦਲ ਦਿੱਤੀ।
ਉਨ੍ਹਾਂ ਕਿਹਾ ਕਿ ਉਸ ਦਿਨ ਉਹਨਾਂ ਦੇ ਕੁੱਝ ਕੌਂਸਲਰਾਂ ਦੇ ਘਰ 200 ਦੇ ਕਰੀਬ ਔਰਤਾਂ ਰੋਟੀ ਲਈ ਪਹੁੰਚੀਆਂ। ਉਹਨਾਂ ਕਿਹਾ ਕਿ ਇਹ ਮੇਰੇ ਲਈ ਚਿਤਾਵਨੀ ਸੀ। ਅਸੀਂ ਉਸੇ ਰਾਤ ਮੀਟਿੰਗ ਕੀਤੀ ਅਤੇ ਸਾਰੇ ਪ੍ਰਬੰਧ ਨੇ ਇਕਮੁੱਠ ਹੋ ਕੇ ਔਰਤਾਂ ਦੀਆਂ ਸਾਰੀਆਂ ਮੰਗਾਂ ਪੂਰੀਆਂ ਕੀਤੀਆਂ।
ਹਲਕੇ ਦੇ ਸਾਰੇ ਕਰਿਆਨਾ ਅਤੇ ਮੈਡੀਕਲ ਸਟੋਰ ਖੋਲ੍ਹ ਦਿੱਤੇ। ਉਹਨਾਂ ਕਿਹਾ ਕਿ ਉਹਨਾਂ ਦੇ ਹਲਕੇ ਵਿਚ 2 ਲੱਖ ਲੋਕ ਜ਼ਰੂਰਤਮੰਦ ਸਨ ਅਤੇ ਅਸੀਂ ਦੋ ਦਿਨਾਂ ਅੰਦਰ 35 ਹਜ਼ਾਰ ਲੋਕਾਂ ਤੱਕ ਰਾਸ਼ਨ ਅਤੇ 23 ਹਜ਼ਾਰ ਬੀਪੀਐੱਲ ਕਾਰਡਧਾਰਾਂ ਤੱਕ 6 ਮਹੀਨੇ ਦੀ ਕਣਕ ਪਹੁੰਚਾਈ, ਅਤੇ ਲਗਭਗ ਇੱਕ ਲੱਖ ਲੋਕਾਂ ਦੀ ਮਦਦ ਕੀਤੀ।
ਉਨ੍ਹਾਂ ਕਿਹਾ ਕਿ ਅਜਿਹੇ ਸਮੇਂ ਵਿਚ ਲੋੜਵੰਦ ਦੀ ਪਛਾਣ ਕਰਨੀ ਔਖੀ ਹੋ ਜਾਂਦੀ ਹੈ। ਸਿੱਧੂ ਨੇ ਕਿਹਾ ਕਿ 10 ਸਾਲ ਪਹਿਲਾਂ ਇਸ ਦੇਸ਼ ਦੀ ਆਬਾਦੀ 120 ਕਰੋੜ ਸੀ ਅਤੇ 80 ਕਰੋੜ ਬੀਪੀਐੱਲ ਕਾਰਡਧਾਰਕ ਸਨ। ਉਨ੍ਹਾਂ ਕਿਹਾ ਕਿ ਅੱਜ ਆਬਾਦੀ ਵਧਣ ਨਾਲ ਨਵੇਂ ਅੰਕੜੇ ਖੋਜਣ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਸਾਰੇ ਦੇਸ਼ ਦੇ ਪਰਵਾਸੀ ਮਜ਼ਦੂਰ ਆਪਣੇ ਖੇਤਰਾਂ ਵੱਲ ਪੈਦਲ ਤੁਰ ਪਏ, ਪਰ ਇਹ ਪੰਜਾਬ ਵਿਚ ਨਹੀਂ ਹੋਇਆ ਕਿਉਂਕਿ ਪੰਜਾਬ ਦੀ ਸਰਕਾਰ ਅਤੇ ਇੱਥੋਂ ਦੀ ਧਾਰਮਿਕ ਵਿਚਾਰਧਾਰਾ ਉੱਤਮ ਹੈ। ਉਨ੍ਹਾਂ ਕਿਹਾ ਕਿ ਛੋਟੇ ਰੋਜ਼ਗਾਰਾਂ ਵਾਲਿਆਂ ਇਸ ਮਹਾਂਮਾਰੀ ਵਿਚ ਲੋੜਵੰਦ ਬਣ ਗਏ ਹਨ, ਅਤੇ ਉਨ੍ਹਾਂ ਨੂੰ ਇਸ ਹਾਲਾਤ ਵਿਚ ਅਸਾਧਾਰਨ ਕੰਮ ਕਰਨ ਦੀ ਲੋੜ ਪਈ।
ਨਵਜੋਤ ਸਿੱਧੂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਮ ਹਾਲਤਾਂ ਨਾਲੋਂ ਹਟਕੇ ਫੈਸਲੇ ਲੈਣੇ ਪਏ ਅਤੇ ਅੱਜ ਦੇ ਸਮੇਂ ਵਿਚ ਸਰਕਾਰ ਜ਼ਰੂਰਤ ਪੈਣ 'ਤੇ ਅਨਾਜ ਖੋਲ੍ਹੇਗੀ। ਉਨ੍ਹਾਂ ਕਿਹਾ ਕਿ ਗੁਦਾਮ ਖੋਲ੍ਹਣ ਨਾਲ ਕੀਮਤਾਂ ਨੂੰ ਨੱਥ ਪਵੇਗੀ ਅਤੇ ਲੰਬੇ ਸਮੇਂ ਤੱਕ ਸਮੱਸਿਆਵਾਂ ਦੇ ਹੱਲ ਹੋਣਗੇ।
ਉਨ੍ਹਾਂ ਕਿਹਾ ਕਿ ਇੱਕ ਅਜਿਹਾ ਸਿਸਟਮ ਤਿਆਰ ਕੀਤਾ ਜਾਣਾ ਚਾਹੀਦਾ ਹੈ ਜਿਸ ਅਨੁਸਾਰ ਲੋੜਵੰਦਾਂ ਦੀ ਪਛਾਣ ਕਰਕੇ ਨੀਲੇ ਕਾਰਡ ਜਾਰੀ ਕਰੇ ਅਤੇ ਕਿਸੇ ਕੁਦਰਤੀ ਅਤੇ ਗੈਰ-ਕੁਦਰਤੀ ਆਫ਼ਤ ਸਮੇਂ ਉਨ੍ਹਾਂ ਦੀ ਸਹਾਇਤਾ ਹੋਵੇ।
ਇਸ ਤਰੀਕੇ ਨਾਲ ਸਰਕਾਰ ਖਲਬਲੀ ਵਿਚੋਂ ਮਹਾਂਬਲੀ ਹੋ ਕੇ ਉੱਭਰੇਗੀ। ਸਿੱਧੂ ਨੇ ਕਿਹਾ ਕਿ ਸਰਕਾਰ ਨੇ ਖਾਸ ਫੰਡਾਂ ਨੂੰ 3000 ਰੁਪਏ ਹਰੇਕ ਪ੍ਰਤੀ ਮਜ਼ਦੂਰ ਦੇ ਅਨੁਸਾਰ ਪਹੁੰਚਾਏ, ਪਰ ਇਸ ਵਿਚ ਆਉਣ ਵਾਲੀ ਸਮੱਸਿਆ ਕੁੱਝ ਮਜ਼ਦੂਰਾਂ ਦੀ ਰਜ਼ਿਟ੍ਰੇਸ਼ਰਨ ਨਾ ਹੋਣੀ ਹੈ।
ਨਵਜੋਤ ਸਿੱਧੂ ਨੇ ਆਪਣੀ ਇਸ ਵੀਡੀਓ ਦੇ ਅੰਤ ਵਿਚ ਕਿਹਾ ਕਿ ਸਰਕਾਰ ਅਸਲੀ ਲੋੜਵੰਦ ਦੀ ਪਛਾਣ ਕਰੇ ਅਤੇ ਉਨ੍ਹਾਂ ਦੀ ਸਹਾਇਤਾ ਕਰੇ। ਉਨ੍ਹਾਂ ਕਿਹਾ ਕਿ ਸਾਧਾਰਨ ਰੋਜ਼ਗਾਰਾਂ ਵਾਲੇ ਲੋਕ ਅਜਿਹੀ ਔਖੀ ਸਥਿਤੀ ਵਿਚ ਜ਼ਰੂਰਤਮੰਦ ਬਣ ਜਾਂਦੇ ਹਨ ਅਤੇ ਉਨ੍ਹਾਂ ਤੱਕ ਅਜਿਹੀ ਹਾਲਤ ਵਿਚ ਮਦਦ ਪਹੁੰਚਣੀ ਚਾਹੀਦੀ ਹੈ। ਸਿੱਧੂ ਨੇ ਕਿਹਾ ਕਿ ਬਿਹਤਰੀ ਲਈ ਸਰਕਾਰ ਨੂੰ ਹੋਰ ਲੋੜਵੰਦਾ ਮਜ਼ਦੂਰਾਂ ਦੀ ਰਜਿਟ੍ਰੇਰਸ਼ਨ ਕਰਨੀ ਚਾਹੀਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ