ਸੀਟ ਨੂੰ ਲੈ ਕੇ ਸਾਧਵੀ ਪ੍ਰਗਿਆ ਦਾ ਕਰੂ-ਮੈਂਬਰਾ ਨਾਲ ਹੋਇਆ ਸੀ ਵਿਵਾਦ
ਨਵੀਂ ਦਿੱਲੀ : ਆਪਣੇ ਬਿਆਨਾਂ ਨੂੰ ਲੈ ਕੇ ਅਕਸਰ ਵਿਵਾਦਾਂ ਵਿਚ ਰਹਿਣ ਵਾਲੀ ਸਾਧਵੀ ਪ੍ਰਗਿਆ ਠਾਕੁਰ ਇਕ ਵਾਰ ਫਿਰ ਤੋਂ ਸੁਰਖੀਆਂ ਵਿਚ ਹੈ। ਇਸ ਵਾਰ ਸਾਧਵੀ ਪ੍ਰਗਿਆ ਨੂੰ ਲੋਕਾਂ ਦੇ ਗੁੱਸੇ ਦਾ ਸ਼ਿਕਾਰ ਹੋਣਾ ਪਿਆ ਹੈ ਜਿਸ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ ਇਸ ਵਿਚ ਇਕ ਯਾਤਰੀ ਭਾਜਪਾ ਸੰਸਦ ਮੈਂਬਰ ਨੂੰ ਕਹਿ ਰਿਹਾ ਕਿ ਤੁਹਾਨੂੰ ਸ਼ਰਮ ਨਹੀਂ ਆਉਂਦੀ ਤੁਸੀ ਇਸ ਤਰ੍ਹਾਂ ਦਾ ਵਿਵਹਾਰ ਕਰ ਰਹੇ ਹੋ।
ਦਰਅਸਲ ਦਿੱਲੀ ਤੋਂ ਭੋਪਾਲ ਜਾ ਰਹੀ ਸਪਾਇਸਜੈੱਟ ਦੀ ਫਲਾਇਟ ਵਿਚ ਸਾਧਵੀ ਪ੍ਰਗਿਆ ਦਾ ਸੀਟ ਨੂੰ ਲੈ ਕੇ ਕਰੂ-ਮੈਂਬਰਾ ਨਾਲ ਝਗੜਾ ਹੋ ਗਿਆ। ਸੀਟ ਦੀ ਮੰਗ ਨੂੰ ਲੈ ਕੇ ਸਾਧਵੀ ਜਹਾਜ਼ ਵਿਚ ਹੀ ਧਰਨੇ 'ਤੇ ਬੈਠ ਗਈ। ਇਸ ਤੋਂ ਬਾਅਦ ਫਲਾਇਟ ਵਿਚ ਮੌਜੂਦ ਯਾਤਰੀਆਂ ਨੇ ਸਾਧਵੀ ਪ੍ਰਗਿਆ ਵਿਰੁੱਧ ਮੋਰਚਾ ਖੋਲ੍ਹ ਦਿੱਤਾ ਅਤੇ ਉਸ ਦੇ ਵਿਵਹਾਰ ਦੀ ਨਿੰਦਾ ਕੀਤੀ।
This wins the Internet:pic.twitter.com/4KFpDpbJYM
— santhoshd (@santhoshd) December 22, 2019
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਇਸ ਵੀਡੀਓ ਵਿਚ ਵੇਖਿਆ ਜਾ ਸਕਦਾ ਹੈ ਕਿ ਉਸ ਵਿਚ ਇਕ ਮਹਿਲਾ ਕਹਿ ਰਹੀ ਹੈ ਕਿ ਤੁਸੀ ਫ਼ੈਸਲਾ ਲਵੋਂ..ਤੁਹਾਡਾ ਮੈਨੇਜਮੈਂਟ ਕੋਣ ਹੈ ? ਇੱਥੋਂ ਦੀ ਪ੍ਰਫੈਸ਼ਨਲੀਜ਼ਮ ਨਹੀਂ ਹੈ।ਇਸ 'ਤੇ ਸਾਧਵੀ ਪ੍ਰਗਿਆ ਕਹਿੰਦੀ ਹੈ ਕਿ ਮੈ ਤਾਂ ਸਵੇਰੇ ਹੀ ਕਹਿ ਦਿੱਤਾ ਸੀ ਕਿ ਮੈਨੂੰ ਆਪਣੀ ਰੂਲ ਬੁੱਕ ਦਿਖਾ ਦੇਵੋ..ਜੇਕਰ ਮੈਨੂੰ ਬਣੇਗਾ ਬੈਠਾਂਗੀ ਨਹੀਂ ਬਣੇਗਾ ਤਾਂ ਚੱਲੀ ਜਾਵਾਂਗੀ।
ਇਸੇ ਵਿਚਾਲੇ ਇਕ ਵਿਅਕਤੀ ਆਉਂਦਾ ਹੈ ਅਤੇ ਸਾਧਵੀ ਪ੍ਰਗਿਆ ਨੂੰ ਕਹਿੰਦਾ ਹੈ ''ਕਿ ਤੁਸੀ ਇਕ ਲੀਡਰ ਹੋ ਅਤੇ ਤੁਹਾਡਾ ਕੰਮ ਜਨਤਾਂ ਨੂੰ ਪਰੇਸ਼ਾਨ ਕਰਨਾ ਨਹੀਂ ਹੈ। ਤੁਹਾਨੂੰ ਇਸ ਗੱਲ ਦੀ ਸ਼ਰਮ ਨਹੀਂ ਹੈ ਕਿ ਤੁਹਾਡੇ ਕਰਕੇ 50 ਵਿਅਕਤੀਆਂ ਨੂੰ ਪਰੇਸ਼ਾਨੀ ਹੋ ਰਹੀ ਹੈ''। ਇਸ 'ਤੇ ਸਾਧਵੀ ਪ੍ਰਗਿਆ ਉਸ ਨੂੰ ਸਹੀ ਭਾਸ਼ਾ ਦਾ ਇਸਤੇਮਾਲ ਕਰਨ ਨੂੰ ਕਹਿੰਦੀ ਹੈ ਜਿਸ ‘ਤੇ ਉਹ ਵਿਅਕਤੀ ਕਹਿੰਦਾ ਹੈ ਕਿ ਸ਼ਰਮ ਬਹੁਤ ਚੰਗਾ ਸ਼ਬਦ ਹੈ।
ਦੱਸ ਦਈਏ ਕਿ ਪਿਛਲੇ ਦਿਨੀਂ ਹੀ ਸਪਾਇਸਜੈੱਟ ਦੀ ਫਲਾਇਟ ਵਿਚ ਸੀਟ ਨੂੰ ਲੈ ਕੇ ਸਾਧਵੀ ਪ੍ਰਗਿਆ ਸਿੰਘ ਠਾਕੁਰ ਦਾ ਕਰੂ-ਮੈਂਬਰਾਂ ਨਾਲ ਵਿਵਾਦ ਹੋ ਗਿਆ ਸੀ। ਸਾਧਵੀ ਸੱਭ ਤੋਂ ਅੱਗੇ ਭਾਵ ਐਮਰਜੈਂਸੀ ਸੀਟ ਚਾਹੁੰਦੀ ਸੀ ਪਰ ਉਹ ਵਹੀਲਚੇਅਰ 'ਤੇ ਏਅਰਪੋਰਟ ਪਹੁੰਚੀ ਸੀ ਤਾਂ ਉਸ ਨੂੰ ਐਮਰਜੈਂਸੀ ਸੀਟ ਨਹੀਂ ਮਿਲ ਸਕਦੀ ਸੀ ਪਰ ਭਾਜਪਾ ਸੰਸਦ ਮੈਂਬਰ ਇਸ ਨੂੰ ਲੈ ਕੇ ਜਿੱਦ ਕਰ ਰਹੀ ਸੀ। ਜਿਸ ਨੂੰ ਲੈ ਕੇ ਵਿਵਾਦ ਹੋ ਗਿਆ। ਸਾਧਵੀ ਨੇ ਫਲਾਇਟ ਕਰੂ-ਮੈਂਬਰਾ 'ਤੇ ਦੁਰਵਿਵਹਾਰ ਦਾ ਇਲਜ਼ਾਮ ਲਗਾਇਆ ਸੀ।