ਓਡੀਸ਼ਾ ਦੇ ਇਕ ਜ਼ਿਲ੍ਹੇ ਵਿਚ ਵੱਡੀ ਘਟਨਾ ਸਾਹਮਣੇ ਆਈ ਹੈ।
ਨਵੀਂ ਦਿੱਲੀ: ਓਡੀਸ਼ਾ ਦੇ ਇਕ ਜ਼ਿਲ੍ਹੇ ਵਿਚ ਵੱਡੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਇਕ ਪਿੰਡ ਵਿਚ ਸਮੂਹਿਕ ਭੋਜਨ ਤੋਂ ਬਾਅਦ 50 ਲੋਕ ਬਿਮਾਰ ਹੋ ਗਏ। ਸਾਰੇ ਲੋਕਾਂ ਨੂੰ ਫੂਡ ਪੁਆਇਜ਼ਨਿੰਗ ਨਾਲ ਪੀੜਤ ਦੱਸਿਆ ਜਾ ਰਿਹਾ ਹੈ। ਦਰਅਸਲ ਜਿਸ ਬਰਤਨ ਵਿਚ ਖਾਣਾ ਰੱਖਿਆ ਗਿਆ ਸੀ, ਉਸ ਵਿਚ ਪਹਿਲਾਂ ਇਕ ਮ੍ਰਿਤਕ ਸੱਪ ਪਿਆ ਸੀ।
Photo
ਭੋਜਨ ਵਰਤਾਉਂਦੇ ਸਮੇਂ ਕਿਸੇ ਨੂੰ ਵੀ ਨਹੀਂ ਪਤਾ ਚੱਲਿਆ ਅਤੇ ਬਾਅਦ ਵਿਚ ਲੋਕ ਬਿਮਾਰ ਪੈ ਗਏ। ਸਾਰੇ ਬਿਮਾਰਾਂ ਦਾ ਇਲਾਜ ਚੱਲ ਰਿਹਾ ਹੈ। ਇਹ ਦਰਦਨਾਕ ਹਾਦਸਾ ਇਕ ਦਾਵਤ ਦੌਰਾਨ ਵਾਪਰਿਆ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਮ੍ਰਿਤਕ ਸੱਪ ਭੋਜਨ ਦੇ ਇਕ ਬਰਤਨ ਵਿਚ ਉਸ ਸਮੇਂ ਦੇਖਿਆ ਗਿਆ ਜਦੋਂ ਦਾਵਤ ਖਤਮ ਹੋਣ ਤੋਂ ਬਾਅਦ ਬਰਤਨ ਸਾਫ ਕੀਤੇ ਜਾ ਰਹੇ ਸੀ।
ਇਕ ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਮ੍ਰਿਤਕ ਸੱਪ ਨੂੰ ਖਾਲੀ ਕੰਟੇਨਰ ਵਿਚ ਦੇਖਿਆ ਗਿਆ ਜਦੋਂ ਭੋਜਨ ਪਰੋਸਿਆ ਜਾ ਚੁੱਕਿਆ ਸੀ। ਬਿਮਾਰ ਲੋਕਾਂ ਦੀ ਗਿਣਤੀ 50 ਦੱਸੀ ਜਾ ਰਹੀ ਹੈ। ਬਿਮਾਰ ਲੋਕਾਂ ਵਿਚ ਜ਼ਿਆਦਾਤਰ ਔਰਤਾਂ ਅਤੇ ਬੱਚੇ ਸ਼ਾਮਲ ਹਨ। ਬਿਮਾਰਾਂ ਦਾ ਇਲਾਜ ਨਜ਼ਦੀਕੀ ਹਸਪਤਾਲ ਵਿਚ ਕੀਤਾ ਜਾ ਹੈ।
Photo
ਹਾਲਾਂਕਿ ਹਸਪਤਾਲ ਦੇ ਮੈਡੀਕਲ ਅਧਿਕਾਰੀ ਨੇ ਕਿਹਾ ਕਿ ਲੋਕ ਖਤਰੇ ਤੋਂ ਬਾਹਰ ਹਨ ਅਤੇ ਕਿਸੇ ਦੀ ਹਾਲਤ ਗੰਭੀਰ ਨਹੀਂ ਹੈ। ਦਾਵਤ ਦਾ ਅਯੋਜਨ ਔਰਤਾਂ ਦੇ ਇਕ ਸਵੈ-ਸਹਾਇਤਾ ਸਮੂਹ ਵੱਲੋਂ ਕੀਤਾ ਗਿਆ ਸੀ।
Photo
ਬਿਮਾਰਾਂ ਨੂੰ ਫੂਡ ਪੁਆਇਜ਼ਨਿੰਗ ਦੀ ਦਵਾਈ ਦਿੱਤੀ ਜਾ ਰਹੀ ਹੈ। ਹਸਪਤਾਲ ਵਿਚ ਦਾਖਲ ਲੋਕਾਂ ਦੀ ਸਿਹਤ ਵਿਚ ਸੁਧਾਰ ਹੋ ਰਿਹਾ ਹੈ। ਇਸ ਦੇ ਨਾਲ ਹੀ ਕਈਆਂ ਨੂੰ ਹਸਪਤਾਲ ਵੱਲੋਂ ਛੁੱਟੀ ਵੀ ਦਿੱਤੀ ਜਾ ਰਹੀ ਹੈ।
