ਜਾਵੇਦ ਪਿਛਲੇ 5 ਸਾਲਾਂ ਤੋਂ ਇਸ ਬਿਮਾਰੀ ਨਾਲ...
ਬਰੇਲੀ: ਹੌਂਸਲਾ ਹੋਵੇ ਤਾਂ ਹਰ ਮੁਸ਼ਕਿਲ ਨੂੰ ਆਸਾਨ ਕੀਤਾ ਜਾ ਸਕਦਾ ਹੈ। ਅਜਿਹੀ ਹੀ ਇਕ ਮਿਸਾਲ ਪੇਸ਼ ਕੀਤੀ ਹੈ ਕਿ ਬਰੇਲੀ ਦੇ ਰਜਕੀਏ ਬਾਲਿਕਾ ਇੰਟਰ ਕਾਲਜ ਵਿਚ ਪੜ੍ਹ ਰਹੀ ਵਿਦਿਆਰਥਣ ਸਾਫਿਆ ਜਾਵੇਦ ਨੇ। ਸਾਫਿਆ ਆਕਸੀਜਨ ਸਿਲੰਡਰ ਲਗਾ ਕੇ ਅਪਣੇ ਹਾਈ ਸਕੂਲ ਦੇ ਪੇਪਰ ਦੇ ਰਹੀ ਹੈ। ਲੰਬੀ ਬਿਮਾਰੀ ਦੇ ਚਲਦੇ ਵਿਦਿਆਰਥਣ ਨੂੰ ਡਾਕਟਰਾਂ ਨੇ 24 ਘੰਟੇ ਆਕਸੀਜਨ ਦੇ ਸਹਾਰੇ ਹੀ ਰਹਿਣ ਦੀ ਸਲਾਹ ਦਿੱਤੀ ਹੈ।
Exam
ਜਾਵੇਦ ਪਿਛਲੇ 5 ਸਾਲਾਂ ਤੋਂ ਇਸ ਬਿਮਾਰੀ ਨਾਲ ਜੂਝ ਰਹੀ ਹੈ। ਜਿਸ ਦੇ ਚਲਦੇ ਉਹਨਾਂ ਨੂੰ ਫੇਫੜਿਆਂ ਦੀ ਪਰੇਸ਼ਾਨੀ ਦੇ ਨਾਲ-ਨਾਲ ਟੀਵੀ ਦੀ ਬਿਮਾਰੀ ਵੀ ਹੋ ਗਈ ਹੈ। ਫੇਫੜੇ ਕਮਜ਼ੋਰ ਹੋਣ ਕਰ ਕੇ ਉਹ ਚੰਗੀ ਤਰ੍ਹਾਂ ਸਾਹ ਨਹੀਂ ਲੈ ਸਕਦੀ। ਦਸ ਦਈਏ ਕਿ ਸਾਫਿਆ ਜਾਵੇਦ ਦਾ ਇਲਾਜ ਕਰ ਰਹੇ ਡਾਕਟਰਾਂ ਨੇ ਵਿਦਿਆਰਥਣ ਨੂੰ 24 ਘੰਟੇ ਆਕਸੀਜਨ ਤੇ ਰਹਿਣ ਦੀ ਸਲਾਹ ਦਿੱਤੀ ਹੈ।
Exam
ਹਾਈ ਸਕੂਲ ਦੀ ਵਿਦਿਆਰਥਣ ਸਾਫਿਆ ਜਾਵੇਦ ਨੇ ਇਸ ਸਾਲ ਹਾਈ ਸਕੂਲ ਦਾ ਪ੍ਰਾਈਵੇਟ ਫਾਰਮ ਭਰਿਆ ਸੀ। ਜਦੋਂ ਪ੍ਰੀਖਿਆ ਦੇਣ ਦਾ ਸਮਾਂ ਆਇਆ ਤਾਂ ਸਾਫਿਆ ਦੀ ਹਿੰਮਤ ਨੇ ਜਵਾਬ ਦੇ ਦਿੱਤਾ ਪਰ ਉਹਨਾਂ ਨੇ ਹਾਰ ਨਹੀਂ ਮੰਨੀ। ਆਕਸੀਜਨ ਸਿਲੰਡਰ ਦੇ ਸਹਾਰੇ ਪ੍ਰੀਖਿਆ ਵਿਚ ਬੈਠ ਕੇ 3 ਘੰਟੇ ਦੀ ਪ੍ਰੀਖਿਆ ਦਿੱਤੀ।
Exam
ਕਾਲਜ ਪ੍ਰਸ਼ਾਸਨ ਨੇ ਵੀ ਵਿਦਿਆਰਥਣ ਦੇ ਜ਼ਜਬੇ ਨੂੰ ਦੇਖਦੇ ਹੋਏ ਤੁਰੰਤ ਆਕਸੀਜਨ ਸਿਲੰਡਰ ਦੇ ਨਾਲ ਪ੍ਰੀਖਿਆ ਦੇਣ ਦੀ ਆਗਿਆ ਦੇ ਦਿੱਤੀ। ਇਸ ਤੋਂ ਬਾਅਦ ਹਰ ਵਾਰ ਸਾਫਿਆ ਆਕਸੀਜਨ ਸਿਲੰਡਰ ਦੇ ਸਹਾਰੇ ਬੈਠ ਕੇ ਅਪਣੀ ਪ੍ਰੀਖਿਆ ਦਿੰਦੀ ਹੈ। ਸਾਫਿਆ ਨੇ ਦਸਿਆ ਕਿ ਉਹ ਅਪਣੀ ਮਾਂ ਲਈ ਕੁੱਝ ਕਰਨਾ ਚਾਹੁੰਦੀ ਹੈ। ਉਹ ਬਿਮਾਰ ਜ਼ਰੂਰ ਹੈ ਪਰ ਕਮਜ਼ੋਰ ਨਹੀਂ ਅਤੇ ਉਹ ਅਪਣੀ ਮੰਜ਼ਿਲ ਪਾ ਕੇ ਰਹੇਗੀ।
Exam
ਜਿਸ ਸਮੇਂ ਵਿਦਿਆਰਥਣ ਪ੍ਰੀਖਿਆ ਕਲਾਸ ਵਿਚ ਬੈਠ ਕੇ ਆਕਸੀਜਨ ਸਿਲੰਡਰ ਦੇ ਸਹਾਰੇ ਪ੍ਰੀਖਿਆ ਦਿੰਦੀ ਹੈ ਤਾਂ ਉਸ ਦੇ ਦੇਖ ਕੇ ਹੋਰਨਾਂ ਵਿਦਿਆਰਥੀਆਂ ਦਾ ਹੌਂਸਲਾ ਵਧਦਾ ਹੈ। ਉਹ ਇਸ ਪ੍ਰੀਖਿਆ ਨੂ ਚੰਗੇ ਨੰਬਰਾਂ ਨਾਲ ਪਾਸ ਕਰਨਾ ਚਾਹੁੰਦੀ ਹੈ ਤਾਂ ਹੀ ਉਹ ਇੰਨੀ ਮਿਹਨਤ ਕਰ ਰਹੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
