ਸਬਰੀਮਲਾ 'ਤੇ ਦਾਅ ਲਗਾਉਣ ਦੇ ਬਾਵਜੂਦ ਕੇਰਲ 'ਚ ਨਹੀਂ ਖਿੜਿਆ ਕਮਲ
Published : May 24, 2019, 9:48 pm IST
Updated : May 24, 2019, 9:48 pm IST
SHARE ARTICLE
BJP fails to make inroads into Kerala again despite Sabarimala agitation
BJP fails to make inroads into Kerala again despite Sabarimala agitation

ਸਬਰੀਮਲਾ ਮੰਦਰ ਵਿਚ ਸਾਰੀ ਉਮਰ ਵਰਗ ਦੀਆਂ ਔਰਤਾਂ ਦੇ ਦਾਖ਼ਲੇ ਦੀ ਮਨਜ਼ੂਰੀ ਦੇਣ ਦੇ ਸੁਪਰੀਮ ਕੋਰਟ ਦੇ ਫ਼ੈਸਲੇ ਵਿਰੁਧ ਭਾਜਪਾ ਨੇ ਸਖ਼ਤ ਵਿਰੋਧ ਕੀਤਾ ਸੀ

ਤਿਰੁਵਨੰਤਪੁਰਮ : ਕੇਰਲ ਵਿਚ ਭਾਜਪਾ ਨੀਤ ਐਨਡੀਏ ਦਾ ਖ਼ਾਤਾ ਇਕ ਵਾਰ ਫਿਰ ਨਹੀਂ ਖੁਲ ਸਕਿਆ ਹਾਲਾਂਕਿ ਸਬਰੀਮਲਾ ਮੰਦਰ ਵਿਚ ਔਰਤਾਂ ਦੇ ਦਾਖ਼ਲੇ ਵਾਲੇ ਮੁੱਦੇ ਸਬੰਧੀ ਪਾਰਟੀ ਕਾਫ਼ੀ ਸਰਗਰਮ ਸੀ। ਸਬਰੀਮਲਾ ਦੇ ਭਗਵਾਨ ਅਯੱਪਾ ਮੰਦਰ ਵਿਚ ਸਾਰੀ ਉਮਰ ਵਰਗ ਦੀਆਂ ਔਰਤਾਂ ਦੇ ਦਾਖ਼ਲੇ ਦੀ ਮਨਜ਼ੂਰੀ ਦੇਣ ਦੇ ਸੁਪਰੀਮ ਕੋਰਟ ਦੇ ਫ਼ੈਸਲੇ ਵਿਰੁਧ ਭਾਜਪਾ ਅਤੇ ਹੋਰ ਦੱਖਣਪੰਥੀ ਜੱਥੇਬੰਦੀਆਂ ਨੇ ਸਖ਼ਤ ਵਿਰੋਧ ਕੀਤਾ ਸੀ। ਪਾਰਟੀ ਨੂੰ ਉਮੀਦ ਸੀ ਕਿ ਲੋਕ ਸਭਾ ਚੋਣਾਂ ਵਿਚ ਇਸ ਦਾ ਫ਼ਾਇਦਾ ਹੋਵੇਗਾ।

Sabrimala Temple Sabrimala Temple

ਉਨ੍ਹਾਂ ਨੂੰ ਤਿੰਨ ਇਲਾਕਿਆਂ ; ਤਿਰੁਵਨੰਤਪੁਰਮ, ਪਥਾਨਮਥਿੱਟਾ ਅਤੇ ਤ੍ਰਿਸ਼ੁਰ ਤੋਂ ਉਮੀਦ ਸੀ। ਇਸ ਤੋਂ ਇਲਾਵਾ ਕੁਝ ਹੋਰ ਸੂਬਿਆਂ ਵਿਚ ਵੋਟ ਪ੍ਰਤੀਸ਼ਤ ਵਧਾਉਣ ਦੀ ਵੀ ਉਮਦੀ ਸੀ। ਤਿਰੂਵਨੰਤਪੁਰਮ ਵਿਚ ਪਾਰਟੀ ਦੇ ਦਿਗਜ਼ ਨੇਤਾ ਕੁਮਨਮ ਰਾਜਸ਼ੇਖਰਨ ਕਾਂਗਰਸ ਦੇ ਸ਼ਸ਼ੀ ਥਰੂਰ ਤੋਂ ਕਰੀਬ 1 ਲੱਖ ਵੋਟਾਂ ਨਾਲ ਹਾਰ ਗਏ।

Sabrimala Sabrimala

ਰਾਜਸ਼ੇਖਰਨ ਨੂੰ 3.16 ਲੱਖ ਵੋਟਾਂ ਮਿਲੀਆਂ ਜਦਕਿ ਥਰੂਰ ਨੇ ਚਾਰ ਲੱਖ ਤੋਂ ਜ਼ਿਆਦਾ ਵੋਟਾਂ ਹਾਸਲ ਕੀਤੀਆਂ। ਭਾਜਪਾ ਨੇ ਸੱਤਾਧਾਰੀ ਐਲਡੀਐਫ਼ ਉਮੀਦਵਾਰ ਸੀ ਦਿਵਾਕਰਨ ਨੂੰ ਪਿੱਛੇ ਛੱਡ ਦਿਤਾ। ਭਾਜਪਾ ਜਨਰਲ ਸਕੱਤਰ ਕੇ ਸੁਰੇਂਦਰਨ ਨੇ ਸਬਰੀਮਲਾ ਅੰਦੋਲਨ ਦੀ ਅਗਵਾਈ ਕੀਤੀ ਸੀ। ਉਨ੍ਹਾਂ ਨੂੰ ਵੀ ਪਥਾਨਮਥਿੱਟਾ 'ਚ ਹਾਰ ਦਾ ਮੂੰਹ ਵੇਖਣਾ ਪਿਆ। ਉਹ ਕਾਂਗਰਸ ਨੀਤ ਯੂਡੀਐਫ਼ ਉਮੀਦਵਾਰ ਏਂਟੋ ਐਨਟਨੀ ਅਤੇ ਸੀਪੀਆਈ(ਐਮ) ਨੀਤ ਐਲਡੀਐਫ਼ ਉਮੀਦਵਾਰ ਵੀਨਾ ਜਾਰਜ ਤੋਂ ਬਾਅਦ ਤੀਜੇ ਨੰਬਰ 'ਤੇ ਰਹੇ। ਉਨ੍ਹਾਂ ਨੂੰ ਕਰੀਬ 2.97 ਲੱਖ ਵੋਟਾਂ ਮਿਲੀਆਂ।

Kummanam Rajashekaran & Shashi TharoorKummanam Rajashekaran & Shashi Tharoor

ਭਾਜਪਾ ਵਰਕਰਾਂ ਤੋਂ ਇਲਾਵਾ ਆਰਐਸਐਸ ਦੇ ਮੈਂਬਰ ਵੀ ਇਨ੍ਹਾਂ ਦੋਹਾਂ ਇਲਾਕਿਆਂ ਵਿਚ ਕਾਫ਼ੀ ਸਰਗਰਮ ਸਨ। ਭਾਜਪਾ ਨੇ ਅਭਿਨੇਤਾ ਤੋਂ ਨੇਤਾ ਬਣੇ ਰਾਜ ਸਭਾ ਮੈਂਬਰ ਸੁਰੇਸ਼ ਗੋਪੀ ਨੂੰ ਤ੍ਰਿਸ਼ੂਰ ਤੋਂ ਆਖ਼ਰੀ ਸਮੇਂ ਚੋਣ ਮੈਦਾਨ ਵਿਚ ਉਤਾਰਿਆ। ਵਕਤ ਘੱਟ ਹੋਣ ਦੇ ਬਾਵਜੂਦ ਉਹ ਜਨਤਾ ਦਾ ਧਿਆਨ ਖਿੱਚਣ ਵਿਚ ਸਫ਼ਲ ਰਹੇ ਅਤੇ 2.93 ਲੱਖ ਵੋਟਾਂ ਨਾਲ ਤੀਜੇ ਸਥਾਨ 'ਤੇ ਰਹੇ।

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM

'ਚੋਰ ਵੀ ਕਹਿੰਦਾ ਮੈਂ ਚੋਰੀ ਨਹੀਂ ਕੀਤੀ, ਜੇ Kejriwal ਬੇਕਸੂਰ ਨੇ ਤਾਂ ਸਬੂਤ ਪੇਸ਼ ਕਰਨ'

29 Mar 2024 11:53 AM

Punjab-Delhi 'ਚ ਤੋੜੇਗੀ BJP GOVT ! ਕੌਰ ਗਰੁੱਪ ਦੀ ਮੀਟਿੰਗ ਤੋਂ ਪਹਿਲਾ ਬੋਲਿਆ ਆਗੂ, ਕੋਈ ਸਾਡੇ ਕੋਲ ਆਉਂਦਾ ਹੈ...

29 Mar 2024 11:34 AM

Mukhtar Ansari ਦੀ ਹੋਈ ਮੌਤ, Jail 'ਚ ਪਿਆ ਦਿਲ ਦਾ ਦੌਰਾ, UP ਦੇ ਕਈ ਜ਼ਿਲ੍ਹਿਆਂ 'ਚ High Alert

29 Mar 2024 9:33 AM

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM
Advertisement