ਪਿਛਲੇ ਕੁਝ ਦਿਨਾਂ ਤੋਂ ਤੇਲ ਦੀਆਂ ਕੀਮਤਾਂ ਲਗਾਤਾਰ ਵੱਧ ਰਹੀਆਂ ਹਨ,
ਨਵੀਂ ਦਿੱਲੀ : ਪਿਛਲੇ ਕੁਝ ਦਿਨਾਂ ਤੋਂ ਤੇਲ ਦੀਆਂ ਕੀਮਤਾਂ ਲਗਾਤਾਰ ਵੱਧ ਰਹੀਆਂ ਹਨ, ਜਿਸ ਦੌਰਾਨ ਲੋਕਾਂ ਦਾ ਜਿਉਣਾ ਮੁਸ਼ਕਿਲ ਹੋ ਰਿਹਾ ਹੈ। ਲਗਾਤਰ ਹੋ ਰਹੇ ਵਾਧੇ ਦੇ ਕਾਰਨ ਲੋਕਾਂ ਨੂੰ ਹੁਣ ਪਹਿਲਾ ਨਾਲੋਂ ਜ਼ਿਆਦਾ ਜੇਬ੍ਹ ਢਿੱਲੀ ਕਰਨੀ ਪੈ ਰਹੀ ਹੈ। ਤੁਹਾਨੂੰ ਦਸ ਦਈਏ ਕਿ ਤੇਲ ਦੀ ਵਧਦੀ ਕੀਮਤ ਨਾਲ ਲੋਕਾਂ ਨੂੰ ਹਫਤੇ ਦੇ ਪਹਿਲੇ ਦਿਨ ਵੀ ਨਜਾਤ ਨਹੀਂ ਮਿਲੀ। ਸੋਮਵਾਰ ਨੂੰ ਪਟਰੋਲ ਦੀ ਕੀਮਤ ( 11 ਪੈਸੇ ) ਅਤੇ ਡੀਜ਼ਲ ਦੀ ਕੀਮਤ ਵਿਚ ਵੀ ਵਾਧਾ ਹੋਇਆ।
ਇਸ ਦੇ ਨਾਲ ਹੀ ਮੁੰਬਈ ਵਿਚ ਪਟਰੋਲ 90 ਰੁਪਏ ਲਿਟਰ ਦੇ ਪਾਰ ਪਹੁੰਚ ਗਿਆ ਉਥੇ ਹੀ ਦਿੱਲੀ ਵਿਚ ਵੀ ਇਸ ਦੀ ਕੀਮਤ ਹੁਣ 82 ਰੁਪਏ ਪ੍ਰਤੀ ਲਿਟਰ ਦੇ ਪਾਰ ਹੈ। ਦਸ ਦਈਏ ਕਿ ਇਸ ਤੋਂ ਪਹਿਲਾਂ ਕੁਝ ਦਿਨ ਤੱਕ ਡੀਜ਼ਲ ਦੀਆਂ ਕੀਮਤਾਂ ਵਿਚ ਵਾਧਾ ਨਹੀਂ ਹੋਇਆ ਸੀ, ਪਰ ਸੋਮਵਾਰ ਨੂੰ ਇਹ ਕ੍ਰਮ ਵੀ ਟੁੱਟ ਗਿਆ। ਸੋਮਵਾਰ ਨੂੰ ਪਟਰੋਲ ਦੀ ਕੀਮਤ ਦਿੱਲੀ ਵਿਚ 82 . 72 ਰੁਪਏ , ਮੁੰਬਈ ਵਿਚ 90.08 , ਕੋਲਕਾਤਾ ਵਿਚ 84.54 ਅਤੇ ਚੇੱਨਈ ਵਿਚ 85.99 ਰੁਪਏ ਪ੍ਰਤੀ ਲਿਟਰ ਹੋ ਗਈ।
Petrol Pump
ਉਥੇ ਹੀ ਡੀਜ਼ਲ ਦਿੱਲੀ ਵਿਚ 74 . 02 , ਮੁੰਬਈ ਵਿਚ 78 . 58 , ਕੋਲਕਾਤਾ ਵਿੱਚ 75 . 87 , ਚੇੰਨੈ ਵਿੱਚ 78 . 26 ਰੁਪਏ ਪ੍ਰਤੀ ਲਿਟਰ ਹੋ ਗਿਆ ਹੈ। ਆਪਣੇ ਸ਼ਹਿਰ ਦੀ ਤੇਲ ਦੀ ਕੀਮਤ ਜਾਣਨ ਲਈ ਤੁਸੀ iocl . com ਉੱਤੇ ਜਾ ਸਕਦੇ ਹੋ। ਉੱਥੇ ਸਾਰੇ ਸ਼ਹਿਰਾਂ ਦੇ ਕੁਝ ਕੋਡ ਦਿੱਤੇ ਗਏ ਹਨ। ਜਿਨ੍ਹਾਂ ਨੂੰ 92249 92249 ਉੱਤੇ ਮੇਸੇਜ ਕਰ ਆਪਣੇ ਇੱਥੇ ਦੀ ਕੀਮਤ ਫੋਨ ਉੱਤੇ ਹੀ ਜਾਣੀਆਂ ਜਾ ਸਕਦੀਆਂ ਹਨ।
ਇਸ ਤੋਂ ਪਹਿਲਾ ਕੇਂਦਰੀ ਸੜਕ ਟ੍ਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ ਨਿਤੀਨ ਗਡਕਰੀ ਨੇ ਕਿਹਾ ਹੈ ਕਿ ਪੇਟਰੋਲੀਅਮ ਮੰਤਰਾਲਾ ਇਥੇਨਾਲ ਫੈਕਟਰੀ ਲਗਾ ਰਿਹਾ ਹੈ , ਜਿਸ ਦੀ ਮਦਦ ਨਾਲ ਡੀਜ਼ਲ 50 ਰੁਪਏ ਵਿਚ ਅਤੇ ਪਟਰੋਲ ਸਿਰਫ 55 ਰੁਪਏ ਵਿਚ ਮਿਲ ਸਕੇਂਗਾ।
ਉਹਨਾਂ ਨੇ ਕਿਹਾ ਕਿ ਸਾਡਾ ਪੇਟਰੋਲੀਅਮ ਮੰਤਰਾਲਾ ਇਥੇਨਾਲ ਬਣਾਉਣ ਲਈ ਦੇਸ਼ ਵਿਚ ਪੰਜ ਪਲਾਂਟ ਲਗਾ ਰਿਹਾ ਹੈ। ਨਾਲ ਹੀ ਉਹਨਾਂ ਨੇ ਇਹ ਵੀ ਦਸਿਆ ਕਿ ਲੱਕੜੀ ਦੀਆਂ ਚੀਜਾਂ ਅਤੇ ਕੂੜੇ ਤੋਂ ਇਥੇਨਾਲ ਬਣਾਇਆ ਜਾਵੇਗਾ। ਪਰ ਹੁਣ ਅਜਿਹਾ ਕੁਝ ਹੁੰਦਾ ਦਿਖਾਈ ਨਹੀਂ ਦੇ ਰਿਹਾ ਹੈ। ਇਹਨਾਂ ਵੱਧ ਰਹੀਆਂ ਕੀਮਤਾਂ ਨਾਲ ਲੋਕਾਂ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
