ਨਵੇਂ ਟਰੈਫਿਕ ਨਿਯਮ ਲਾਗੂ ਹੋਣ ਤੋਂ ਬਾਅਦ ਦੇਸ਼ ਭਰ 'ਚ ਤਰ੍ਹਾਂ - ਤਰ੍ਹਾਂ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਤਾਜ਼ਾ ਮਾਮਲਾ ਉਤਰਾਖੰਡ ਦੇ ..
ਕਾਸ਼ੀਪੁਰ : ਨਵੇਂ ਟਰੈਫਿਕ ਨਿਯਮ ਲਾਗੂ ਹੋਣ ਤੋਂ ਬਾਅਦ ਦੇਸ਼ ਭਰ 'ਚ ਤਰ੍ਹਾਂ - ਤਰ੍ਹਾਂ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ। ਤਾਜ਼ਾ ਮਾਮਲਾ ਉਤਰਾਖੰਡ ਦੇ ਕਾਸ਼ੀਪੁਰ ਤੋਂ ਹੈ, ਜਿੱਥੇ ਕਾਸ਼ੀਪੁਰ 'ਚ ਖੜੀ ਬਾਇਕ ਨੋਇਡਾ 'ਚ ਪਹੁੰਚਦੇ ਹੀ ਸਕੂਟੀ ਬਣ ਗਈ ਅਤੇ ਚਲਾਨ ਕੱਟਕੇ ਸਿੱਧਾ ਕਾਸ਼ੀਪੁਰ ਪਹੁੰਚਿਆ ਗਿਆ, ਚਲਾਨ ਦੇ ਪਹੁੰਚਦੇ ਹੀ ਬਾਇਕ ਮਾਲਕ ਹੈਰਾਨ ਰਹਿ ਗਿਆ।
ਦਰਅਸਲ ਅਜੀਤਪੁਰ ਪਿੰਡ ਦੇ ਕੋਲ ਦਭੌਰਾ ਮੁਸਤਕਮ ਰਹਿਣ ਵਾਲੇ ਹਰਦੇਵ ਸਿੰਘ ਦੇ ਕੋਲ ਹੋਂਡਾ ਦੀ ਬਾਇਕ ਹੈ ਅਤੇ ਉਸਦਾ ਨੰਬਰ ਯੂਕੇ 18ਈ 6061 ਹੈ। ਹਰਦੇਵ ਸਿੰਘ ਦੇ ਕੋਲ ਨੋਇਡਾ ਤੋਂ ਚਲਾਨ ਆਇਆ ਹੈ, ਚਲਾਣ ਮੁਤਾਬਕ 28 ਸਤੰਬਰ ਦੀ ਸਵੇਰੇ 9 : 35 ਮਿੰਟ 49 ਸੈਕਿੰਡ 'ਤੇ ਯੂਕੇ18ਈ 6061 ਨੰਬਰ ਦੀ ਸਕੂਟੀ ਗੌਤਮਬੁੱਧ ਨਗਰ ਯਾਨੀ ਨੋਇਡਾ ਤੋਂ ਗੁਜਰੀ ਅਤੇ ਸਕੂਟੀ ਚਾਲਕ ਦੇ ਕੋਲ ਨਾ ਤਾਂ ਲਾਇਸੈਂਸ ਸੀ ਅਤੇ ਨਾ ਹੀ ਉਸਨੇ ਹੈਲਮਟ ਪਾਇਆ ਹੋਇਆ ਸੀ।
ਇਸ ਲਈ ਸਕੂਟੀ ਦਾ ਆਨਲਾਈਨ ਚਲਾਨ 600 ਰੁਪਏ ਜਮਾਂ ਕਰਨਾ ਪਵੇਗਾ। ਹੁਣ ਹਰਦੇਵ ਸਿੰਘ ਨੂੰ ਇਹ ਸਮਝ ਵਿੱਚ ਨਹੀਂ ਆਇਆ ਕਿ ਉਸਦੀ ਬਾਇਕ ਕਦੋਂ ਨੋਇਡਾ ਗਈ ਅਤੇ ਕਦੋਂ ਸਕੂਟੀ ਬਣ ਗਈ ? ਮਾਮਲੇ ਦੇ ਸਾਹਮਣੇ ਆਉਣ ਤੋਂ ਬਾਅਦ ਵਾਹਨ ਸਵਾਮੀ ਹਰਦੇਵ ਦੇ ਉਦੋਂ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਹਰਦੇਵ ਸਿੰਘ ਦੇ ਕੋਲ ਆਇਆ ਚਲਾਨ ਇਸ ਗੱਲ ਨੂੰ ਦਰਸਾਉਦਾ ਹੈ ਕਿ ਨੋਇਡਾ 'ਚ ਹਰਦੇਵ ਸਿੰਘ ਦੀ ਬਾਇਕ ਦੇ ਨੰਬਰ ਦੀ ਸਕੂਟੀ ਦਾ ਮਿਲਣਾ ਪਹਿਲੀ ਨਜ਼ਰੇ ਇਹ ਦਰਸਾਉਂਦਾ ਹੈ ਕਿ ਸਕੂਟੀ ਚੋਰੀ ਦੀ ਹੋ ਸਕਦੀ ਹੈ, ਜਿਸ 'ਚ ਹੂਬਹੂ ਹਰਦੇਵ ਸਿੰਘ ਦੇ ਬਾਇਕ ਦੀ ਨੰਬਰ ਪਲੇਟ ਲਗਾ ਦਿੱਤੀ ਗਈ।
ਜਦੋਂ ਆਨਲਾਇਨ ਚਲਾਨ ਹੋਇਆ ਤਾਂ ਉਹ ਨੰਬਰ ਕਾਸ਼ੀਪੁਰ ਦਾ ਨਿਕਲਿਆ ਅਤੇ ਪੁਲਿਸ ਨੇ ਚਲਾਨ ਹਰਦੇਵ ਸਿੰਘ ਦੇ ਘਰ ਭੇਜ ਦਿੱਤਾ। ਹਾਲਾਂਕਿ ਹੁਣ ਪੁਲਿਸ ਨੂੰ ਹਕੀਕਤ ਪਤਾ ਚੱਲ ਗਈ ਹੈ ਕਾਸ਼ੀਪੁਰ ਦੀ ਲੋਕਲ ਪੁਲਿਸ ਨੇ ਹਰਦੇਵ ਸਿੰਘ ਦੇ ਕੋਲ ਆਏ ਚਲਾਨ ਨੂੰ ਵਾਪਸ ਨੋਇਡਾ ਭੇਜ ਦਿੱਤਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ