ਦੇਸ਼ ਵਿਚ ਹੁਣ ਤੱਕ ਦੇ ਕਰੋਨਾ ਵਾਇਰਸ ਦੇ ਅੰਕੜਿਆਂ ਬਾਰੇ ਗੱਲ ਕਰੀਏ ਤਾਂ ਹੁਣ ਤੱਕ 23,452 ਲੋਕ ਇਸ ਮਹਾਂਮਾਰੀ ਦੇ ਚਪੇਟ ਵਿਚ ਆ ਚੁੱਕੇ ਹਨ
ਨਵੀਂ ਦਿੱਲੀ : ਭਾਰਤ ਵਿਚ ਕਰੋਨਾ ਦੇ ਮਾਮਲਿਆਂ ਵਿਚ ਆਏ ਦਿਨ ਇਜਾਫਾ ਹੋ ਰਿਹਾ ਹੈ। ਅਜਿਹੇ ਸਮੇਂ ਵਿਚ ਸਰਕਾਰਾਂ ਦੇ ਵੱਲੋਂ ਇਸ ਵਾਇਰਸ ਨੂੰ ਠੱਲ ਪਾਉਂਣ ਦੇ ਲਈ ਵੱਖ-ਵੱਖ ਕਦਮ ਚੁੱਕੇ ਜਾ ਰਹੇ ਹਨ। ਉਧਰ ਜੇਕਰ ਲੋਕਾਂ ਨੂੰ ਖਾਂਸੀ ਜਾਂ ਜੁਖਾਮ ਵੀ ਹੁੰਦਾ ਹੈ ਤਾਂ ਉਹ ਡਰ ਰਹੇ ਹਨ। ਭਾਵੇਂ ਕਿ ਉਹ ਕਰੋਨਾ ਟੈਸਟ ਤਾਂ ਕਰਵਾਉਂਣਾ ਚਹੁੰਦੇ ਹਨ ਪਰ ਟੈਸਟ ਦੀਆਂ ਕੀਮਤਾਂ ਦੇ ਕਾਰਨ ਇਸ ਨੂੰ ਅਮਲੀ ਜਾਮਾ ਨਹੀਂ ਪਹਿਨਾਇਆ ਜਾਂਦਾ।
Coronavirus
ਇਸ ਸਥਿਤੀ ਨੂੰ ਦੇਖਦਿਆਂ ਹੁਣ ਕੇਂਦਰ ਸਰਕਾਰ ਦੇ ਵੱਲੋਂ ਇਕ ਹੋਰ ਵੱਡਾ ਫੈਸਲਾ ਲਿਆ ਗਿਆ ਹੈ ਜਿਸ ਦੇ ਅਨੁਸਾਰ ਸਰਕਾਰ ਨੇ ਪੂਰੇ ਦੇਸ਼ ਵਿਚ ਕਰੋਨਾ ਵਾਇਰਸ ਦੇ ਟੈਸਟ ਦੀ ਕੀਮਤ ਤੈਅ ਕੀਤੀ ਹੈ। ਜਿਸ ਵਿਚ ਲੈਬਾਂ 2500 ਤੋਂ ਜ਼ਿਆਦਾ ਪੈਸੇ ਨਹੀਂ ਲੈ ਸਕਣਗੀਆਂ। ਦੱਸ ਦੱਈਏ ਕਿ ICMR ਦੇ ਵੱਲੋਂ 87 ਲੈਬਾਂ ਦੀ ਲਿਸਟ ਜਾਰੀ ਕੀਤੀ ਗਈ ਹੈ। ਜਿਨ੍ਹਾਂ ਵਿਚ ਕਰੋਨਾ ਵਾਇਰਸ ਦਾ ਟੈਸਟ ਕੀਤਾ ਜਾਵੇਗਾ।
Coronavirus
ICMR ਵੱਲੋਂ ਦੱਸੀਆਂ ਗਈਆਂ ਇਹ ਲੈਬਾਂ ਦੇਸ਼ ਦੇ 15 ਰਾਜਾਂ ਵਿਚ ਸਥਿਤ ਹਨ। ਇਨ੍ਹਾਂ ਵਿੱਚੋਂ ਸਭ ਤੋਂ ਵੱਧ ਲੈਬਾਂ ਦੀ ਗਿਣਤੀ 20 ਮਹਾਰਾਸ਼ਟਰ ਵਿੱਚ ਹੈ। ਇਸ ਤੋਂ ਬਾਅਦ ਤੇਲੰਗਾਨਾ ਵਿਚ 12, ਦਿੱਲੀ ਵਿਚ 11, ਤਾਮਿਲਨਾਡੂ ਵਿਚ 10, ਹਰਿਆਣਾ ਵਿਚ 7, ਪੱਛਮੀ ਬੰਗਾਲ ਵਿਚ 6, ਕਰਨਾਟਕ ਵਿਚ 5, ਗੁਜਰਾਤ ਵਿਚ 4, ਕੇਰਲ, ਮੱਧ ਪ੍ਰਦੇਸ਼, ਪੰਜਾਬ, ਰਾਜਸਥਾਨ ਅਤੇ ਉੱਤਰ ਪ੍ਰਦੇਸ਼ ਵਿਚ 2-2 ਲੈਬ ਹਨ। ਜਦੋਂ ਕਿ ਉਤਰਾਖੰਡ ਅਤੇ ਓਡੀਸ਼ਾ ਵਿਚ 1-1 ਲੈਬਾਂ ਹਨ।
Coronavirus covid 19 india
ਜ਼ਿਕਰਯੋਗ ਹੈ ਕਿ ਉੱਤਰ ਪ੍ਰਦੇਸ਼ ਸਰਕਾਰ ਦੇ ਪ੍ਰਮੁੱਖ ਸਕੱਤਰ (ਮੈਡੀਕਲ) ਅਮਿਤ ਮੋਹਨ ਪ੍ਰਸਾਦ ਦੁਆਰਾ ਜਾਰੀ ਕੀਤੇ ਗਏ ਹੁਕਮ ਅਨੁਸਾਰ ਜੇਕਰ ਕਿਸ ਲੈਬ ਇਕੱਲੇ ਇਕ ਪੜਾਅ ਦੀ ਟੈਸਟਿੰਗ ਲਈ ਇਸ ਤੋਂ ਵੱਧ ਫੀਸ ਲੈਂਦੀ ਹੈ ਤਾਂ ਉਸ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ। ਦੱਸ ਦੱਈਏ ਕਿ ਸਿੰਗਲ ਫੇਜ਼ ਟੈਸਟਿੰਗ ਵਿਚ ਹੀ ਵਾਇਰਸ ਦੀ ਲਾਗ ਦੀ ਪੁਸ਼ਟੀ ਕੀਤੀ ਜਾਂਦੀ ਹੈ। ਜੇਕਰ ਦੇਸ਼ ਵਿਚ ਹੁਣ ਤੱਕ ਦੇ ਕਰੋਨਾ ਵਾਇਰਸ ਦੇ ਅੰਕੜਿਆਂ ਬਾਰੇ ਗੱਲ ਕਰੀਏ ਤਾਂ ਹੁਣ ਤੱਕ 23,452 ਲੋਕ ਇਸ ਮਹਾਂਮਾਰੀ ਦੇ ਚਪੇਟ ਵਿਚ ਆ ਚੁੱਕੇ ਹਨ ਅਤੇ 723 ਲੋਕਾਂ ਦੀ ਕਰੋਨਾ ਨਾਲ ਮੌਤ ਹੋ ਚੁੱਕੀ ਹੈ। ਇਸ ਤੋਂ ਇਲਾਵਾ 4,814 ਲੋਕ ਇਸ ਵਾਇਰਸ ਵਿਚੋਂ ਉਭਰ ਆਏ ਹਨ ਅਤੇ ਹੁਣ ਠੀਕ ਹੋ ਚੁੱਕੇ ਹਨ।
coronavirus cases
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
