ਕੁੱਟਮਾਰ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਹੋ ਰਿਹੈ ਵਾਇਰਲ
ਸਿਵਨੀ: ਮੱਧ ਪ੍ਰਦੇਸ਼ ਦੇ ਸਿਵਨੀ ਵਿਚ ਗਊ ਰੱਖਿਆ ਦੇ ਨਾਂ ’ਤੇ ਗਊ ਰੱਖਿਆ ਕਰਨ ਵਾਲਿਆਂ ਦੀ ਗੁੰਡਾਗਰਦੀ ਦੀ ਕਥਿਤ ਵੀਡੀਉ ਸਾਹਮਣੇ ਆਈ ਹੈ। ਇਸ ਵੀਡੀਉ ਵਿਚ ਗਊ ਰੱਖਿਆ ਵਾਲੇ ਇਕ ਔਰਤ ਸਮੇਤ ਤਿੰਨ ਵਿਅਕਤੀਆਂ ਨੂੰ ਬੰਨ ਕੇ ਬੇਰਿਹਮੀ ਨਾਲ ਕੁੱਟਦੇ ਨਜ਼ਰ ਆ ਰਹੇ ਹਨ। ਇਹ ਵੀਡੀਉ ਡੂੰਡਾ ਸਿਵਨੀ ਇਲਾਕੇ ਦੀ ਹੈ। ਦੋ ਦਿਨ ਪਹਿਲਾਂ ਕਥਿਤ ਗਊ ਰੱਖਿਆ ਵਾਲਿਆਂ ਨੇ ਇਕ ਆਟੋ ਵਿਚ ਸ਼ੱਕੀ ਮਾਸ ਮਿਲਣ ਦੀ ਸੂਚਨਾ ’ਤੇ ਤਿੰਨ ਲੋਕਾਂ ਨੂੰ ਫੜਿਆ ਸੀ।
ਇਸ ਵਾਰ ਅਰੋਪੀਆਂ ਨੇ ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦੇਣ ਦੀ ਬਜਾਏ ਖੁਦ ਹੀ ਗੁੰਡਾਗਰਦੀ ਦਿਖਾਉਂਦੇ ਹੋਏ ਆਟੋ ਵਿਚ ਬੈਠੀ ਇਕ ਔਰਤ ਅਤੇ ਦੋ ਨੌਜਵਾਨਾਂ ਨੂੰ ਬੰਨ ਕੇ ਡੰਡਿਆਂ ਨਾਲ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਇਸ ਬੇਰਿਹਮੀ ਦੀ ਹੱਦ ਉਸ ਵਕਤ ਹੋ ਗਈ ਜਦੋਂ ਔਰਤ ਨੂੰ ਉਸੀ ਨੌਜਵਾਨ ਤੋਂ ਕੁਟਵਾਇਆ ਗਿਆ ਜਿਸ ਨੂੰ ਉਹ ਆਪ ਕੁੱਟ ਰਹੇ ਸਨ ਅਤੇ ਤਿੰਨਾਂ ਨੂੰ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਗਾਉਣ ਲਈ ਮਜਬੂਰ ਕੀਤਾ ਗਿਆ।
ਲੋਕਾਂ ਨੇ ਇਸ ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦੇਣੀ ਜ਼ਰੂਰੀ ਨਾ ਸਮਝੀ। ਇਲਾਕੇ ਦੇ ਐਸਪੀ ਲਲਿਤ ਸ਼ਾਕਿਆਵਾਰ ਦਾ ਕਹਿਣਾ ਹੈ ਕਿ ਵੀਡੀਉ 4 ਦਿਨ ਪੁਰਾਣੀ ਹੈ। ਇਸ ਮਾਮਲੇ ਵਿਚ 4 ਲੋਕਾਂ ਦੀ ਗ੍ਰਿਫ਼ਤਾਰੀ ਹੋ ਗਈ ਹੈ ਜਿਸ ਨੂੰ ਅੱਜ ਅਦਾਲਤ ਵਿਚ ਪੇਸ਼ ਕੀਤਾ ਜਾਵੇਗਾ। ਵੀਡੀਉ ਵਿਚ ਜਿਸ ਵਿਅਕਤੀ ਨੇ ਗਲ ਵਿਚ ਗਮਸ਼ਾ ਪਾਏ ਹੋਏ ਜਿਸ ਵਿਅਕਤੀ ਦੀ ਕੁੱਟ ਮਾਰ ਹੋ ਰਹੀ ਹੈ ਉਸ ਦਾ ਨਾਮ ਦਿਲੀਪ ਮਾਲਵੀਆ ਹੈ ਅਤੇ ਉਸ ’ਤੇ ਪਹਿਲਾਂ ਵੀ ਅਜਿਹੇ ਅਰੋਪ ਲੱਗੇ ਹੋਏ ਹਨ। ਵੀਡੀਉ ਜਨਤਕ ਹੋਣ ਤੋਂ ਬਾਅਦ ਦਿਲੀਪ ਦੀ ਭੈਣ ਨੇ ਐਫਆਈਆਰ ਦਰਜ ਕਰਵਾਈ ਹੈ।
ਕੁਲ 4 ਲੋਕਾਂ ਨੂੰ ਕੁਟਿਆ ਗਿਆ ਹੈ ਜਿਸ ਵਿਚ ਗਉ ਮਾਸ ਦੇ ਅਰੋਪ ਵਿਚ ਇਕ ਅਰੋਪੀ ਹਿੰਦੂ ਹੈ ਤੇ ਬਾਕੀ ਤਿੰਨ ਮੁਸਲਮਾਨ ਹਨ। ਇਸ ਮਾਮਲੇ ਵਿਚ ਐਡੀਸ਼ਨਲ ਐਸਪੀ ਗੋਪਾਲ ਖੰਡੇਲ ਨੇ ਕਿਹਾ ਕਿ 22 ਮਈ ਨੂੰ ਡੂਡਾ ਸਿਵਨੀ ਥਾਣਾ ਇੰਚਾਰਜ ਨੂੰ ਸੂਚਨਾ ਮਿਲੀ ਸੀ ਕਿ ਦਿਲੀਪ ਮਾਲਵੀਆ ਅਤੇ ਹੋਰ ਲੋਕ ਪਸ਼ੂ ਮਾਸ ਲੈ ਜਾ ਰਹੇ ਹਨ। ਇਸ ’ਤੇ ਥਾਣਾ ਇੰਚਾਰਜ ਨੇ ਅਪਣੇ ਸਟਾਫ ਨਾਲ ਉਹਨਾਂ ਨੂੰ ਘੇਰਾ ਪਾ ਕੇ ਫੜ ਲਿਆ ਅਤੇ ਉਹਨਾਂ ਵਿਰੁਧ ਕਾਰਵਾਈ ਕੀਤੀ ਗਈ ਸੀ। ਇਸ ਤੋਂ ਬਾਅਦ ਅਗਲੇ ਦਿਨ ਇਕ ਵੀਡੀਉ ਜਨਤਕ ਹੋਈ ਸੀ ਜਿਸ ਵਿਚ ਜੋ ਅਰੋਪੀ ਫੜੇ ਗਏ ਸਨ ਉਹਨਾਂ ਵਿਰੁਧ ਮਾਰ ਕੁੱਟ ਕੀਤੀ ਜਾ ਰਹੀ ਸੀ।
ਇਸ ਘਟਨਾ ਦੀ ਜਾਣਕਾਰੀ ਮਿਲਣ ’ਤੇ ਅਰੋਪੀਆਂ ਦੀ ਪਹਿਚਾਣ ਕਰਕੇ ਉਹਨਾਂ ਵਿਰੁਧ ਅਪਰਾਧਿਕ ਮਾਮਲਾ ਦਰਜ ਕੀਤਾ ਗਿਆ ਹੈ ਅਤੇ ਹੁਣ ਸਾਰੇ ਅਰੋਪੀਆਂ ਦੀ ਪਛਾਣ ਕਰਕੇ ਉਹਨਾਂ ਵਿਰੁਧ ਕਾਰਵਾਈ ਕੀਤੀ ਜਾ ਰਹੀ ਹੈ। ਇਸ ਵਿਚ ਮਾਰ ਕੁੱਟ ਦੀ ਧਾਰਾ 323, 294, 506, 341 ਅਤੇ 147 ਅਧੀਨ ਕਾਰਵਾਈ ਕੀਤੀ ਜਾ ਰਹੀ ਹੈ। ਮਾਸ ਦੀ ਜਾਂਚ ਲਈ ਫਾਰੇਂਸਿਕ ਲੈਬ ਹੈਦਰਾਬਾਦ ਭੇਜਿਆ ਗਿਆ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਸਿਵਨੀ ਵਿਚ ਮੁਸਲਿਮ ਨੌਜਵਾਨਾਂ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕਰਨ ਵਾਲਾ ਸ੍ਰੀਰਾਮ ਸੈਨਾ ਦਾ ਪ੍ਰਧਾਨ ਸ਼ੁਭਮ ਬਘੇਲ ਹੈ ਅਤੇ ਇਕ ਮਹੀਨਾ ਪਹਿਲਾ ਉਸਨੇ ਆਪਣੇ ਫੇਸਬੁੱਕ ਅਕਾਊਂਟ ਤੇ ਆਪਣੀ ਇਕ ਫੋਟੋ ਭਾਜਪਾ ਦੀ ਉਮੀਦਵਾਰ ਪ੍ਰਗਿਆ ਠਾਕੁਰ ਨਾਲ ਅਪਲੋਡ ਕੀਤੀ।
ਉਧਰ ਏਆਈ ਐਮਆਈਐਮ ਦੇ ਮੁਖੀ ਅਸਦੂਦੀਨ ਓਵੈਸੀ ਨੇ ਇਸ ਘਟਨਾ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਹਮਲਾ ਬੋਲਦਿਆਂ ਲਿਖਿਆ ''ਮੋਦੀ ਦੇ ਨਿਊ ਇੰਡੀਆ ਵਿਚ ਸਵਾਗਤ ਜਿੱਥੇ ਮੁਸਲਿਮਾਂ ਨਾਲ ਇਸ ਤਰ੍ਹਾਂ ਦਾ ਵਿਵਹਾਰ ਕੀਤਾ ਜਾਂਦਾ''।
This is how Muslims are treated by Vigilantes created by Modi voters welcome to a New India which will Inclusive and as @PMOIndia said Secularism Ka Niqaab ...... https://t.co/Cy2uUUTirk
— Asaduddin Owaisi (@asadowaisi) May 24, 2019
ਜੰਮੂ ਕਸ਼ਮੀਰ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਨੈਸ਼ਨਲ ਕਾਨਫ਼ਰੰਸ ਦੇ ਨੇਤਾ ਉਮਰ ਅਬਦੁੱਲਾ ਨੇ ਵੀ ਮੀਰ ਤਕੀ ਮੀਰ ਦੀ ਕਵਿਤਾ ਦਾ ਜ਼ਿਕਰ ਕਰਦੇ ਹੋਏ ਟਵੀਟ ਕੀਤਾ ਟਵੀਟ ਵਿਚ ਲਿਖਿਆ ਹੋਇਆ ਸੀ ਕਿ '' ਇਹ ਤਾਂ ਅਜੇ ਪਿਆਰ ਦੀ ਸ਼ੁਰੂਆਤ ਹੈ ਅੱਗੇ ਦੇਖੋ ਹੋਰ ਕੀ ਹੁੰਦਾ ਹੈ।''
Ibtedaae ishq hai rota hai kya
— Omar Abdullah (@OmarAbdullah) May 25, 2019
Aage Aage dekhiye hota hai kya. https://t.co/HRjrZp66K7