ਰਾਹੁਲ ਗਾਂਧੀ ਜਨਤਕ ਬੈਠਕ ਨੂੰ ਕਰਨਗੇ ਸੰਬੋਧਨ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼ਨੀਵਾਰ ਨੂੰ ਉਤਰ ਪ੍ਰਦੇਸ਼ ਰੋਬਰਟਸਗੰਜ ਅਤੇ ਗਾਜੀਪੁਰ ਜ਼ਿਲ੍ਹੇ ਵਿਚ ਜਨਸਭਾ ਨੂੰ ਸੰਬੋਧਿਤ ਕਰਨਗੇ। ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਮੱਧ ਪ੍ਰਦੇਸ ਦੇ ਦੌਰੇ ’ਤੇ ਹੋਣਗੇ ਜਿੱਥੇ ਕਿ ਉਹ ਮੱਧ ਪ੍ਰਦੇਸ਼ ਦੇ ਸ਼ਾਹੀਪੁਰ, ਧਾਰ ਅਤੇ ਖਰਗੋਨ ਵਿਚ ਜਨਤਕ ਬੈਠਕ ਕਰਨਗੇ। ਇਸ ਤੋਂ ਇਲਾਵਾ ਰਾਹੁਲ ਗਾਂਧੀ ਇੰਦੋਰ ਵਿਚ ਇਕ ਰੈਲੀ ਨੂੰ ਸੰਬੋਧਿਤ ਕਰਨਗੇ।
ਦਸ ਦਈਏ ਕਿ ਮੱਧ ਪ੍ਰਦੇਸ਼ ਵਿਚ 12 ਮਈ ਨੂੰ ਲੋਕ ਸਭਾ ਚੋਣਾਂ ਦੀਆਂ ਅੱਠ ਸੀਟਾਂ ’ਤੇ ਵੋਟਾਂ ਪੈਣਗੀਆਂ। ਤੀਜੇ ਪੜਾਅ ਵਿਚ 8 ਸੰਸਦੀ ਹਲਕਿਆਂ ਵਿਚ ਕੁੱਲ 18,141 ਪੋਟਿੰਗ ਕੇਂਦਰ ਹਨ ਅਤੇ ਇਕ ਕਰੋੜ 44 ਲੱਖ ਤੋਂ ਵੱਧ ਵੋਟਰ ਹਨ। ਇਸ ਵਿਚ 32,909 ਸੇਵਾ ਵੋਟਰ ਅਪਣੀ ਵੋਟ ਦਾ ਪ੍ਰਯੋਗ ਪੋਸਟਲ ਬੈਲੇਟ ਨਾਲ ਕਰਨਗੇ। ਵੋਟਾਂ ਦੇ ਚਲਦੇ ਸਾਰੀਆਂ ਪਾਰਟੀਆਂ ਨੇ ਸਰਗਰਮੀਆਂ ਤੇਜ਼ ਕਰ ਲਈਆਂ ਹਨ। ਹਰ ਸਿਆਸੀ ਆਗੂ ਅਪਣੀਆਂ ਚੋਣ ਰੈਲੀਆਂ ਵਿਚ ਵਿਅਸਤ ਨਜ਼ਰ ਆ ਰਹੇ ਹਨ।