ਗਰਮੀ ਦੇ ਸੀਜ਼ਨ ਵਿਚ ਤੁਸੀਂ ਲਾਲ ਤਰਬੂਜ ਤਾਂ ਬਹੁਤ ਖਾਧੇ ਹੋਣਗੇ ਪਰ ਕਦੇ ਪੀਲੇ ਰੰਗ ਦਾ ਤਰਬੂਜ਼ ਨਹੀਂ ਖਾਧਾ ਹੋਵੇਗਾ।
ਗਰਮੀ ਦੇ ਸੀਜ਼ਨ ਵਿਚ ਤੁਸੀਂ ਲਾਲ ਤਰਬੂਜ ਤਾਂ ਬਹੁਤ ਖਾਧੇ ਹੋਣਗੇ ਪਰ ਕਦੇ ਪੀਲੇ ਰੰਗ ਦਾ ਤਰਬੂਜ਼ ਨਹੀਂ ਖਾਧਾ ਹੋਵੇਗਾ। ਅਜਿਹਾ ਤਰਬੂਜ ਝਾਰਖੰਡ ਦੇ ਪਿੰਡ ਰਾਮਗੜ੍ਹ ਦੇ ਵਿਚ ਕਿਸਾਨ ਦੇ ਵੱਲੋਂ ਉਗਾਇਆ ਗਿਆ ਹੈ, ਜਿਸ ਦਾ ਰੰਗ ਪੀਲਾ ਹੈ। ਕਿਸਾਨ ਦੇ ਇਸ ਪੀਲੇ ਰੰਗ ਦੀ ਪੈਦਾਵਾਰ ਨੂੰ ਦੇਖ ਹਰ ਕੋਈ ਹੈਰਾਨ ਹੋ ਰਿਹਾ ਹੈ। ਰਾਜਿੰਦਰ ਬੋਧਿਆ ਨਾ ਦੇ ਇਸ ਕਿਸਾਨ ਨੇ ਪੀਲੇ ਤਾਈਬਾਨ ਤਰਬੂਜ ਦੀ ਖੇਤੀ ਕਰ ਇਕ ਮਿਸਾਲ ਪੈਦਾ ਕਰ ਦਿੱਤੀ ਹੈ ਅਤੇ ਜਿਸ ਤੋਂ ਬਾਅਦ ਹਰ ਕੋਈ ਇਸ ਕਿਸਾਨ ਦੀ ਪ੍ਰਸੰਸਾ ਕਰ ਰਿਹਾ ਹੈ।
photo
ਦੱਸ ਦੱਈਏ ਰਜੇਂਦਰ ਦੇ ਵੱਲੋਂ ਬੜੀ ਮਿਹਨਤ ਦੇ ਨਾਲ ਇਸ ਫਸਲ ਦੀ ਖੇਤੀ ਕੀਤੀ ਗਈ ਹੈ। ਰਾਜੇਂਦਰ ਨੇ ਸਵਦੇਸ਼ੀ ਨਹੀਂ ਬਲਕਿ ਤਾਈਬਾਨੀ ਤਰਬੂਜ ਉਗਾਏ ਹਨ। ਜਿਸ ਲਈ ਕਿਸਾਨ ਨੇ ਆਨਲਾਈਨ ਬੀਜ ਮੰਗਵਾ ਕੇ ਖੇਤੀ ਕੀਤੀ। ਦੱਸ ਦੱਈਏ ਕਿ ਇਸ ਪੀਲੇ ਤਰਬੂਜ ਦਾ ਰੰਗ ਅਤੇ ਆਕਾਰ ਲਾਲ ਤਰਬੂਜ ਵਰਗਾ ਹੀ ਹੈ, ਪਰ ਜਦੋਂ ਇਸ ਨੂੰ ਕੱਟਿਆ ਜਾਂਦਾ ਹੈ ਤਾਂ ਇਸ ਵਿਚੋਂ ਲਾਲ ਦੀ ਥਾਂ ਪੀਲਾ ਤਰਬੂਜ ਨਿਕਲਦਾ ਹੈ। ਉਧਰ ਲੋਕਾਂ ਨੂੰ ਜਦੋ ਇਸ ਬਾਰੇ ਪਤਾ ਲੱਗਾ ਤਾਂ ਉਨ੍ਹਾਂ ਦੀ ਹੈਰਾਨੀ ਦੀ ਕੋਈ ਹੱਦ ਨਹੀਂ ਸੀ।
photo
ਇਹ ਤਰਬੂਜ ਕੀਮਤੀ ਹਾਈਬ੍ਰੈਡ ਕਿਸਮ ਦਾ ਹੈ। ਇਹ ਖਾਣ ਵਿਚ ਮਿੱਠਾ ਅਤੇ ਕਾਫੀ ਰਸੀਲਾ ਫਲ ਹੁੰਦਾ ਹੈ। ਕਿਸਾਨ ਰਾਜੇਂਦਰ ਬੇਦਿਆ ਨੇ ਦੱਸਿਆ ਕਿ ਤਾਈਬਾਨ ਤੋਂ ਆਨ ਲਾਈਨ ਬਿਗ ਹਾਟ ਦੇ ਜ਼ਰੀਏ 800 ਰੁਪਏ ਵਿਚ ਦਸ ਗ੍ਰਾਮ ਬੀਜ ਮੰਗਵਾਏ ਸਨ। ਇਸ ਲ਼ਈ ਮੈਂ ਆਪਣੇ ਛੋਟੇ ਜਿਹੇ ਖੇਤ ਵਿਚ ਤਜ਼ਰਬੇ ਵੱਜੋਂ ਪਲਾਸਟਿਕ ਦੇ ਕੜਵਲ ਅਤੇ ਤੁਬਕੇ ਸਿੰਚਾਈ ਵਿਧੀ ਨਾਲ ਖੇਤੀ ਕੀਤੀ ਸੀ। ਉਸ ਨੇ ਦੱਸਿਆ ਕਿ ਖੇਤੀ ਵਿਚ 15 ਕੁਆਟਿਲ ਤੋਂ ਜ਼ਿਆਦਾ ਦੀ ਖੇਤੀ ਹੋਈ ਹੈ।
photo
ਜੇਕਰ ਸਹੀ ਭਾਅ ਮਿਲਿਆ ਤਾਂ ਇਸ ਵਿਚੋਂ 22 ਹਜ਼ਾਰ ਤੋਂ ਜ਼ਿਆਦਾ ਰੁਪਏ ਦੀ ਆਮਦਨੀ ਸਕਦੀ ਹੈ। ਜੋ ਲਾਗਤ ਮੁੱਲ ਨਾਲੋਂ ਤਿੰਨ ਗੁਣਾਂ ਜ਼ਿਆਦਾ ਹੋਵੇਗੀ। ਇਸ ਨੂੰ ਦੇਖ ਹੁਣ ਪਿੰਡ ਦੇ ਕਈ ਹੋਰ ਕਿਸਾਨ ਵੀ ਇਸ ਦੀ ਖੇਤੀ ਕਰਨ ਬਾਰੇ ਵਿਚਾਰ ਕਰ ਰਹੇ ਹਨ। ਹਾਲਾਂਕਿ ਰਾਮਗੜ੍ਹ ਦਾ ਗੋਲਾ ਬਲਾਕ ਖੇਤਰ ਖੇਤੀਬਾੜੀ ਦੇ ਲਈ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ। ਇਥੋਂ ਦੇ ਕਿਸਾਨਾਂ ਵੱਲੋਂ ਅਧੁਨਿਕ ਖੇਤੀ ਦੀਆਂ ਕਈ ਤਕਨੀਕਾਂ ਨੂੰ ਅਪਣਾਇਆ ਜਾ ਰਿਹਾ ਹੈ।
photo
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
