ਰਾਸ਼ਟਰਪਤੀ ਨੂੰ ਦਸਣਾ ਸੀ ਕਿ ਸਿੱਖਾਂ ਨੂੰ ਸਰਕਾਰੀ ਛੱਤਰ-ਛਾਇਆ ਹੇਠ ਜਿਊਂਦਿਆਂ ਸਾੜਿਆ ਗਿਆ : ਬਾਬੂ ਸਿੰਘ
ਨਵੀਂ ਦਿੱਲੀ: ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਜੋ ਕਿ ਅੱਜਕਲ ਭਾਰਤ ਦੀ ਦੋ ਦਿਨਾ ਫੇਰੀ ਤੇ ਅਪਣੀ ਸੁਪਤਨੀ ਅਤੇ ਸਪੁਤਰੀ ਨਾਲ ਆਏ ਹੋਏ ਹਨ ਤੇ ਉਹ ਦਿੱਲੀ ਵਿਖੇ ਹੋਈ ਨਵਬੰਰ 1984 ਦੌਰਾਨ ਹੋਏ ਸਿੱਖ ਕਤਲੇਆਮ ਦੇ ਪੀੜਤ ਪਰਵਾਰ ਜੋ ਡੋਨਾਲਡ ਟਰੰਪ ਨੂੰ ਮੰਗ ਪੱਤਰ ਦੇਣ ਜਾ ਰਹੇ ਸਨ, ਉਨ੍ਹਾਂ ਪੀੜਤਾਂ ਨੂੰ ਤਿਲਕ ਵਿਹਾਰ ਵਿਖੇ ਹੀ ਰੋਕ ਲਿਆ ਗਿਆ।
Photo
1984 ਵਿਕਟਮ ਜਸਟਿਸ ਦੇ ਮੁਖੀ ਬਾਬੂ ਸਿੰਘ ਦੁਖੀਆ ਨੇ ਦਸਿਆ ਕਿ ਅਸੀਂ ਸਮੂਹ ਪੀੜਤ ਪਰਵਾਰਾਂ ਨੇ ਦਿੱਲੀ ਦੇ ਤੀਨ ਮੂਰਤੀ ਵਿਖੇ ਇੱਕਠਿਆਂ ਹੋ ਕੇ ਅਮਰੀਕੀ ਸਫ਼ਾਰਤਖ਼ਾਨੇ ਵਿਖੇ ਟਰੰਪ ਨੂੰ 1984 ਦੌਰਾਨ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਵਿਚ ਜੋ ਸਿੱਖਾਂ ਨਾਲ ਨਸਲਕੁਸ਼ੀ ਕੀਤੀ ਗਈ ਸੀ, ਉਸ ਬਾਰੇ ਦੱਸਣਾ ਸੀ ਜਿਸ ਨਾਲ ਹਿੰਦੁਸਤਾਨ ਦਾ ਚੇਹਰਾ ਸੰਸਾਰ ਭਰ ਵਿਚ ਨੰਗਾ ਹੁੰਦਾ ਪਰ ਸਾਨੂੰ ਤਿਲਕ ਵਿਹਾਰ ਵਿਖੇ ਹੀ ਰੋਕ ਲਿਆ ਗਿਆ।
Photo
ਉਨ੍ਹਾਂ ਕਿਹਾ ਕਿ ਅਸੀਂ ਅਮਰੀਕਾ ਦੇ ਰਾਸ਼ਟਰਪਤੀ ਨੂੰ ਦਸਣਾ ਚਾਹੁੰਦੇ ਸੀ ਕਿ ਦੁਨੀਆਂ ਭਰ ਵਿਚ ਸਿਰਫ਼ ਹਿੰਦੁਸਤਾਨ ਦੀ ਰਾਜਧਾਨੀ ਦਿੱਲੀ ਦੇ ਤਿਲਕ ਵਿਹਾਰ ਅੰਦਰ ਹੀ ਵਿਧਵਾ ਕਲੋਨੀ ਵਿਖੇ ਸਥਿਤ ਹੈ ਜੋ ਹੋਰ ਕਿਤੇ ਵੀ ਨਹੀਂ ਹੈ।
Photo
ਉਨ੍ਹਾਂ ਕਿਹਾ ਕਿ ਅਸੀਂ ਦਸਣਾ ਚਾਹੁੰਦੇ ਸੀ ਕਿ ਕਿਸ ਤਰ੍ਹਾਂ ਇਕ ਫ਼ਿਰਕੇ ਦੇ ਲੋਕਾਂ ਨੇ ਸਾਡੇ ਪਰਵਾਰਾਂ ਨੂੰ ਜਿਊਂਦੇ ਜੀਅ ਅੱਗ ਦੇ ਹਵਾਲੇ ਕਰ ਕੇ ਸਾੜਿਆ ਤੇ ਮੱਚ ਰਹੀ ਅੱਗ ਨਾਲ ਸਾਡੇ ਵੀਰ, ਭੈਣਾਂ ਤੇ ਬਜ਼ੁਰਗਾਂ ਨੇ ਕਿਸ ਤਰ੍ਹਾਂ ਤੜਫ਼-ਤੜਫ਼ ਕੇ ਦਮ ਤੋੜਿਆ ਤੇ ਦੰਗਾਕਾਰੀ ਹੱਸ ਰਹੇ ਸਨ ਤੇ ਸਾਡੀਆਂ ਨੂੰਹਾਂ, ਧੀਆਂ ਨੂੰ ਬੇਪੱਤ ਵੀ ਕੀਤਾ ਗਿਆ, ਇਥੋਂ ਤਕ ਕੀ ਦੁਧ ਚੁੰਘਦੇ ਬੱਚਿਆਂ ਨੂੰ ਵੀ ਨਹੀਂ ਬਖ਼ਸ਼ਿਆ ਗਿਆ, ਜ਼ਮੀਨ ਜਾਇਦਾਦਾਂ ਦਾ ਵੱਗੀ ਗਿਣਤੀ ਵਿਚ ਨੁਕਸਾਨ ਕੀਤਾ ਗਿਆ।
Photo
ਉਨ੍ਹਾਂ ਦੁਖੀ ਹਿਰਦੇ ਨਾਲ ਕਿਹਾ ਕਿ ਅਸੀ ਉਨ੍ਹਾਂ ਨੂੰ ਇਥੇ ਤਿਲਕ ਵਿਹਾਰ ਵਿਖੇ ਬੁਲਾਉਣਾ ਚਾਹੁੰਦੇ ਸੀ ਕਿ ਉਹ (ਟਰੰਪ) ਆ ਕੇ ਵੇਖਦੇ ਕਿ ਅਸੀਂ ਕਿੰਨਾਂ ਹਾਲਾਤ ਵਿਚ ਰਹਿ ਰਹੇ ਹਾਂ ਤੇ ਅਪਣਾ ਗੁਜ਼ਾਰਾ ਕਰਦੇ ਹਾਂ ਪਰ ਸਰਕਾਰ ਵਲੋਂ ਸਾਡੇ ਨਾਲ ਚਾਲ ਖ਼ੇਡਦਿਆਂ ਸਾਨੂੰ ਤਿਲਕ ਵਿਹਾਰ ਵਿਖੇ ਹੀ ਰੋਕ ਲਿਆ ਗਿਆ, ਜਿਸ ਕਰ ਕੇ ਅਸੀ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਮੰਗ ਪੱਤਰ ਨਹੀਂ ਸੌਂਪ ਸਕੇ।
Photo
ਉਨ੍ਹਾਂ ਕਿਹਾ ਕਿ ਇਸ ਮੌਕੇ ਹਾਜ਼ਰ ਪੁਲਿਸ ਵਾਲਿਆਂ ਨੇ ਖੇਤਰ ਦੇ ਏ.ਸੀ.ਪੀ ਅਤੇ ਡੀ.ਸੀ ਨੂੰ ਮੌਕੇ ਤੇ ਸੱਦ ਲਿਆ ਜਿਥੇ ਉਨ੍ਹਾਂ ਨੇ ਸਾਡੇ ਕੋਲੋਂ ਮੈਮੋਰੰਡਮ ਲੈ ਕੇ ਉਨ੍ਹਾਂ (ਟਰੰਪ) ਤਕ ਪਹੁੰਚਾਉਣ ਦਾ ਭਰੋਸਾ ਦਿਵਾਇਆ।
