ਵਿਦਿਆਰਥੀ ਪਿਛਲੇ 7 ਦਿਨਾਂ ਤੋਂ ਭੁੱਖ ਹੜਤਾਲ ’ਤੇ ਹਨ।
ਨਵੀਂ ਦਿੱਲੀ: ਜਵਾਹਰਲਾਲ ਨੈਹਰੂ ਯੂਨੀਵਰਸਿਟੀ ਵਿਚ ਸੋਮਵਾਰ ਸ਼ਾਮ ਵਿਦਿਆਰਥੀਆਂ ਦੀ ਭੀੜ ਨੇ ਵਾਇਸ ਚਾਂਸਲਰ ਜਗਦੀਸ਼ ਕੁਮਾਰ ਨੂੰ ਘੇਰ ਲਿਆ। ਜਗਦੀਸ਼ ਕੁਮਾਰ ਨੇ ਆਰੋਪ ਲਗਾਇਆ ਕਿ ਉਸ ਦੇ ਘਰ ਵਿਚ ਤੋੜ ਫੋੜ ਕੀਤੀ ਗਈ ਅਤੇ ਪਤਨੀ ਨੂੰ ਬੰਧਕ ਬਣਾਇਆ ਗਿਆ। ਦਿੱਲੀ ਪੁਲਿਸ ਮੁਤਾਬਕ ਸੋਮਵਾਰ ਸ਼ਾਮ ਜਵਾਹਰ ਲਾਲ ਨੈਹਰੂ ਯੂਨੀਵਰਸਿਟੀ ਦੇ ਵੀਸੀ ਦੇ ਘਰ ਤਕ ਮਾਰਚ ਕੱਢਣ ਲਈ ਨਿਕਲੇ ਸਨ। ਵਿਦਿਆਰਥੀਆਂ ਨੇ ਉਸ ਦੇ ਘਰ ਵੜਨ ਦੀ ਕੋਸ਼ਿਸ਼ ਕੀਤੀ। ਉਹਨਾਂ ਨੂੰ ਸੁਰੱਖਿਆ ਕਰਮਚਾਰੀਆਂ ਨੇ ਰੋਕ ਲਿਆ।
Delhi Police: There was a call for march till the JNU VC's house today. Students reached his house and tried to enter. They were stopped by the security staff. So far most of the students have gone back to their hostel. Few of them are still there. Situation is under control.
— ANI (@ANI) 25 March 2019
ਹੁਣ ਤਕ ਜ਼ਿਆਦਾਤਰ ਵਿਦਿਆਰਥੀ ਅਪਣੇ ਹੋਸਟਲ ਵਿਚ ਵਾਪਸ ਚਲੇ ਗਏ ਹਨ। ਹਾਲਾਤ ਵੀ ਕਾਬੂ ਵਿਚ ਹਨ। ਜੇਐਨਯੂ ਦੇ ਕੁਲਪਤਿ ਨੇ ਟਵੀਟ ਕਰ ਜਾਣਕਾਰੀ ਦਿੱਤੀ ਕਿ ਅੱਜ ਸ਼ਾਮ ਵਿਦਿਆਰਥੀਆਂ ਨੇ ਜ਼ਬਰਦਸਤੀ ਮੇਰੇ ਜੇਐਨਯੂ ਦੇ ਸਥਾਨ ’ਤੇ ਤੋੜ ਫੋੜ ਕੀਤੀ ਅਤੇ ਉਹਨਾਂ ਦੀ ਪਤਨੀ ਨੂੰ ਕਈ ਘੰਟਿਆਂ ਤਕ ਘਰ ਅੰਦਰ ਦੇ ਕੈਦ ਕਰਕੇ ਰੱਖਿਆ ਜਦੋਂ ਕਿ ਮੈਂ ਬੈਠਕ ਵਿਚ ਸੀ। ਕੀ ਇਹ ਵਿਰੋਧ ਦਾ ਤਰੀਕਾ ਹੈ? ਘਰ ਵਿਚ ਇਕੱਲੀ ਔਰਤ ਨੂੰ ਡਰਾਉਣਾ?
This evening few hundred students forcibly broke into my JNU residence and confined my wife inside home for several hours while I was away in a meeting. Is it the way to protest? Terrorosing a lonely lady at home?
— Mamidala Jagadesh Kumar (@mamidala90) 25 March 2019
ਜਵਾਹਰ ਲਾਲ ਨੈਹਰੂ ਯੂਨੀਵਰਸਿਟੀ ਵਿਚ ਸੋਮਵਾਰ ਸ਼ਾਮ ਖੱਬੇ ਪੱਖੀ ਵਿਦਿਆਰਥੀਆਂ ਦੇ ਕਥਿਤ ਹੰਗਾਮੇ ਤੋਂ ਬਾਅਦ ਹੁਣ ਜੇਐਨਯੂ ਵਿਦਿਆਰਥੀ ਸੰਘ ਨੇ ਅਪਣਾ ਸਪੱਸ਼ਟੀਕਰਨ ਦਿੱਤਾ ਹੈ। ਨਾਲ ਹੀ ਜੇਐਨਯੂ ਪ੍ਰਕਾਸ਼ਨ ਦੇ ਵਿਵਹਾਰ ਨੂੰ ਬਦਕਿਸਮਤੀ ਕਿਹਾ ਹੈ। ਵਿਦਿਆਰਥੀਆਂ ਨੇ ਕਿਹਾ ਹੈ ਕਿ ਮਾਰਚ ਨੂੰ ਹਿੰਸਕ ਦੱਸ ਕੇ ਵਿਦਿਆਰਥੀਆਂ ਨੂੰ ਬਦਨਾਮ ਕੀਤਾ ਜਾ ਰਿਹਾ ਹੈ। ਵਿਦਿਆਰਥੀ ਕੇਵਲ ਮਿਲ ਕੇ ਵਾਇਸ ਚਾਂਸਲਰ ਤੋਂ ਕੁਝ ਸਵਾਲ ਪੁਛਣਾ ਚਾਹੁੰਦੇ ਸਨ ਪਰ ਗਾਰਡਾਂ ਨੇ ਉਹਨਾਂ ਨਾਲ ਮਾਰ ਕੁੱਟ ਕੀਤੀ। ਵਿਦਿਆਰਥੀ ਪਿਛਲੇ 7 ਦਿਨਾਂ ਤੋਂ ਭੁੱਖ ਹੜਤਾਲ ’ਤੇ ਹਨ। ਜਦੋਂ ਇਸ ਬਾਬਤ ਵਿਦਿਆਰਥੀ ਵੀਸੀ ਨੂੰ ਮਿਲਣ ਆਏ ਤਾਂ ਉਹ ਉੱਥੇ ਨਹੀਂ ਮਿਲੇ।
M Jagadesh Kumar, JNU Vice Chancellor: My wife was alone at that time. You can imagine the situation of a lonely lady at home being surrounded by 400-500 sloganeering students. She was confined at home for nearly 3 hours or so. pic.twitter.com/or7VX0UTNW
— ANI (@ANI) 25 March 2019
ਵਿਦਿਆਰਥੀਆਂ ਦਾ ਕਹਿਣਾ ਹੈ ਕਿ ਜੇਐਨਯੂ ਵਿਦਿਆਰਥੀ ਸੰਘ ਪ੍ਰਧਾਨ ਐਨ ਸਾਈ ਬਾਲਾਜੀ ਘਟਨਾ ਵਾਲੇ ਸਥਾਨ ’ਤੇ ਬੇਹੋਸ਼ ਹੋ ਗਏ ਜਿਨ੍ਹਾਂ ਨੂੰ ਬਾਅਦ ਵਿਚ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ। ਹੁਣ ਵੀ ਉਹਨਾਂ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। 11 ਵਿਦਿਆਰਥੀ ਪਿਛਲੇ 7 ਦਿਨਾਂ ਤੋਂ ਭੁੱਖ ਹੜਤਾਲ ’ਤੇ ਹਨ ਅਤੇ ਉਹਨਾਂ ਦੀ ਹਾਲਤ ਲਗਾਤਾਰ ਖਰਾਬ ਹੋ ਰਹੀ ਹੈ।
ਸਾਬਕਾ ਵਿਦਿਆਰਥੀ ਸੰਘ ਪ੍ਰਧਾਨ ਗੀਤਾ ਕੁਮਾਰੀ ਦੀ ਦਿਲ ਦੀ ਧੜਕਣ ਅਤੇ ਬਲੱਡ ਪ੍ਰੈਸ਼ਰ ਦੀ ਸ਼ਿਕਾਇਤ ਵੱਧ ਗਈ ਹੈ। ਸਾਬਕਾ ਸੰਯੁਕਤ ਸਚਿਵ ਸੁਭਾਂਸ਼ੁ ਨੂੰ ਪੀਲੀਆ ਹੋ ਗਿਆ ਹੈ ਅਤੇ ਕਈ ਹੋਰ ਵਿਦਿਆਰਥੀ ਵੀ ਬਿਮਾਰ ਹੋ ਗਏ ਹਨ। ਵਿਦਿਆਰਥੀ ਯੂਨੀਅਨ ਦੇ ਪ੍ਰਸ਼ਾਸ਼ਨ ਨੂੰ ਬੇਨਤੀ ਕੀਤੀ ਹੈ ਕਿ ਵਾਇਸ ਚਾਂਸਲਰ ਵਿਦਿਆਰਥੀਆਂ ਨੂੰ ਮਿਲਣ ਅਤੇ ਸੰਸਥਾ ਦੇ ਚਰਿੱਤਰ ਨੂੰ ਕਲੰਕਿਤ ਹੋਣ ਤੋਂ ਬਚਾਉਣ।
