ਰਾਜਨੀਤਕ ਬਹਿਸ ਮੋਦੀ ਬਨਾਮ ਅਰਾਜਕਤਾਵਾਦੀ ਗਠਜੋੜ 'ਤੇ ਕੇਂਦਰਤ ਹੋਵੇਗੀ : ਜੇਤਲੀ
Published : May 26, 2018, 4:41 pm IST
Updated : May 26, 2018, 4:41 pm IST
SHARE ARTICLE
arun jetly
arun jetly

ਕੇਂਦਰੀ ਮੰਤਰੀ ਅਰੁਣ ਜੇਤਲੀ ਨੇ ਕਿਹਾ ਕਿ ਅੱਗੇ ਵਧਣ ਦੀਆਂ ਉਮੀਦਾਂ ਰੱਖਣ ਵਾਲਾ ਭਾਰਤ ਨਿਰਾਸ਼ ਰਾਜਨੀਤਕ ਦਲਾਂ ਦੇ ਅਰਾਜਕ ਗਠਜੋੜ ਨੂੰ ...

ਨਵੀਂ ਦਿੱਲੀ : ਕੇਂਦਰੀ ਮੰਤਰੀ ਅਰੁਣ ਜੇਤਲੀ ਨੇ ਕਿਹਾ ਕਿ ਅੱਗੇ ਵਧਣ ਦੀਆਂ ਉਮੀਦਾਂ ਰੱਖਣ ਵਾਲਾ ਭਾਰਤ ਨਿਰਾਸ਼ ਰਾਜਨੀਤਕ ਦਲਾਂ ਦੇ ਅਰਾਜਕ ਗਠਜੋੜ ਨੂੰ ਸਵੀਕਾਰ ਨਹੀਂ ਕਰੇਗਾ। ਇਹ ਦਲ ਅਗਲੀਆਂ ਆਮ ਚੋਣਾਂ ਵਿਚ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਵਿਰੁਧ ਮਿਲ ਕੇ ਲੜਨ ਲਈ ਇਕੱਠੇ ਹੋਣ ਦਾ ਵਾਅਦਾ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਇਸ ਸਾਲ ਬਹਿਸ ਦਾ ਰਾਜਨੀਤਕ ਏਜੰਡਾ ਹੁਣ ਨਰਿੰਦਰ ਮੋਦੀ ਬਨਾਮ ਅਰਾਜਕਤਾਵਾਦੀਆਂ ਦਾ ਗਠਜੋੜ ਹੋਵੇਗਾ।

arun jetly arun jetly

ਜੇਤਲੀ ਨੇ ਫੇਸਬੁੱਕ 'ਤੇ ਲਿਖਿਆ ਕਿ ਨਿਰਾਸ਼ ਸਿਆਸੀ ਦਲਾਂ ਦਾ ਇਕ ਸਮੂਹ ਇਕੱਠਾ ਹੋਣ ਦਾ ਦਾਅਵਾ ਕਰ ਰਿਹਾ ਹੈ। ਉਨ੍ਹਾਂ ਦੇ ਕੁੱਝ ਨੇਤਾ ਮੌਕਿਆਂ ਦੇ ਹਿਸਾਬ ਨਾਲ ਅਪਣੇ ਵਿਚਾਰਾਂ ਨੂੰ ਬਦਲਦੇ ਰਹਿੰਦੇ ਹਨ। ਟੀਐਮਸੀ, ਡੀਐਮਕੇ, ਤੇਦੇਪਾ, ਬਸਪਾ ਅਤੇ ਜਨਤਾ ਦਲ (ਐਸ) ਵਰਗੇ ਉਨ੍ਹਾਂ ਵਿਚੋਂ ਕਈਆਂ ਦੇ ਨਾਲ ਸੱਤਾ ਵਿਚ ਹਿੱਸੇਦਾਰੀ ਕਰਨ ਦਾ ਭਾਜਪਾ ਨੂੰ ਮੌਕਾ ਮਿਲਿਆ। ਉਹ ਵਾਰ-ਵਾਰ ਆਪਣੇ ਰਾਜਨੀਤਕ ਰੁਖ਼ ਵਿਚ ਬਦਲਾਅ ਲਿਆਉਂਦੇ ਹਨ। 

arun jetly arun jetly

ਮੰਤਰੀ ਨੇ ਕਿਹਾ ਕਿ ਗਤੀਸ਼ੀਲ ਲੋਕਤੰਤਰ ਦੇ ਨਾਲ ਅੱਗੇ ਵਧਣ ਦੀਆਂ ਉਮੀਦਾਂ ਰੱਖਣ ਵਾਲੇ ਕਦੇ ਵੀ ਅਰਾਜਕਤਵਾਦੀਆਂ ਨੂੰ ਸੱਦਾ ਨਹੀਂ ਦਿੰਦਾ। ਇਕ ਮਜ਼ਬੂਤ ਦੇਸ਼ ਅਤੇ ਬਿਹਤਰ ਰਾਜਕਾਜ ਦੀਆਂ ਜ਼ਰੂਰਤਾਂ ਅਰਾਜਕਤਾ ਨੂੰ ਪਸੰਦ ਨਹੀਂ ਕਰਦੀਆਂ। ਕਾਂਗਰਸ ਸਮੇਤ ਕਈ ਵਿਰੋਧੀ ਦਲ ਭਾਜਪਾ ਦੇ ਨਾਲ 2019 ਵਿਚ ਹੋਣ ਵਾਲੀਆਂ ਲੋਕ ਸਭਾ ਚੋਣਾਂ ਵਿਚ ਦੋ-ਦੋ ਹੱਥ ਕਰਨ ਲਈ ਇਕ ਗਠਜੋੜ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ।

arun jetly arun jetly

ਉਨ੍ਹਾਂ ਲਿਖਿਆ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਘਪਲਾ ਮੁਕਤ ਸਰਕਾਰ ਦਿਤੀ ਹੈ ਅਤੇ ਉਨ੍ਹਾਂ ਦੇ ਪੰਜਵੇਂ ਸਾਲ ਵਿਚ ਜ਼ੋਰ ਨੀਤੀਆਂ ਅਤੇ ਪ੍ਰੋਗਰਾਮਾਂ ਨੂੰ ਮਜ਼ਬੂਤ ਕਰਨ 'ਤੇ ਹੋਵੇਗਾ। ਜੇਤਲੀ ਦਾ ਇਸ ਮਹੀਨੇ ਦੀ ਸ਼ੁਰੂਆਤ ਵਿਚ ਕਿਡਨੀ ਬਦਲੀ ਹੋਈ ਅਤੇ ਕਲ ਉਨ੍ਹਾਂ ਨੂੰ ਆਈਸੀਯੂ ਤੋਂ ਬਾਹਰ ਕੱਢਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਮਿਜ਼ਾਜ਼ ਪਿਛਲੇ ਚਾਰ ਸਾਲ ਵਿਚ ਨਿਰਾਸ਼ਾ ਤੋਂ ਉਮੀਦ ਅਤੇ ਅੱਗੇ ਵਧਣ ਦੀਆਂ ਉਮੀਦਾਂ ਵਿਚ ਤਬਦੀਲ ਹੋਇਆ ਹੈ। 

arun jetly arun jetly

ਜੇਤਲੀ ਨੇ ਕਿਹਾ ਕਿ ਬਿਹਤਰ ਰਾਜਕਾਜ ਅਤੇ ਚੰਗੇ ਅਰਥ ਸਾਸ਼ਤਰ ਵਿਚ ਚੰਗੀ ਰਾਜਨੀਤੀ ਦਾ ਮਿਸ਼ਰਣ ਹੁੰਦਾ ਹੈ। ਇਸ ਦਾ ਨਤੀਜਾ ਇਹ ਹੋਇਆ ਕਿ ਭਾਜਪਾ ਨੂੰ ਅੱਜ ਜ਼ਿਆਦਾ ਭਰੋਸਾ ਹੈ। ਪਾਰਟੀ ਦਾ ਭੁਗੋਲਿਕ ਆਧਾਰ ਵਿਆਪਕ ਹੋਇਆਹੈ। ਸਮਾਜਕ ਆਧਾਰ ਵਧਿਆ ਹੈ ਅਤੇ ਉਸ ਦੇ ਜਿੱਤਣ ਦੀ ਸਮਰੱਥਾ ਕਾਫ਼ੀ ਵਧੀ ਹੈ। ਕਾਂਗਰਸ ਦੀ ਆਲੋਚਨਾ ਕਰਦੇ ਹੋਏ ਜੇਤਲੀ ਨੇ ਕਿਹਾ ਕਿ ਪਾਰਟੀ ਸੱਤਾ ਤੋਂ ਦੂਰ ਰਹਿ ਕੇ ਨਿਰਾਸ਼ ਹੈ। 

arun jetly arun jetly

ਉਨ੍ਹਾਂ ਲਿਖਿਆ ਕਿ ਭਾਰਤੀ ਰਾਜਨੀਤੀ ਵਿਚ ਇਕ ਸਮਾਂ ਮਹੱਤਵਪੂਰਨ ਸਥਿਤੀ ਵਿਚ ਰਹੀ ਪਾਰਟੀ ਅੱਜ ਹਾਸ਼ੀਏ ਵੱਲ ਵਧ ਰਹੀ ਹੈ। ਉਸ ਦੀ ਰਾਜਨੀਤਕ ਸਥਿਤੀ ਇਕ ਮੁੱਖ ਧਾਰਾ ਵਾਲੀ ਪਾਰਟੀ ਵਰਗੀ ਨਹੀਂ ਬਲਕਿ ਉਸ ਤਰ੍ਹਾਂ ਦੀ ਹੈ, ਜਿਸ ਨੂੰ ਹਾਸ਼ੀਏ 'ਤੇ ਖੜ੍ਹਾ ਕੋਈ ਸੰਗਠਨ ਅਪਣਾਉਂਦਾ ਹੈ। ਹਾਸ਼ੀਏ 'ਤੇ ਖੜ੍ਹਾ ਸੰਗਠਨ ਕਦੇ ਵੀ ਸੱਤਾ ਵਿਚ ਆਉਣ ਦੀ ਉਮੀਦ ਨਹੀਂ ਕਰ ਸਕਦਾ। ਜੇਤਨੀ ਨੇ ਕਿਹਾ ਕਿ ਉਸ ਦੀ ਹੁਣ ਇਹ ਉਮੀਦ ਬਚੀ ਹੈ ਕਿ ਉਹ ਖੇਤਰੀ ਦਲਾਂ ਦਾ ਸਮਰਥਨ ਬਣੇ। ਏਜੰਸੀ

Location: India, Delhi, Delhi

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement