ਪਟਰੌਲ-ਡੀਜ਼ਲ ਦੀਆਂ ਕੀਮਤਾਂ ਅੱਜ ਲਗਾਤਾਰ 13ਵੇਂ ਦਿਨ ਵੀ ਵਧ ਗਈਆਂ।
ਨਵੀਂ ਦਿੱਲੀ, 26 ਮਈ : ਪਟਰੌਲ-ਡੀਜ਼ਲ ਦੀਆਂ ਕੀਮਤਾਂ ਅੱਜ ਲਗਾਤਾਰ 13ਵੇਂ ਦਿਨ ਵੀ ਵਧ ਗਈਆਂ। ਸਨਿਚਰਵਾਰ ਜਦੋਂ ਹੀ ਲੋਕਾਂ ਨੇ ਪਟਰੌਲ ਪੰਪਾਂ ਦਾ ਮੂੰਹ ਦੇਖਿਆ ਤਾਂ ਉਨ੍ਹਾਂ ਨੂੰ ਪਟਰੌਲ-ਡੀਜ਼ਲ ਬੀਤੇ ਦਿਨ ਨਾਲੋਂ ਮਹਿੰਗਾ ਮਿਲਿਆ ਤਾਂ ਲੋਕਾਂ ਨੂੰ ਪਤਾ ਲਗਿਆ ਕਿ ਤੇਲ ਦੇ ਭਾਅ ਨੂੰ ਲੱਗੀ ਅੱਗ ਅਜੇ ਤਕ ਬੁਝੀ ਨਹੀਂ। ਅੱਜ ਪਟਰੌਲ ਦੀ ਕੀਮਤ ਵਿਚ 14 ਪੈਸੇ ਤੇ ਡੀਜ਼ਲ ਦੀ ਕੀਮਤ 'ਚ 15 ਪੈਸੇ ਦਾ ਵਾਧਾ ਹੋਇਆ।
ਇਸ ਤਰ੍ਹਾਂ ਦਿੱਲੀ ਵਿਚ ਪਟਰੌਲ 77.97 ਰੁਪਏ ਤੇ ਡੀਜ਼ਲ 68.90 ਰੁਪਏ ਹੋ ਗਿਆ। ਇਹ ਵਾਧਾ ਕਰਨਾਟਕ ਚੋਣਾਂ ਤੋਂ ਬਾਅਦ ਲਗਾਤਾਰ ਜਾਰੀ ਹੈ। ਇਸ ਤਰ੍ਹਾਂ ਮੁੰਬਈ ਵਿਚ ਪਟਰੌਲ 85.78 ਰੁਪਏ ਅਤੇ ਡੀਜ਼ਲ 73.36 ਰੁਪਏ ਹੋ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ 13 ਦਿਨਾਂ 'ਚ ਪਟਰੌਲ ਦੀ ਕੀਮਤ 3.52 ਰੁਪਏ ਅਤੇ ਡੀਜ਼ਲ ਦੀ ਕੀਮਤ 3.12 ਰੁਪਏ ਵਧੀ ਹੈ।
ਦੂਜੇ ਪਾਸੇ ਤੇਲ ਦੀਆਂ ਕੀਮਤਾਂ ਦਾ ਮੁੱਦਾ ਦੇਸ਼ ਵਿਆਪੀ ਬਣਦਾ ਜਾ ਰਿਹਾ ਹੈ। ਤੇਲ ਦੀਆਂ ਕੀਮਤਾਂ ਨੂੰ ਕੰਟਰੋਲ ਕਰਨ ਲਈ ਪਟਰੌਲੀਅਮ ਪਦਾਰਥਾਂ ਨੂੰ ਵੀ ਜੀਐਸਟੀ ਦੇ ਹੇਠਾਂ ਲਿਆਉਦ ਦੀ ਮੰਗ ਵਧਣ ਲੱਗ ਪਈ ਹੈ। ਕਈ ਮਾਹਰਾਂ ਦਾ ਕਹਿਣਾ ਹੈ ਕਿ ਜੇਕਰ ਤੇਲ ਪਦਾਰਥਾਂ ਨੂੰ ਜੀਐਸਟੀ ਅਧੀਲ ਲਿਆਂਦਾ ਜਾਵੇ ਤਾਂ ਪਟਰੌਲ ਦੀ ਕੀਮਤ 25 ਰੁਪਏ ਤਕ ਘਟ ਸਕਦੀ ਹੈ। (ਏਜੰਸੀ)