ਈ ਕਾਮਰਸ ਸਾਈਟ ਉੱਤੇ ਕੀਤੇ ਗਏ ਸਮਾਨ ਦੀ ਸਹੀ ਡਿਲੀਵਰੀ ਨਾ ਮਿਲਣ ਦੀਆਂ ਤੁਸੀਂ ਬਹੁਤ ਖਬਰਾਂ ਸੁਣੀਆਂ ਹੋਣਗੀਆਂ।
ਈ ਕਾਮਰਸ ਸਾਈਟ ਉੱਤੇ ਕੀਤੇ ਗਏ ਸਮਾਨ ਦੀ ਸਹੀ ਡਿਲੀਵਰੀ ਨਾ ਮਿਲਣ ਦੀਆਂ ਤੁਸੀਂ ਬਹੁਤ ਖਬਰਾਂ ਸੁਣੀਆਂ ਹੋਣਗੀਆਂ। ਅਜਿਹਾ ਹੀ ਕੁੱਝ ਕਲਕੱਤਾ ਦੇ ਇੱਕ ਨੌਜਵਾਨ ਦੇ ਨਾਲ ਹੋਇਆ। ਇੰਨਾ ਹੀ ਨਹੀਂ, ਸ਼ਿਕਾਇਤ ਲਈ ਕਾਲ ਕਰਨ 'ਤੇ ਈ-ਕਾਮਰਸ ਸਾਈਟ ਨੇ ਨੌਜਵਾਨ ਨੂੰ ਬੀਜੇਪੀ ਨਾਲ ਜੁੜਣ ਦਾ ਸੱਦਾ ਦਿੱਤਾ। ਅਸਲ ਵਿਚ ਇਨ੍ਹਾਂ ਦਿਨਾਂ ਵਿਚ ਸਾਰੀ ਦੁਨੀਆ ਦੇ ਲੋਕਾਂ ਵਿਚ ਫੀਫਾ ਵਿਸ਼ਵ ਕੱਪ ਬੁਖ਼ਾਰ ਫੈਲਿਆ ਹੋਇਆ ਹੈ। ਅਜਿਹੇ ਵਿਚ ਭਾਰਤ ਵਿਚ ਫੁਟਬਾਲ ਦੇ ਚਾਹਵਾਨ ਫੀਫਾ ਵਰਲਡ ਕਪ ਦਾ ਅਨੰਦ ਉਠਾ ਰਹੇ ਹਨ।
Flipkart ਕੋਲਕਾਤਾ ਦਾ ਇਕ ਨੌਜਵਾਨ ਫੁਟਬਾਲ ਦਾ ਇੰਨਾ ਜ਼ਿਆਦਾ ਦੀਵਾਨਾ ਹੈ ਜੋ ਫੀਫਾ ਦਾ ਇਕ ਵੀ ਮੈਚ ਨਹੀਂ ਛੱਡਦਾ। ਦੇਰ ਰਾਤ ਤੱਕ ਫੀਫਾ ਵਰਲਡ ਕਪ ਦੇ ਮੈਚ ਦੇਖਣ ਲਈ ਉਸਨੇ ਈ-ਕਾਮਰਸ ਸਾਈਟ ਫਲਿਪਕਾਰਟ ਉੱਤੇ ਦੋ ਹੈਡਫੋਨ ਦਾ ਆਰਡਰ ਕੀਤਾ ਸੀ ਤਾਂਕਿ ਪਰਿਵਾਰਕ ਮੈਂਬਰਾਂ ਨੂੰ ਮੁਸ਼ਕਿਲ ਪੇਸ਼ ਨਾ ਆਵੇ।
ਇਸ ਨੌਜਵਾਨ ਨੂੰ ਜਦੋਂ ਫਲਿਪਕਾਰਡ ਤੋਂ ਆਰਡਰ ਦੀ ਡਿਲੀਵਰੀ ਮਿਲੀ ਤਾਂ ਉਸਨੂੰ ਖੋਲ੍ਹਣ ਤੋਂ ਬਾਅਦ ਉਹ ਦੰਗ ਰਹਿ ਗਿਆ। ਕਿਉਂਕਿ ਪੈਕੇਟ ਵਿਚ ਹੈਡਫੋਨ ਦੀ ਜਗ੍ਹਾ ਤੇਲ ਦੀ ਬੋਤਲ ਨਿਕਲੀ।
Flipkartਉਸ ਤੋਂ ਬਾਅਦ ਨੌਜਵਾਨ ਨੇ ਗ਼ੁੱਸੇ ਵਿਚ ਫਲਿਪਕਾਰਟ ਨੂੰ ਸ਼ਿਕਾਇਤ ਲਈ ਪੈਕੇਟ ਉੱਤੇ ਦਿੱਤੇ ਨੰਬਰ 'ਤੇ ਫੋਨ ਕੀਤਾ, ਪਰ ਫੋਨ ਇਕ ਰਿੰਗ ਜਾਣ ਤੋਂ ਬਾਅਦ ਕਟ ਗਿਆ। ਨੌਜਵਾਨ ਦੇ ਦੂਜੀ ਵਾਰ ਫੋਨ ਲਗਾਉਣ 'ਤੇ ਉਸ ਤੋਂ ਪਹਿਲਾਂ ਉਸਦੇ ਮੋਬਾਇਲ ਉੱਤੇ ਇੱਕ ਮੈਸੇਜ ਆਇਆ। ਜਿਸ ਦੀ ਸ਼ੁਰੂਆਤ ਵਿਚ ਲਿਖਿਆ ਸੀ 'ਵੈਲਕਮ ਟੂ ਬੀਜੇਪੀ' ਯਾਨੀ ਬੀਜੇਪੀ ਵਿਚ ਤੁਹਾਡਾ ਸਵਾਗਤ ਹੈ। ਇਸ ਮੈਸੇਜ ਵਿਚ ਅੱਗੇ ਪ੍ਰਾਇਮਰੀ ਮੈਂਬਰਸ਼ਿਪ ਨੰਬਰ (ਮੁਢਲੀ ਮੈਂਬਰੀ ਨੰਬਰ) ਵੀ ਲਿਖਿਆ ਸੀ ਅਤੇ ਅੱਗੇ ਦੀ ਪਰਿਕ੍ਰੀਆ ਪੂਰੀ ਕਰਨ ਲਈ ਅਗਲੇ ਸਟੈਪਸ ਨੂੰ ਫੌਲੋ ਕਰਨ ਦਾ ਨਿਰਦੇਸ਼ ਦਿੱਤਾ ਗਿਆ ਸੀ।
BJPਉਸ ਤੋਂ ਬਾਅਦ ਨੌਜਵਾਨ ਨੇ ਉਸ ਨੰਬਰ ਨੂੰ ਦੁਬਾਰਾ ਮਿਲਾਇਆ ਤਾਂ ਫਿਰ ਤੋਂ ਉਸ ਨੂੰ ਉਹੀ ਮੈਸੇਜ ਮਿਲਿਆ। ਇਸ ਤੋਂ ਬਾਅਦ ਉਸਨੇ ਆਪਣੇ ਦੋਸਤਾਂ ਨੂੰ ਵੀ ਨੰਬਰ ਦਿੱਤਾ ਅਤੇ ਉਨ੍ਹਾਂ ਨੂੰ ਵੀ ਫੋਨ ਕਰਨ ਉੱਤੇ ਓਹੀ ਮੈਸੇਜ ਮਿਲਿਆ। ਇਸ ਤੋਂ ਉਨ੍ਹਾਂ ਨੂੰ ਇਹ ਗੱਲ ਪੱਕੀ ਹੋ ਗਈ ਕਿ ਦਿੱਤਾ ਗਿਆ 1800 266 1001 ਨੰਬਰ ਬੀਜੇਪੀ ਦਾ ਹੈ। ਇਸ ਤੋਂ ਬਾਅਦ ਵਿਚ ਨੌਜਵਾਨ ਨੇ ਹੋਰ ਵਿਅਕਤੀ ਕੋਲੋਂ ਫਲਿਪਕਾਰਟ ਦਾ ਸਹੀ ਹੈਲਪਲਾਈਨ ਨੰਬਰ ਲਿਆ। ਜਿਸ ਉੱਤੇ ਉਸ ਨੇ ਆਪਣੀ ਸ਼ਿਕਾਇਤ ਦਰਜ ਕਾਰਵਾਈ। (ਏਜੰਸੀ)
