ਉੱਤਰ ਪ੍ਰਦੇਸ਼ ਦੇ ਅਲੀਗੜ ਵਿਚ ਇਕ ਕਚੌਰੀ ਵੇਚਣ ਵਾਲੇ ਦੀ ਸਲਾਨਾ ਆਮਦਨ ਨੇ ਕਮਰਸ਼ੀਅਲ ਟੈਕਸ ਜਾਸੂਸਾਂ ਨੂੰ ਹੈਰਾਨ ਕਰ ਦਿੱਤਾ।
ਅਲੀਗੜ੍ਹ : ਉੱਤਰ ਪ੍ਰਦੇਸ਼ ਦੇ ਅਲੀਗੜ ਵਿਚ ਇਕ ਕਚੌਰੀ ਵੇਚਣ ਵਾਲੇ ਦੀ ਸਲਾਨਾ ਆਮਦਨ ਨੇ ਕਮਰਸ਼ੀਅਲ ਟੈਕਸ ਜਾਸੂਸਾਂ ਨੂੰ ਹੈਰਾਨ ਕਰ ਦਿੱਤਾ। ਅਲੀਗੜ੍ਹ ਵਿਚ ਸੀਮਾ ਸਿਨੇਮਾ ਹਾਲ ਦੇ ਕੋਲ ਮੁਕੇਸ਼ ਕਚੌਰੀ ਦੀ ਦੁਕਾਨ ਲੋਕਾਂ ਦੇ ਵਿਚ ਕਾਫ਼ੀ ਚਰਚਿਤ ਹੈ। ਦੁਕਾਨ ਦੇ ਮਾਲਿਕ ਮੁਕੇਸ਼ ਸਵੇਰ ਤੋਂ ਕਚੌਰੀਆਂ ਅਤੇ ਸਮੋਸੇ ਵੇਚਣਾ ਸ਼ੁਰੂ ਕਰ ਦਿੰਦੇ ਹਨ ਅਤੇ ਦਿਨ ਭਰ ਵੇਚਦੇ ਹਨ।
Kachori vala
ਉਨ੍ਹਾਂ ਦੀ ਦੁਕਾਨ 'ਤੇ ਹਰ ਸਮੇਂ ਗਾਹਕਾਂ ਦੀ ਲੰਮੀ ਕਤਾਰ ਲੱਗੀ ਰਹਿੰਦੀ ਹੈ ਪਰ ਹੁਣ ਇਹ ਕਚੌਰੀ ਵਾਲਾ ਆਪਣੀ ਆਮਦਨ ਕਰਕੇ ਚਰਚਾ ਵਿਚ ਹੈ। ਦਰਅਸਲ, ਮੁਕੇਸ਼ ਕਚੌਰੀ ਵਾਲੇ ਦੀ ਸਾਲਾਨਾ ਆਮਦਨ 60 ਲੱਖ ਰੁਪਏ ਤੋਂ ਇੱਕ ਕਰੋੜ ਰੁਪਏ ਦੇ ਦਰਮਿਆਨ ਦਰਜ ਕੀਤੀ ਗਈ ਹੈ। ਮੁਕੇਸ਼ ਕੋਲ ਨਾ ਕੋਈ ਜੀਐਸਟੀ ਹੈ ਤੇ ਨਾ ਹੀ ਉਹ ਕਿਸੇ ਕਿਸਮ ਦਾ ਕਰ ਅਦਾ ਕਰਦਾ ਹੈ। 12 ਸਾਲ ਤੋਂ ਸਮੋਸੇ ਕਚੌਰੀ ਵੇਚ ਰਹੇ ਮੁਕੇਸ਼ ਨੂੰ ਪਹਿਲੀ ਵਾਰ ਆਮਦਨ ਕਰ ਵਿਭਾਗ ਦਾ ਨੋਟਿਸ ਮਿਲਿਆ ਹੈ।
Kachori
ਕਾਨੂੰਨ ਮੁਤਾਬਕ ਜਿਸ ਵਿਅਕਤੀ ਦੀ ਆਮਦਨ 40 ਲੱਖ ਰੁਪਏ ਤੋਂ ਵੱਧ ਹੈ ਉਸ ਨੂੰ ਜੀਐਸਟੀ ਲਈ ਰਜਿਸਟ੍ਰੇਸ਼ਨ ਕਰਵਾਉਣਾ ਪਵੇਗਾ। ਮੁਕੇਸ ਦਾ ਕਹਿਣਾ ਹੈ ਕਿ ਉਹ ਸਾਧਾਰਨ ਆਦਮੀ ਹੈ ਤੇ ਲੰਮੇ ਸਮੇਂ ਤੋਂ ਦੁਕਾਨ ਚਲਾ ਰਿਹਾ ਹੈ। ਉਸ ਨੂੰ ਕਿਸੇ ਨੇ ਵੀ ਇਸ ਟੈਕਸ ਤੇ ਕਾਨੂੰਨ ਬਾਰੇ ਨਹੀਂ ਦੱਸਿਆ। ਤਿਆਰ ਕੀਤੇ ਖਾਣੇ 'ਤੇ 5% ਜੀਐਸਟੀ ਲੱਗਦਾ ਹੈ। ਹੁਣ ਮੁਕੇਸ਼ ਨੂੰ ਇਸ ਦਰ ਨਾਲ ਇੱਕ ਸਾਲ ਦਾ ਟੈਕਸ ਅਦਾ ਕਰਨਾ ਪੈ ਸਕਦਾ ਹੈ।
