ਗੁਜਰਾਤ ਦੇ ਨਰਮਦਾ ਜ਼ਿਲ੍ਹੇ ਵਿਚ ਸਰਦਾਰ ਵੱਲਭ ਭਾਈ ਪਟੇਲ ਦੀ ਵਿਸ਼ਾਲ ਮੂਰਤੀ ਨੂੰ ਅੰਤਮ ਰੂਪ ਦੇਣ ਦਾ ਕਾਰਜ 25 ਅਕਤੂਬਰ ਤੱਕ ਪੂਰਾ ਹੋ ਜਾਵੇਗਾ।
ਗੁਜਰਾਤ, ਗੁਜਰਾਤ ਦੇ ਨਰਮਦਾ ਜ਼ਿਲ੍ਹੇ ਵਿਚ ਸਰਦਾਰ ਵੱਲਭ ਭਾਈ ਪਟੇਲ ਦੀ ਵਿਸ਼ਾਲ ਮੂਰਤੀ ਨੂੰ ਅੰਤਮ ਰੂਪ ਦੇਣ ਦਾ ਕਾਰਜ 25 ਅਕਤੂਬਰ ਤੱਕ ਪੂਰਾ ਹੋ ਜਾਵੇਗਾ। ਰਾਜ ਸਰਕਾਰ ਨੇ ਇਸ ਤੋਂ ਪਹਿਲਾਂ ਕਿਹਾ ਸੀ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 31 ਅਕਤੂਬਰ ਨੂੰ ਸਰਦਾਰ ਪਟੇਲ ਦੇ ਜਨਮ ਦਿਵਸ ਮੌਕੇ 'ਤੇ 182 ਮੀਟਰ ਉੱਚੀ ਮੂਰਤੀ ਦਾ ਉਦਘਾਟਨ ਕਰਨਗੇ।
Sardar Patel Statue
ਮੁੱਖ ਮੰਤਰੀ ਫਤਿਹ ਰੁਪਾਨੀ ਅਤੇ ਉਪ ਮੁੱਖ ਮੰਤਰੀ ਨਿਤੀਨ ਪਟੇਲ ਨੇ ਮੂਰਤੀ ਉਸਾਰੀ ਕਾਰਜ ਦਾ ਜਾਇਜ਼ਾ ਲੈਣ ਲਈ ਸ਼ਨੀਵਾਰ ਨੂੰ ਉਸ ਜਗ੍ਹਾ ਦਾ ਦੌਰਾ ਕੀਤਾ, ਜਿੱਥੇ ਇਸ ਨੂੰ ਸਥਾਪਤ ਕੀਤਾ ਜਾ ਰਿਹਾ ਹੈ। ਦੱਸ ਦਈਏ ਕਿ ਮੂਰਤੀ ਦਾ ਨਾਮ ‘ਸਟੈਚੂ ਆਫ ਯੂਨਿਟੀ’ ਹੈ। ਮੂਰਤੀ ਦੀ ਉਸਾਰੀ ਸਰਦਾਰ ਸਰੋਵਰ ਬੰਨ੍ਹ ਤੋਂ ਇੱਕ ਕਿਲੋਮੀਟਰ ਦੂਰ ਨਰਮਦਾ ਨਦੀ ਵਿਚ ਇੱਕ ਛੋਟੇ ਜਿਹੇ ਟਾਪੂ ਸੰਧੂ ਬੇਤ 'ਤੇ ਕੀਤਾ ਜਾ ਰਿਹਾ ਹੈ। ਮੂਰਤੀ ਕਰੀਬ 1,989 ਕਰੋੜ ਰੁਪਏ ਦੀ ਲਾਗਤ ਲਾਗਤ ਨਾਲ ਬਣ ਰਹੀ ਹੈ। ਇਸ ਮੌਕੇ 'ਤੇ ਰੁਪਾਨੀ ਨੇ ਕਿਹਾ ਕਿ ਆਜ਼ਾਦੀ ਤੋਂ ਬਾਅਦ ਸਰਦਾਰ ਪਟੇਲ ਨੇ ਦੇਸ਼ ਨੂੰ ਇੱਕਜੁਟ ਕੀਤਾ ਜੋ ਬੇਹੱਦ ਔਖਾ ਕੰਮ ਸੀ।
Sardar Patel Statue
ਉਨ੍ਹਾਂ ਨੇ ਕਿਹਾ ਕਿ ਮੋਦੀ ਨੇ ਇਸ ਮਹਾਨ ਨੇਤਾ ਨੂੰ ਸੱਚੀ ਸ਼ਰਧਾਂਜਲੀ ਦੇਣ ਲਈ ਇਹ ਯੋਜਨਾ ਬਣਾਈ। ਮੁੱਖ ਮੰਤਰੀ ਨੇ ਵਿਰੋਧੀ ਪਾਰਟੀ ਉੱਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ, ‘‘ਕਾਂਗਰਸ ਨੇ ਹਮੇਸ਼ਾ ਸਰਦਾਰ ਪਟੇਲ ਦੀ ਮਹੱਤਤਾ ਨੂੰ ਅਣਦੇਖਿਆ ਕੀਤਾ ਹੈ। ਉਹ ਸਿਰਫ ਨਹਿਰੂ - ਗਾਂਧੀ ਪਰਵਾਰ ਨੂੰ ਯਾਦ ਕਰਦੇ ਹਨ।
