ਕਿਹਾ - ਜਨਤਾ ਨੂੰ ਆਸਮਾਨ ਵਿਚ ਨਾ ਘੁਮਾਓ, ਜ਼ਮੀਨ ਉੱਤੇ ਹੀ ਰਹਿਣ ਦਿਓ

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਦੇਸ਼ ਵਾਸੀਆਂ ਨੂੰ ਪੁਲਾੜ 'ਚ ਭਾਰਤ ਦੀ ਇਤਿਹਾਸਕ ਪ੍ਰਾਪਤੀ ਦੀ ਜਾਣਕਾਰੀ ਦਿੱਤੀ। ਆਪ੍ਰੇਸ਼ਨ ਮਿਸ਼ਨ ਸ਼ਕਤੀ ਤਹਿਤ ਲੋ ਅਰਥ ਆਰਬਿਟ 'ਚ ਇਕ ਸੈਟੇਲਾਈਟ ਨੂੰ ਮਾਰ ਸੁੱਟਿਆ ਹੈ। ਮੋਦੀ ਦੇ ਇਸ ਐਲਾਨ ਮਗਰੋਂ ਵਿਰੋਧੀ ਧਿਰਾਂ ਨੇ ਉਨ੍ਹਾਂ ਨੂੰ ਘੇਰਦਿਆਂ ਤਿੱਖੇ ਹਮਲੇ ਕੀਤੇ। ਕੈਬਨਿਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਕਿਹਾ ਕਿ ਜਨਤਾ ਨੂੰ ਆਸਮਾਨ ਵਿਚ ਨਾ ਘੁਮਾਓ, ਜ਼ਮੀਨ ਉੱਤੇ ਹੀ ਰਹਿਣ ਦਿਓ ਅਤੇ ਮੁੱਦਿਆਂ ਦੀ ਗੱਲ ਕਰੋ।

ਪ੍ਰਧਾਨ ਮੰਤਰੀ ਮੋਦੀ ਨੇ ਦਾਅਵਾ ਕੀਤਾ ਸੀ ਕਿ ਸਾਡੇ ਵਿਗਿਆਨੀਆਂ ਨੇ ਸਪੇਸ 'ਚ 300 ਕਿਲੋਮੀਟਰ ਦੂਰ ਐਲਈਓ (ਲੋ ਫਾਈਨੈਂਸ ਔਰਬਿਟ) 'ਚ ਲਾਈਵ ਸੈਟੇਲਾਈਟ ਨੂੰ ਸੁੱਟਿਆ ਹੈ। ਮੋਦੀ ਨੇ ਇਸ ਨੂੰ ਵੱਡੀ ਪ੍ਰਾਪਤੀ ਵਜੋਂ ਪ੍ਰਚਾਰਿਆ।

Campaign for 2019 Elections is reaching its final stages but no BJP leader has talked about development issues. Very sad.

Stop deflecting the real issues...
Job loss
Farmer Suicides
Rafale
etc.

जनता को अंतरिक्ष में मत घुमाओ,
ज़मीन पे वापिस लाओ,
सही मुद्दों से मत भटकाओ! https://t.co/evgyepmpUt

— Navjot Singh Sidhu (@sherryontopp) 27 March 2019

ਇਸ ਤੋਂ ਬਾਅਦ ਸਿੱਧੂ ਨੇ ਟਵੀਟ ਕਰ ਕੇ ਆਖਿਆ ਕਿ ਚੋਣਾਂ ਸਿਰ ਉੱਤੇ ਹਨ ਅਤੇ ਭਾਜਪਾ ਦਾ ਕੋਈ ਵੀ ਆਗੂ ਵਿਕਾਸ ਤੇ ਮੁੱਦਿਆਂ ਦੀ ਗੱਲ ਨਹੀਂ ਕਰ ਰਿਹਾ। ਉਨ੍ਹਾਂ ਲਿਖਿਆ, "ਲੋਕਾਂ ਨੂੰ ਸਪੇਸ ਉੱਤੇ ਨਾ ਘੁਮਾਓ, ਜ਼ਮੀਨ ਤੇ ਵਾਪਸ ਲਿਆਓ, ਸਹੀ ਮੁੱਦਿਆਂ ਤੋਂ ਨਾ ਭਟਕਾਓ।"

ਸਿੱਧੂ ਨੇ ਮੋਦੀ ਦੇ ਸਾਲ 2014 ਵਿਚ ਹੋਈਆਂ ਲੋਕ ਸਭਾ ਚੋਣਾਂ ਦੌਰਾਨ ਕੀਤੇ ਗਏ ਟਵੀਟ ਨੂੰ ਲੈ ਕੇ ਵੀ ਹਮਲਾ ਕੀਤਾ ਹੈ। 2014 'ਚ ਲੋਕ ਸਭਾ ਚੋਣਾਂ ਵਿਚ ਮੋਦੀ ਨੇ ਟਵੀਟ ਕੀਤਾ ਸੀ ਕਿ ਲੋਕ ਸਭਾ ਚੋਣਾਂ ਸਿਰ ਉੱਤੇ ਹਨ ਪਰ ਕੋਈ ਵੀ ਕਾਂਗਰਸੀ ਆਗੂ ਵਿਕਾਸ ਦੇ ਮੁੱਦਿਆਂ ਉੱਤੇ ਗੱਲ ਨਹੀਂ ਕਰ ਰਿਹਾ ਹੈ।