ਇਸ ਤੋਂ ਇਲਾਵਾ ਸੀਡੀਸੀ ਨੇ ਐਮਰਜੈਂਸੀ ਚੇਤਾਵਨੀ ਸੰਕੇਤਾਂ ਦਾ ਇਕ...
ਨਵੀਂ ਦਿੱਲੀ: ਸੀਡੀਸੀ ਏਜੰਸੀ ਨੇ ਅਪਣੀ ਸੂਚੀ ਵਿਚ ਕੋਰੋਨਾ ਵਾਇਰਸ ਦੇ ਛੇ ਹੋਰ ਲੱਛਣਾਂ ਨੂੰ ਦਰਜ ਕੀਤਾ ਹੈ। ਜਿਵੇਂ ਠੰਡ ਲਗਣਾ, ਜੋੜਾਂ ਵਿਚ ਦਰਦ, ਗਲੇ ਵਿਚ ਖਰਾਸ਼, ਸਿਰ ਦਰਦ, ਖੰਘ, ਬੁਖਾਰ, ਸਾਹ ਲੈਣ ਵਿਚ ਤਕਲੀਫ ਹੋਣਾ, ਬੁੱਲ੍ਹ ਸੁੱਜ ਜਾਣੇ ਅਤੇ ਚਿਹਰਾ ਪੀਲਾ ਪੈ ਜਾਣਾ। ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ COVID-19 ਦੇ ਸੰਪਰਕ ਵਿਚ ਆਉਣ ਦੇ ਦੋ ਤੋਂ 14 ਦਿਨ ਬਾਅਦ ਇਹ ਲੱਛਣ ਦਿਖਾਈ ਦੇ ਸਕਦੇ ਹਨ।
CDC
ਇਸ ਤੋਂ ਇਲਾਵਾ ਸੀਡੀਸੀ ਨੇ ਐਮਰਜੈਂਸੀ ਚੇਤਾਵਨੀ ਸੰਕੇਤਾਂ ਦਾ ਇਕ ਸੈਟ ਤਿਆਰ ਕੀਤਾ ਹੈ ਜਿਸ ਵਿਚ ਮੈਡੀਕਲ ਜਾਂਚ ਵੱਲ ਧਿਆਨ ਦੇਣ ਤੇ ਜ਼ੋਰ ਦਿੱਤਾ ਗਿਆ ਹੈ। ਇਸ ਸੈਟ ਵਿਚ ਸਾਹ ਲੈਣ ਵਿਚ ਤਕਲੀਫ, ਗਲੇ ਵਿਚ ਦਰਦ ਜਾਂ ਦਬਾਅ, ਨਵੀਂ ਉਲਝਣ ਜਾਂ ਉਤੇਜਨਾ ਦੀ ਅਯੋਗਤਾ, ਸੁੱਜੇ ਹੋਏ ਬੁੱਲ੍ਹ ਜਾਂ ਚਿਹਰਾ ਪੀਲਾ ਹੋ ਜਾਣਾ ਸ਼ਾਮਲ ਹੈ।
Corona Virus Test
ਜਦੋਂ ਕੋਰੋਨਾ ਵਾਇਰਸ ਹੁੰਦਾ ਹੈ ਤਾਂ ਅਜਿਹਾ ਬਹੁਤ ਘਟ ਹੁੰਦਾ ਹੈ ਕਿ ਨੱਕ ਚੋਂ ਵੀ ਪਾਣੀ ਆਵੇ ਅਤੇ ਛਿੱਕ ਆਉਣਾ ਵੀ ਵਾਇਰਸ ਦਾ ਲੱਛਣ ਨਹੀਂ ਹੈ। ਸੀਡੀਸੀ ਅਨੁਸਾਰ ਜਿਹਨਾਂ ਨੂੰ ਕੋਰੋਨਾ ਵਾਇਰਸ ਹੋਇਆ ਹੈ ਇਹ ਸੂਚੀ ਉਹਨਾਂ ਦੇ ਲੱਛਣਾਂ ਬਾਰੇ ਦਸਦੀ ਹੈ। ਜੇ ਤੁਸੀਂ ਉਪਰੋਕਤ ਨੌਂ ਲੱਛਣਾਂ ਵਿਚੋਂ ਕਿਸੇ ਨੂੰ ਵੀ ਅਨੁਭਵ ਕਰਦੇ ਹੋ ਤਾਂ ਤੁਸੀਂ ਇਲਾਜ ਲਈ ਅਗਲੇ ਕਦਮਾਂ ਨੂੰ ਵਧੀਆ ਨਿਰਧਾਰਤ ਕਰਨ ਲਈ ਸੀ ਡੀ ਸੀ ਦੇ ਕੋਰੋਨਾ ਵਾਇਰਸ ਸਵੈ-ਚੈਕਰ ਦੀ ਵਰਤੋਂ ਕਰ ਸਕਦੇ ਹੋ।
Cough
ਕੋਰੋਨਾ ਵਾਇਰਸ ਤੇ ਖੋਜ ਕਰ ਰਹੇ ਮਾਹਰਾਂ ਦਾ ਕਹਿਣਾ ਹੈ ਕਿ ਇਸ ਬਿਮਾਰੀ ਨਾਲ ਦੁਨੀਆਭਰ ਵਿਚ ਲਗਭਗ 3 ਮਿਲੀਅਨ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਨਿਊਯਾਰਕ ਦੀ ਇਕ ਮੀਡੀਆ ਰਿਪੋਰਟ ਅਨੁਸਾਰ ਕੋਵਿਡ-19 ਲਈ ਜਾਂਚ ਬਹੁਤ ਹੀ ਮੁਸ਼ਕਿਲ ਹੈ। ਇਸ ਨਾਲ ਦੁਨੀਆਭਰ ਵਿਚ ਬਹੁਤ ਸਾਰੇ ਲੋਕ ਪੀੜਤ ਹੋ ਚੁੱਕੇ ਹਨ ਅਤੇ ਬਹੁਤ ਲੋਕਾਂ ਦੀ ਮੌਤ ਵੀ ਹੋ ਚੁੱਕੀ ਹੈ। ਇਸ ਦੇ ਚਲਦੇ ਜੇ ਲਾਕਡਾਊਨ ਹਟਾਇਆ ਜਾਂਦਾ ਹੈ ਤਾਂ ਇਸ ਦੀ ਭਾਰੀ ਕੀਮਤ ਚੁਕਾਉਣੀ ਪੈ ਸਕਦੀ ਹੈ।
Fever
ਸੀਡੀਸੀ ਨੇ ਸਲਾਹ ਦਿੱਤੀ ਹੈ ਕਿ ਜੇ ਕਿਸੇ ਨੂੰ ਲਗਦਾ ਹੈ ਕਿ ਉਸ ਨੂੰ ਕੋਈ ਤਕਲੀਫ ਹੈ ਤਾਂ ਉਹ ਘਰ ਵਿਚ ਰਹੇ ਅਤੇ ਬਾਹਰ ਜਾਣ ਦੀ ਗਲਤੀ ਨਾ ਕਰੇ ਕਿਉਂ ਕਿ ਇਸ ਦਾ ਅਜੇ ਕੋਈ ਇਲਾਜ ਨਹੀਂ ਮਿਲਿਆ ਅਤੇ ਨਾ ਹੀ ਇਸ ਦੀ ਕੋਈ ਵੈਕਸੀਨ ਤਿਆਰ ਹੋਈ ਹੈ।
cold
ਅਮਰੀਕਨ ਕਾਲਜ ਆਫ਼ ਐਮਰਜੈਂਸੀ ਫਿਜ਼ੀਸ਼ੀਅਨ (ਏ.ਸੀ.ਈ.ਪੀ.) ਦੇ ਪ੍ਰਧਾਨ ਡੀ. ਵਿਲੀਅਮ ਜੈਕ ਨੇ ਮਾਰਚ ਵਿਚ ਦੱਸਿਆ ਕਿ ਤਿੰਨ ਸਭ ਤੋਂ ਆਮ ਲੱਛਣ ਹਨ ਬੁਖਾਰ, ਖੁਸ਼ਕ ਖੰਘ ਅਤੇ ਸਾਹ ਲੈਣ ਵਿਚ ਤਕਲੀਫ। ਡਾਕਟਰੀ ਮਾਹਰ ਕਹਿੰਦੇ ਹਨ ਕਿ ਸਰੀਰ ਵਿਚ ਦਰਦ, ਗਲੇ ਵਿਚ ਖਰਾਸ਼ ਅਤੇ ਥਕਾਵਟ ਕਈ ਵਾਰ ਕੋਰੋਨਾ ਵਾਇਰਸ ਦੇ ਨਾਲ ਹੁੰਦੀ ਹੈ ਪਰ ਇਹ ਅਕਸਰ ਫਲੂ ਨਾਲ ਜੁੜੇ ਹੁੰਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
