ਦੇਸ਼ ਦੇ ਕਈ ਹੋਰ ਰਾਜਾਂ ਵਿੱਚ ਵੀ ਹੁਣ ਇਲਾਜ ਲਈ ਇਸ ਥੈਰੇਪੀ ਦੀ ਵਰਤੋਂ ਕਰਨ ਲਈ ਸਹਿਮਤੀ ਹੋ ਸਕਦੀ ਹੈ।
ਨਵੀਂ ਦਿੱਲੀ : ਦੇਸ਼ ਵਿਚ ਭਾਵੇਂ ਕਿ ਕਰੋਨਾ ਵਾਇਰਸ ਦੇ ਕੇਸਾਂ ਦੀ ਗਿਣਤੀ ਵਿਚ ਇਜਾਫਾ ਹੋ ਰਿਹਾ ਹੈ ਪਰ ਉੱਥੇ ਹੀ ਇਸ ਨੂੰ ਰੋਕਣ ਦੇ ਲਈ ਵੱਖ-ਵੱਖ ਤਰ੍ਹਾਂ ਦੇ ਤਰੀਕੇ ਆਪਣਾਏ ਜਾ ਰਹੇ ਹਨ। ਇਸੇ ਵਿਚ ਵਧੀਆ ਗੱਲ ਇਹ ਸਾਹਮਣੇ ਆ ਰਹੀ ਹੈ ਕਿ ਇਨ੍ਹਾਂ ਨਵਿਆਂ ਤਰੀਕਿਆਂ ਨਾਲ ਲੋਕ ਠੀਕ ਵੀ ਹੋ ਰਹੇ ਹਨ। ਇਨ੍ਹਾਂ ਤਰੀਕਿਆਂ ਵਿਚ ਸਭ ਤੋਂ ਤਾਜ਼ਾ ਤਰੀਕਾ ਪਲਾਜ਼ਮਾਂ ਥੈਰਪੀ ਹੈ।
Coronavirus lockdown
ਜਾਣੋਂ ਕੀ ਹੈ ਇਹ ਪਲਾਜ਼ਮਾਂ ਥੈਰਪੀ? ਜੋ ਕਰੋਨਾ ਦੇ ਮਰੀਜ਼ਾਂ ਨੂੰ ਠੀਕ ਕਰ ਰਹੀ ਹੈ । ਪਲਾਜਮਾ ਥੈਰਪੀ ਸੁਣਨ ਨੂੰ ਨਵਾਂ ਲਗਦਾ ਹੈ ਪਰ ਇਸ ਥੈਰਪੀ ਨਾਲ ਦਿੱਲੀ ਅਤੇ ਕਰਨਾਟਕ ਦੇ ਹਸਪਤਾਲਾਂ ਵਿਚ ਕਈ ਮਰੀਜ਼ ਠੀਕ ਹੋਏ ਹਨ। ਦੱਸ ਦੱਈਏ ਕਿ ਹਾਲ ਹੀ ਵਿਚ ਕੇਂਦਰ ਸਰਕਾਰ ਦੇ ਵੱਲੋਂ ਦਿੱਲੀ ਅਤੇ ਕਰਨਾਟਕ ਦੇ ਕੁਝ ਹਸਪਤਾਲਾ ਨੂੰ ਇਸ ਥੈਰਪੀ ਨੂੰ ਕਰਨ ਦੀ ਆਗਿਆ ਦਿੱਤੀ ਹੈ।
Coronavirus
ਇਸ ਲਈ ਕਰੋਨਾ ਵਾਇਰਸ ਨਾਲ ਟੱਕਰ ਲੈਣ ਲਈ ਇਹ ਇਲਾਜ ਸਭ ਤੋਂ ਕਾਰਗਰ ਸਿੱਧ ਹੋ ਰਿਹਾ ਹੈ। ਦਿੱਲੀ ਦੇ ਆਈਐਲਬੀਐਸ ਹਸਪਤਾਲ ਦੇ ਮੁਖੀ ਡਾ: ਐਸ ਕੇ ਸਰੀਨ ਦਾ ਕਹਿਣਾ ਹੈ ਕਿ ਪਲਾਜ਼ਮਾ ਥੈਰੇਪੀ ਅਧੀਨ ਇਲਾਜ ਕੀਤੇ ਗਏ ਲੋਕਾਂ ਦਾ ਪਲਾਜ਼ਮਾ ਮਰੀਜ਼ਾਂ ਤੋਂ ਤਬਦੀਲ ਕੀਤਾ ਜਾਂਦਾ ਹੈ। ਥੈਰੇਪੀ ਵਿਚ ਐਂਟੀਬਾਡੀ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜੋ ਸਰੀਰ ਵਿਚ ਕਿਸੇ ਵੀ ਵਾਇਰਸ ਜਾਂ ਬੈਕਟਰੀਆ ਦੇ ਵਿਰੁੱਧ ਬਣਦੀ ਹੈ।
Coronavirus cases
ਇਹ ਐਂਟੀਬਾਡੀ ਠੀਕ ਕੀਤੇ ਮਰੀਜ਼ ਦੇ ਸਰੀਰ ਵਿਚੋਂ ਕੱਡ ਕੇ ਬਿਮਾਰ ਮਰੀਜ਼ਾਂ ਦੇ ਸਰੀਰ ਵਿਚ ਪਾ ਦਿੱਤੀ ਜਾਂਦੀ ਹੈ। ਜਦੋਂ ਰੋਗੀ 'ਤੇ ਐਂਟੀਬਾਡੀਜ਼ ਦਾ ਪ੍ਰਭਾਵ ਹੁੰਦਾ ਹੈ, ਤਾਂ ਵਾਇਰਸ ਕਮਜ਼ੋਰ ਹੋਣਾ ਸ਼ੁਰੂ ਹੋ ਜਾਂਦਾ ਹੈ. ਇਸ ਤੋਂ ਬਾਅਦ, ਮਰੀਜ਼ ਦੇ ਠੀਕ ਹੋਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਦੱਸ ਦੱਈਏ ਕਿ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ਆਈਸੀਐਮਆਰ) ਨੇ ਹਾਲ ਹੀ ਵਿੱਚ ਕੋਰੋਨਾ ਵਾਇਰਸ ਦੇ ਇਲਾਜ ਲਈ ਪਲਾਜ਼ਮਾ ਥੈਰੇਪੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਦੇਸ਼ ਦੇ ਕਈ ਹੋਰ ਰਾਜਾਂ ਵਿੱਚ ਵੀ ਹੁਣ ਇਲਾਜ ਲਈ ਇਸ ਥੈਰੇਪੀ ਦੀ ਵਰਤੋਂ ਕਰਨ ਲਈ ਸਹਿਮਤੀ ਹੋ ਸਕਦੀ ਹੈ।
Coronavirus
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
