ਇਸ ਵੀਡੀਉ ਵਿਚ ਉਸ ਨੇ ਸਿੱਖਾਂ ਦੀ ਤਾਰੀਫ ਦੇ ਨਾਲ-ਨਾਲ...
ਨਵੀਂ ਦਿੱਲੀ: ਲਾਕਡਾਊਨ ਵਿਚ ਸਿੱਖਾਂ ਦੀ ਸੇਵਾ ਤੋਂ ਹਰ ਕੋਈ ਚੰਗੀ ਤਰ੍ਹਾਂ ਜਾਣੂ ਹੋ ਗਿਆ ਹੋਣਾ ਹੈ ਜਿੱਥੇ ਵੀ ਲੋੜਵੰਦ ਦਿਖੇ ਉੱਥੇ ਹੀ ਮਸੀਹਾ ਬਣ ਕੇ ਪਹੁੰਚ ਜਾਂਦੇ ਹਨ। ਪਰ ਸੋਸ਼ਲ ਮੀਡੀਆ ਤੇ ਹਾਲ ਹੀ ਵਿਚ ਇਕ ਵੀਡੀਉ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਇਕ ਹਿੰਦੂ ਵਿਅਕਤੀ ਸਿੱਖਾਂ ਦੀ ਸੇਵਾ ਤੋਂ ਖੁਸ਼ ਹੋ ਕੇ ਜੰਮ ਕੇ ਸਰਦਾਰਾਂ ਦੀ ਸ਼ਲਾਘਾ ਕਰਦਾ ਦਿਖ ਰਿਹਾ ਹੈ। ਉਸ ਨੇ ਕਿਹਾ ਕਿ ਉਹ ਸਿੱਖਾਂ ਦੀ ਇਜ਼ਤ ਤਾਂ ਕਰਦਾ ਹੀ ਹੈ ਪਰ ਹੁਣ ਉਹ ਸਿੱਖਾਂ ਦੀ ਪੂਜਾ ਕਰਦਾ ਹੈ।
Langar
ਭਾਵ ਕਿ ਉਹ ਸਿੱਖਾਂ ਨੂੰ ਰੱਬ ਦਾ ਦੂਜਾ ਰੂਪ ਮੰਨਦਾ ਹੈ। ਮੰਨੇ ਵੀ ਕਿਉਂ ਨਾ ਆਖਿਰ ਸਿੱਖ ਹਰ ਮੁਸੀਬਤ ਅੱਗੇ ਪਹਾੜ ਵਾਂਗ ਖੜ੍ਹ ਜਾਂਦੇ ਹਨ। ਦੇਸ਼ ਕਿਸੇ ਇਕ ਦਾ ਨਹੀਂ ਹੈ, ਇਸ ਵਿਚ ਹਰ ਕੋਈ ਅਪਣੇ ਧਰਮ ਵਿਚ ਤਾਂ ਵੱਖਰਾ ਰਹਿ ਸਕਦਾ ਹੈ ਪਰ ਇਨਸਾਨੀਅਤ ਦੇ ਤੌਰ ਤੇ ਸਾਰਿਆਂ ਨੂੰ ਮਿਲ ਕੇ ਰਹਿਣਾ ਚਾਹੀਦਾ ਹੈ ਅਤੇ ਮੁਸੀਬਤ ਵਿਚ ਲੋਕਾਂ ਦੀ ਮਦਦ ਕਰਨੀ ਚਾਹੀਦੀ ਹੈ।
Sikhs
ਇਸ ਵੀਡੀਉ ਵਿਚ ਉਸ ਨੇ ਸਿੱਖਾਂ ਦੀ ਤਾਰੀਫ ਦੇ ਨਾਲ-ਨਾਲ ਸਿੱਖ ਸੰਗਤ ਦਾ ਧੰਨਵਾਦ ਵੀ ਕੀਤਾ। ਇਸ ਵਿਅਕਤੀ ਨੇ ਲੋਕਾਂ ਨੂੰ ਆਪਸੀ ਭਾਈਚਾਰਕ ਦਾ ਸੁਨੇਹਾ ਦਿੰਦਿਆਂ ਇਨਸਾਨੀਅਤ ਬਰਕਰਾਰ ਰੱਖਣ ਦੀ ਗੱਲ ਆਖੀ ਹੈ। ਦਸ ਦਈਏ ਕਿ ਅੰਮ੍ਰਿਤਸਰ ਦੇ ਸੁਲਤਾਨਵਿੰਡ ਵਿਚ ਸਿੱਖਾਂ ਵਲੋਂ ਈਦ ਤੋਂ ਪਹਿਲਾਂ ਮਸਜਿਦ ਸਣੇ ਈਦਗ਼ਾਹ, ਕਬਰਿਸਤਾਨ ਅਤੇ ਮਦਰਸਿਆਂ ਨੂੰ ਸੈਨੇਟਾਈਜ ਕੀਤਾ ਗਿਆ। ਸਿੱਖਾਂ ਨੇ ਇਹ ਨੇਕ ਪਹਿਲ ਕਰਦਿਆਂ ਮੁਸਲਮਾਨਾਂ ਦੇ ਘਰਾਂ ਨੂੰ ਵੀ ਸੈਨੇਟਾਈਜ਼ ਕੀਤਾ।
File
ਇੰਨਾ ਹੀ ਨਹੀਂ ਈਦ ਦੇ ਪਵਿੱਤਰ ਤਿਉਹਾਰ ਮੌਕੇ ਸਿੱਖ ਮੁਸਲਮਾਨਾ ਲਈ ਖ਼ਜੂਰਾਂ ਅਤੇ ਰਾਸ਼ਨ ਦਾ ਸਮਾਨ ਲੈ ਕੇ ਆਏ। ਸੇਵਾ ਕਰਨ ਵਾਲੇ ਸਿੱਖਾਂ ਨੇ ਕਿਹਾ ਕਿ ਕੋਰੋਨਾ ਦੀ ਮਹਾਮਾਰੀ ਦੇ ਵਿਚਾਲੇ ਇਹ ਵੇਲਾ ਇਕੱਠੇ ਹੋ ਇਕ ਦੂਜੇ ਦੀ ਮਦਦ ਕਰਨ ਕਰਨੀ ਚਾਹੀਦੀ ਹੈ।
Sikh
ਇਸ ਮੌਕੇ ਮਸਜਿਦ ਦੇ ਮੌਲਵੀ ਨੇ ਸਿੱਖਾਂ ਦਾ ਧਨਵਾਦ ਕਰਦਿਆਂ ਕਿਹਾ ਕਿ ਸਿੱਖ ਭਰਾਵਾਂ ਨੇ ਈਦ ਨੂੰ ਧਿਆਨ ਵਿਚ ਰਖਦੇ ਹੋਏ ਮਸਜਿਦ ਸਮੇਤ ਕਈ ਹੋਰ ਸਥਾਨਾਂ ਸਮੇਤ ਮੁਸਲਮਾਨਾਂ ਦੇ ਘਰਾਂ ਨੂੰ ਵੀ ਸੈਨੇਟਾਈਜ਼ ਕੀਤਾ ਹੈ ਜਿਸ ਦੇ ਲਈ ਉਨ੍ਹਾਂ ਦੇ ਤਹਿ ਦਿਲੋਂ ਸ਼ੁਕਰਗੁਜ਼ਾਰ ਹਾਂ। ਉਨ੍ਹਾਂ ਕਿਹਾ ਕਿ ਸਿੱਖ ਸਰਬੱਤ ਦਾ ਭਲਾ ਮੰਗਣ ਵਾਲੀ ਕੌਮ ਹੈ ਜਿਸ ਦੀ ਉਦਹਾਰਨ ਅੱਜ ਉਨ੍ਹਾਂ ਪੇਸ਼ ਕਰ ਦਿਤੀ ਹੈ।
Sikh
ਉੱਥੇ ਹੀ ਮੌਲਵੀ ਨੇ ਕਿਹਾ ਸੀ ਕਿ ਸੋਸ਼ਲ ਡਿਸਟੈਂਸਿੰਗ ਦਾ ਵੀ ਧਿਆਨ ਰਖਾਂਗੇ ਤੇ ਕੋਰੋਨਾ ਤੋਂ ਬਚਣ ਦਾ ਹਰ ਵੁਪਰਾਲਾ ਕੀਤਾ ਜਾਵੇਗਾ। ਮੁਸਲਮਾਨਾਂ ਨੇ ਵੀ ਸਿੱਖ ਭਾਈਚਾਰੇ ਦੇ ਇਸ ਕਦਮ ਦੀ ਸ਼ਲਾਘਾ ਕਰਦਿਆਂ ਧਨਵਾਦ ਕੀਤਾ ਅਤੇ ਨਾਲ ਹੀ ਸਰਕਾਰ ਤੋਂ ਅਪੀਲ ਕੀਤੀ ਕਿ ਉਨ੍ਹਾਂ ਨੂੰ ਈਦ ਮੌਕੇ ਮਸਜਿਦ 'ਚ ਨਮਾਜ਼ ਅਦਾ ਕਰਨ ਦੀ ਇਜਾਜ਼ਤ ਦਿੱਤੀ ਜਾਵੇ। ਉਨ੍ਹਾਂ ਵਿਸ਼ਵਾਸ ਦਿਵਾਇਆ ਕਿ ਉਹ ਸਿਹਤ ਵਿਭਾਗ ਦੇ ਸਾਰੇ ਨਿਯਮਾਂ ਦੀ ਪਾਲਣਾ ਕਰਨਗੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
