ਕਰਨਾਟਕ ਵਿਚ ਜਨਤਾ ਦਲ (ਐਸ) ਅਤੇ ਕਾਂਗਰਸ ਗਠਜੋੜ ਦੀ ਸਰਕਾਰ ਛੇਤੀ ਡਿੱਗਣ ਦੇ ਭਾਜਪਾ ਦੇ ਦਾਅਵੇ ਨੂੰ ਖਾਰਜ ਕਰਦੇ ਹੋਏ ਸੀਨੀਅਰ ਕਾਂਗਰਸ ਨੇਤਾ...
ਬੈਂਗਲੁਰੂ : (ਭਾਸ਼ਾ) ਕਰਨਾਟਕ ਵਿਚ ਜਨਤਾ ਦਲ (ਐਸ) ਅਤੇ ਕਾਂਗਰਸ ਗਠਜੋੜ ਦੀ ਸਰਕਾਰ ਛੇਤੀ ਡਿੱਗਣ ਦੇ ਭਾਜਪਾ ਦੇ ਦਾਅਵੇ ਨੂੰ ਖਾਰਜ ਕਰਦੇ ਹੋਏ ਸੀਨੀਅਰ ਕਾਂਗਰਸ ਨੇਤਾ ਸਿੱਧਰਮਿਆ ਨੇ ਕਿਹਾ ਹੈ ਕਿ ਦੋਵਾਂ ਦਲਾਂ ਦਾ ਗਠਜੋੜ ਮਜ਼ਬੂਤ ਹੈ। ਸਰਕਾਰ ਮਜ਼ਬੂਤੀ ਦੇ ਨਾਲ ਕੰਮ ਕਰ ਰਹੀ ਹੈ ਅਤੇ ਦੋਵੇਂ ਦਲ ਮਿਲ ਕੇ ਲੋਕਸਭਾ ਦੀ ਚੋਣ ਲੜਣਗੇ। ਸਿੱਧਰਮਿਆ ਕਰਨਾਟਕ ਵਿਚ ਕਾਂਗਰਸ ਦੇ ਕੱਦਾਵਰ ਨੇਤਾ ਹਨ ਅਤੇ ਉਹ ਮੁੱਖ ਮੰਤਰੀ ਵੀ ਰਹਿ ਚੁਕੇ ਹੈ। ਦੋਵਾਂ ਦਲਾਂ ਦੀ ਕੋਆਰਡੀਨੇਸ਼ਨ ਕਮੇਟੀ ਦੇ ਮੁਖੀ ਸਿੱਧਰਮਿਆ ਨੇ ਅਪਣੇ ਅਤੇ ਉਪ ਮੁੱਖ ਮੰਤਰੀ ਜੀ ਪਰਮੇਸ਼ਵਰਾ ਵਿਚਕਾਰ ਕਿਸੇ ਤਰ੍ਹਾਂ ਦੇ ਮੱਤਭੇਦ ਤੋਂ ਇਨਕਾਰ ਕੀਤਾ।
G. Parameshwara
ਪਰਮੇਸ਼ਵਰਾ ਕਾਂਗਰਸ ਕੋਟੇ ਤੋਂ ਰਾਜ ਸਰਕਾਰ ਵਿਚ ਉਪ ਮੁੱਖ ਮੰਤਰੀ ਹਨ। ਸਿੱਧਰਮਿਆ ਨੇ ਕਿਹਾ ਕਿ ਭਾਜਪਾ ਵਿਰੋਧੀ ਧਿਰ ਵਿਚ ਬੈਠਣਾ ਨਹੀਂ ਚਾਹੁੰਦੀ ਅਤੇ ਉਹ ਰਾਜ ਵਿਚ ਕੰਮ ਵੀ ਨਹੀਂ ਹੋਣ ਦੇਣਾ ਚਾਹੁੰਦੀ। ਉਹ ਕੋਈ ਵੀ ਜੋੜ - ਤੋਡ਼ ਕਰ ਕੇ ਸੱਤਾ ਹਾਸਿਲ ਕਰਨਾ ਚਾਹੁੰਦੀ ਹੈ। ਬੁੱਧਵਾਰ ਨੂੰ ਅੱਠ ਵਾਰ ਦੇ ਭਾਜਪਾ ਵਿਧਾਇਕ ਉਮੇਸ਼ ਕੱਟੀ ਨੇ ਦਾਅਵਾ ਕੀਤਾ ਸੀ ਕਿ ਸੱਤਾਧਾਰੀ ਗਠਜੋੜ ਦੇ 15 ਵਿਧਾਇਕ ਉਨ੍ਹਾਂ ਦੇ ਸੰਪਰਕ ਵਿਚ ਹਨ ਅਤੇ ਅਗਲੇ ਹਫ਼ਤੇ ਐਚਡੀ ਕੁਮਾਰਸਵਾਮੀ ਡਿੱਗ ਜਾਵੇਗੀ। ਪ੍ਰਤੀਕਿਰਿਆ ਵਿਚ ਸਿੱਧਰਮਿਆ ਨੇ ਕਿਹਾ ਕਿ ਕੁੱਝ ਵੀ ਨਹੀਂ ਹੋਣ ਜਾ ਰਿਹਾ।
Congress And JDS
ਪ੍ਰਦੇਸ਼ ਸਰਕਾਰ ਅਪਣਾ ਕਾਰਜਕਾਲ ਪੂਰਾ ਕਰੇਗੀ। ਉਸ ਦੇ ਰਸਤੇ ਵਿਚ ਕੋਈ ਰੁਕਾਵਟ ਨਹੀਂ ਆਵੇਗੀ। ਕੁੱਝ ਜੇਡੀਐਸ ਨੇਤਾਵਾਂ ਦੇ ਇਸ ਬਿਆਨ 'ਤੇ ਕਿ ਉਨ੍ਹਾਂ ਦੀ ਪਾਰਟੀ ਰਾਜ ਵਿਚ ਇਕੱਲੇ ਲੋਕਸਭਾ ਚੋਣ ਲੜੇਗੀ। ਸਿੱਧਰਮਿਆ ਨੇ ਕਿਹਾ ਕਿ ਸਾਰੇ ਉਪਚੋਣਾਂ ਦੋਵਾਂ ਦਲਾਂ ਨੇ ਮਿਲ ਕੇ ਲੜੇ ਹਨ, 2019 ਦੀ ਲੋਕਸਭਾ ਚੋਣ ਵੀ ਮਿਲ ਕੇ ਲੜੀ ਜਾਵੇਗੀ। ਪਤਾ ਨਹੀਂ ਕੌਣ ਇਕੱਲੇ ਲੜਣ ਦੀ ਗੱਲ ਕਹਿ ਰਿਹਾ ਹੈ ਅਤੇ ਅਜਿਹਾ ਉਹ ਕਿਉਂ ਕਹਿ ਰਿਹਾ ਹੈ। ਰਾਜ ਵਿਚ ਦੋਵਾਂ ਦਲਾਂ ਵਿਚਕਾਰ ਸੀਟਾਂ ਦੀ ਵੰਡ 'ਤੇ ਗੱਲਬਾਤ ਹਾਲੇ ਪੂਰੀ ਨਹੀਂ ਹੋਈ ਹੈ।
