ਆਰਐਸਐਸ ਵਰਕਰ ਹਿੰਮਤ ਪਾਟੀਦਾਰ ਨੇ ਬੀਮੇ ਦੀ ਰਕਮ ਪਾਉਣ ਲਈ ਅਪਣੇ ਕਤਲ ਦੀ ਸਾਜਸ਼ ਰਚੀ ।
ਰਤਲਾਮ : ਮੱਧ ਪ੍ਰਦੇਸ਼ ਦੇ ਰਤਲਾਮ ਜ਼ਿਲੇ ਵਿਚ ਰਾਸ਼ਟਰੀ ਸਵੈ ਸੇਵੀ ਸੰਘ ਦੇ ਵਰਕਰ ਦੇ ਕਤਲ ਦੇ ਮਾਮਲੇ ਵਿਚ ਪੁਲਿਸ ਨੇ ਵੱਡਾ ਖੁਲਾਸਾ ਕੀਤਾ ਹੈ। ਪੁਲਿਸ ਨੇ ਜਾਂਚ ਵਿਚ ਪਾਇਆ ਕਿ ਆਰਐਸਐਸ ਵਰਕਰ ਹਿੰਮਤ ਪਾਟੀਦਾਰ ਨੇ ਬੀਮੇ ਦੀ ਰਕਮ ਪਾਉਣ ਲਈ ਅਪਣੇ ਕਤਲ ਦੀ ਸਾਜਸ਼ ਰਚੀ ਅਤੇ ਮਜ਼ਦੂਰ ਮਦਨ ਮਾਲਵੀਆ ਦਾ ਕਤਲ ਕਰ ਕੇ ਉਸ ਦੇ ਚਿਹਰੇ ਨੂੰ ਬੁਰੀ ਤਰ੍ਹਾਂ ਸਾੜ ਦਿਤਾ ਤਾਂ ਕਿ ਅਸਾਨੀ ਨਾਲ ਪਛਾਣ ਨਾ ਹੋ ਸਕੇ।
Himmat Patidar Murder Case
ਪੁਲਿਸ ਅਧਿਕਾਰੀ ਗੌਰਵ ਤਿਵਾੜੀ ਨੇ ਦੱਸਿਆ ਕਿ 23 ਜਨਵਰੀ ਨੂੰ ਬਿਲਪਾਂਕ ਥਾਣੇ ਦੇ ਕਮੇੜ ਪਿੰਡ ਦੇ ਖੇਤ ਵਿਚ ਇਕ ਨੌਜਵਾਨ ਦੀ ਲਾਸ਼ ਮਿਲੀ ਸੀ। ਜਿਸ ਨੂੰ ਹਿੰਮਤ ਪਾਟੀਦਾਰ ਦੀ ਲਾਸ਼ ਦੱਸਿਆ ਗਿਆ ਸੀ। ਹਿੰਮਤ ਦੇ ਪਰਵਾਰ ਵਾਲਿਆਂ ਨੇ ਵੀ ਪਛਾਣ ਕੀਤੀ। ਬਾਅਦ ਵਿਚ ਪੁਲਿਸ ਨੇ ਮਾਮਲੇ ਦੀ ਜਾਂਚ ਕੀਤੀ ਅਤੇ ਉਸ ਤੋਂ ਬਾਅਦ ਜੋ ਤੱਥ ਸਾਹਮਣੇ ਆਏ ਉਸ ਨਾਲ ਕਤਲ ਦਾ ਪੂਰਾ ਮਾਮਲਾ ਹੀ ਸ਼ੱਕੀ ਹੋ ਗਿਆ।
RSS worker murder issue
ਤਿਵਾੜੀ ਮੁਤਾਬਕ ਜਾਂਚ ਦੌਰਾਨ ਪੁਲਿਸ ਨੂੰ ਪਤਾ ਲਗਾ ਕਿ ਹਿੰਮਤ ਦੇ ਖੇਤ ਵਿਚ ਮਦਨ ਮਾਲਵੀਆ ਨਾਮ ਦਾ ਵਿਅਕਤੀ ਦੋ ਸਾਲਾਂ ਤੋਂ ਮਜ਼ਦੂਰੀ ਕਰਦਾ ਸੀ, ਜੋ ਕਿ 22 ਜਨਵਰੀ ਦੀ ਰਾਤ ਤੋਂ ਲਾਪਤਾ ਹੈ। ਜਦ ਲਾਸ਼ ਤੋਂ ਲਗਭਗ 500 ਮੀਟਰ ਦੂਰ ਬਰਾਮਦ ਹੋਏ ਉਸ ਦੇ ਕਪੜੇ ਅਤੇ ਚੱਪਲਾਂ ਨੂੰ ਜਦ ਮਦਨ ਦੇ ਪਿਤਾ ਨੂੰ ਦਿਖਾਇਆ ਗਿਆ ਤਾਂ ਉਹਨਾਂ ਨੇ ਉਸ ਦੀ ਪਛਾਣ ਕੀਤੀ ਅਤੇ ਇਸ ਨਾਲ ਮਾਮਲਾ ਹੋਰ ਗੰਭੀਰ ਹੋ ਗਿਆ।
Murder Case
ਤਿਵਾੜੀ ਨੇ ਦੱਸਿਆ ਕਿ ਜਦ ਮਾਮਲਾ ਸ਼ੱਕੀ ਹੋਇਆ ਤਾਂ ਪੁਲਿਸ ਨੇ ਮ੍ਰਿਤਕ ਦੇ ਕਪੜਿਆਂ ਅਤੇ ਹੋਰ ਸਮੱਗਰੀ ਨੂੰ ਪੋਸਟਮਾਰਟਮ ਤੋਂ ਬਾਅਦ ਸੁਰੱਖਿਅਤ ਰੱੱਖ ਲਿਆ ਸੀ। ਬਾਅਦ ਵਿਚ ਉਸ ਨੂੰ ਸਾਗਰ ਸਥਿਤ ਲੈਬ ਵਿਖੇ ਭੇਜਿਆ ਗਿਆ
Murder
ਜਿਥੇ ਜਾਂਚ ਵਿਚ ਪੁਸ਼ਟੀ ਹੋਈ ਕਿ ਲਾਸ਼ ਹਿੰਮਤ ਦੀ ਨਾ ਹੋ ਕੇ ਮਦਨ ਦੀ ਸੀ। ਹਿੰਮਤ ਇਸ ਵੇਲ੍ਹੇ ਫਰਾਰ ਹੈ ਅਤੇ ਉਸ ਦੀ ਭਾਲ ਕੀਤੀ ਜਾ ਰਹੀ ਹੈ। ਪੁਲਿਸ ਅਧਿਕਾਰੀ ਤਿਵਾੜੀ ਨੇ ਦੱਸਿਆ ਕਿ ਜਾਂਚ ਵਿਚ ਸਾਹਮਣੇ ਆਇਆ ਹੈ ਕਿ ਹਿੰਮਤ 'ਤੇ ਬਹੁਤ ਕਰਜ਼ ਸੀ ਅਤੇ ਉਸ ਨੇ ਦੰਸਬਰ 2018 ਵਿਚ ਅਪਣਾ ਬੀਮਾ ਕਰਵਾਇਆ ਸੀ।
