Advertisement
  ਖ਼ਬਰਾਂ   ਰਾਸ਼ਟਰੀ  28 Feb 2020  ਬੇਹਾਲ ਹੋਇਆ ਘਰੇਲੂ ਸ਼ੇਅਰ ਬਾਜ਼ਾਰ, ਨਿਵੇਸ਼ਕਾਂ ਨੂੰ ਲਗਿਆ ਪੰਜ ਲੱਖ ਕਰੋੜ ਤੋਂ ਵੱਧ ਦਾ ਚੂਨਾ

ਬੇਹਾਲ ਹੋਇਆ ਘਰੇਲੂ ਸ਼ੇਅਰ ਬਾਜ਼ਾਰ, ਨਿਵੇਸ਼ਕਾਂ ਨੂੰ ਲਗਿਆ ਪੰਜ ਲੱਖ ਕਰੋੜ ਤੋਂ ਵੱਧ ਦਾ ਚੂਨਾ

ਏਜੰਸੀ
Published Feb 28, 2020, 7:16 pm IST
Updated Feb 28, 2020, 7:16 pm IST
ਕੋਰੋਨਾਵਾਇਰਸ ਦੇ ਪ੍ਰਭਾਵ ਦੀਆਂ ਸ਼ੰਕਾਵਾਂ ਦਾ ਹੋਇਆ ਅਸਰ
file photo
 file photo

ਮੁੰਬਈ : ਆਲਮੀ ਅਰਥਚਾਰੇ 'ਤੇ ਕੋਰੋਨਾ ਵਿਸ਼ਾਣੂ ਦੇ ਪ੍ਰਭਾਵ ਦੇ ਅਸਰ ਦੀ ਸ਼ੰਕਾ ਕਾਰਨ ਆਲਮੀ ਪੱਧਰ 'ਤੇ ਜਾਰੀ ਕਾਰੋਬਾਰ ਵਿਚਾਲੇ ਸ਼ੁਕਰਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ ਵਿਚ ਸ਼ੇਅਰ ਬਾਜ਼ਾਰ ਵਿਚ 1,100 ਅੰਕ ਤੋਂ ਵੱਧ ਦੀ ਗਿਰਾਵਟ ਦਰਜ ਕੀਤੀ ਗਈ। ਇਸ ਭਾਰੀ ਗਿਰਾਵਟ ਕਾਰਨ ਸ਼ੁਕਰਵਾਰ ਨੂੰ ਕਾਰੋਬਾਰ ਦੇ ਕੁਝ ਹੀ ਦੇਰ ਵਿਚ ਨਿਵੇਸ਼ਕਾਂ ਨੂੰ ਪੰਜ ਲੱਖ ਕਰੋੜ ਰੁਪਏ ਤੋਂ ਵੱਧ ਦਾ ਨੁਕਸਾਨ ਹੋਇਆ।

PhotoPhoto

ਬੀਐਸਈ ਦਾ 30 ਸ਼ੇਅਰਾਂ ਵਾਲਾ ਸੰਵੇਦੀ ਸੂਚਕ ਅੰਕ ਸੈਂਸੇਕਸ ਸ਼ੁਰੂਆਤੀ ਕਾਰੋਬਾਰ ਵਿਚ 1163 ਅੰਕ ਭਾਵ 2.93 ਫ਼ੀ ਸਦੀ ਗਿਰ ਕੇ 38,582.66 ਅੰਕ 'ਤੇ ਚੱਲ ਰਿਹਾ ਸੀ। ਐਨਐਸਈ ਦਾ ਨਿਫ਼ਟੀ ਵੀ 350.35 ਭਾਵ 3.01 ਫ਼ੀ ਸਦੀ ਡਿੱਗ ਕੇ 11,282.95 ਅੰਕ 'ਤੇ ਚੱਲ ਰਿਹਾ ਸੀ। ਨਿਵੇਸ਼ਕਾਂ ਨੇ ਕਾਰੋਬਾਰ ਦੇ ਕੁੱਝ ਹੀ ਦੇਰ ਵਿਚ 4,65,915.58 ਕਰੋੜ ਰੁਪਏ ਗਵਾ ਦਿਤੇ ਸਨ।

PhotoPhoto

ਸੈਂਸੇਕਸ ਦੀਆਂ ਸਾਰੀਆਂ 30 ਕੰਪਨੀਆਂ ਦੇ ਸ਼ੇਅਰ ਗਿਰਾਵਟ ਵਿਚ ਚੱਲ ਰਹੇ ਸਨ। ਟਾਟਾ ਸਟੀਲ, ਟੇਕ ਮਹਿੰਦਰਾ, ਇਨਫ਼ੋਸਿਸ, ਮਹਿੰਦਰਾ ਐਂਡ ਮਹਿੰਦਰਾ, ਬਜਾਜ ਫ਼ਾਈਨੈਂਸ, ਐਸਸੀਐਲ ਟੇਕ ਅਤੇ ਰੀਲਾਇੰਸ ਇੰਡਸਟਰੀਜ਼ ਵਿਚ ਅੱਠ ਫ਼ੀ ਸਦੀ ਤਕ ਦੀ ਗਿਰਾਵਟ ਦੇਖਣ ਨੂੰ ਮਿਲੀ।

PhotoPhoto

ਵੀਰਵਾਰ ਨੂੰ ਸੈਂਸੇਕਸ 143.30 ਅੰਕ ਭਾਵ 0.36 ਫ਼ੀ ਸਦੀ ਗਿਰ ਕੇ 39,745.66 ਅੰਕ 'ਤੇ ਅਤੇ ਨਿਫ਼ਟੀ 45.20 ਅੰਕ ਭਾਵ 0.39 ਫ਼ੀ ਸਦੀ ਟੁੱਟ ਕੇ 11,633.30 ਅੰਕ 'ਤੇ ਬੰਦ ਹੋਇਆ ਸੀ।

PhotoPhoto

ਮਾਹਰਾਂ ਅਨੁਸਾਰ ਨਿਵੇਸ਼ਕਾਂ ਦਾ ਪਿਛਲੇ ਹਫ਼ਤੇ ਤਕ ਮੰਨਣਾ ਸੀ ਕਿ ਜੇਕਰ ਚੀਨ ਨੇ ਕੋਰੋਨਾ ਵਿਸ਼ਾਣੂ ਦੇ ਪ੍ਰਭਾਵ 'ਤੇ ਕਾਬੂ ਪਾ ਲਿਆ ਤਾਂ ਆਲਮੀ ਅਰਥਚਾਰੇ 'ਤੇ ਇਸ ਮਹਾਂਮਾਰੀ ਦਾ ਮਾਮੂਲੀ ਅਸਰ ਪਵੇਗਾ ਪਰ ਪ੍ਰਭਾਵਤ ਲੋਕਾਂ ਦੇ ਨਵੇਂ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਨਿਵੇਸ਼ਕਾਂ ਦਾ ਵਿਚਾਰ ਬਦਲ ਗਿਆ ਹੈ ਅਤੇ ਉਹ ਆਰਥਕ ਨਰਮੀ ਨੂੰ ਲੈ ਕੇ ਚਿੰਤਤ ਹੋ ਗਏ ਹਨ।

PhotoPhoto

ਏਸ਼ੀਆਈ ਬਾਜ਼ਾਰਾਂ ਵਿਚ ਚੀਨ ਦੇ ਸ਼ੰਘਾਈ ਕੰਪੋਜ਼ਿਟ, ਹਾਂਗਕਾਂਗ ਦੇ ਹੈਂਗਸੇਂਗ, ਦਖਣੀ ਕੋਰੀਆ ਦੇ ਕੋਸਪੀ ਅਤੇ ਜਾਪਾਨ ਦੇ ਨਿੱਕੀ ਵਿਚ ਚਾਰ ਫ਼ੀ ਸਦੀ ਤਕ ਦੀ ਗਿਰਾਵਟ ਚੱਲ ਰਹੀ ਸੀ। ਅਮਰੀਕਾ ਦਾ ਹਾਉ ਜੋਨਸ ਇੰਡਸਟਰੀਅਲ ਐਵਰੇਜ ਵੀਰਵਾਰ ਨੂੰ 1,190.95 ਅੰਕ ਡਿੱਗ ਕੇ ਬੰਦ ਹੋਇਆ ਸੀ। ਇਹ ਸਾਉ ਜੋਨਸ ਦੇ ਇਤਿਹਾਸ ਵਿਚ ਸੱਭ ਤੋਂ ਵੱਡੀ ਇਕ ਰੋਜ਼ਾ ਗਿਰਾਵਟ ਹੈ।

Advertisement
Advertisement
Advertisement