ਮੋਦੀ ਨੂੰ ਪੰਜ ਅਤੇ ਰਾਹੁਲ ਨੂੰ ਛੇ ਵਾਰ ਮਿਲਿਆ ਇਨਕਮ ਟੈਕਸ ਰਿਫ਼ੰਡ
Published : Apr 28, 2019, 8:37 pm IST
Updated : Apr 28, 2019, 8:37 pm IST
SHARE ARTICLE
Narendra Modi & Rahul Gandhi
Narendra Modi & Rahul Gandhi

ਕਿਸੇ ਵੀ ਵਿਅਕਤੀ ਦੇ ਪੈਨ ਕਾਰਡ ਦੇ ਆਧਾਰ 'ਤੇ ਉਸ ਦੇ ਰਿਫ਼ੰਡ ਦਾ ਵੇਰਵਾ ਮਿਲ ਸਕਦੈ

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਪਿਛਲੇ 18 ਸਾਲਾਂ ਵਿਚ ਲਗਭਗ ਪੰਜ ਵਾਰ ਇਨਕਮ ਟੈਕਸ ਰਿਫ਼ੰਡ ਮਿਲਿਆ ਹੈ ਜਦਕਿ ਇਸੇ ਸਮੇਂ ਦੌਰਾਨ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਛੇ ਵਾਰ ਇਨਕਮ ਟੈਕਸ ਰਿਫ਼ੰਡ ਮਿਲਿਆ ਹੈ। ਇਨਕਮ ਟੈਕਸ ਵਿਭਾਗ ਦੇ ਟੈਕਸ ਸੂਚਨਾ ਨੈਟਵਰਕ ਵਲੋਂ ਰਿਫ਼ੰਡ ਦੀ ਸਥਿਤੀ 'ਤੇ ਆਨਲਾਈਨ ਦਿਤੀ ਜਾਣ ਵਾਲੀ ਸਹੂਲਤ ਰਾਹੀਂ ਇਹ ਜਾਣਕਾਰੀ ਮਿਲੀ ਹੈ। ਇਸ ਰਾਹੀਂ ਸਾਲ 2001-02 ਦੇ ਬਾਅਦ ਤੋਂ ਕਿਸੇ ਵੀ ਵਿਅਕਤੀ ਦੇ ਪੈਨ ਕਾਰਡ ਦੇ ਆਧਾਰ 'ਤੇ ਉਸ ਦੇ ਰਿਫ਼ੰਡ ਦਾ ਵੇਰਵਾ ਮਿਲ ਸਕਦਾ ਹੈ।

Income Tax Department modified format form-16 filing ITR 2018-19 atamIncome Tax

ਇਹ ਪੈਨ ਨੰਬਰ ਲੋਕ ਸਭਾ ਚੋਣਾਂ ਲਈ ਇਨ੍ਹਾਂ ਆਗੂਆਂ ਵਲੋਂ ਦਿਤੇ ਗਏ ਹਲਫ਼ਨਾਮੇ ਤੋਂ ਹਾਸਲ ਕੀਤੇ ਗਏ ਹਨ। ਰਾਹੁਲ ਗਾਂਧੀ ਦੀ ਮਾਤਾ ਤੇ ਕਾਂਗਰਸ ਦੀ ਸੀਨੀਅਰ ਨੇਤਾ ਸੋਨੀਆ ਗਾਂਧੀ ਨੂੰ ਵੀ ਸਾਲ 2001-02 ਤੋਂ ਲਗਭਗ ਪੰਜ ਵਾਰ ਇਹ ਰਿਫ਼ੰਡ ਮਿਲਿਆ ਹੈ ਹਾਲਾਂਕਿ ਉਨ੍ਹਾਂ ਦੇ ਰਿਫ਼ੰਡ ਨੂੰ ਕਿਸੇ ਵੀ ਬਕਾਇਆ ਮੰਗ ਵਿਚ ਸ਼ਾਮਲ ਨਹੀਂ ਕੀਤਾ ਗਿਆ। ਭਾਜਪਾ ਪ੍ਰਧਾਨ ਅਮਿਤ ਸ਼ਾਹ ਨੂੰ ਇਨ੍ਹਾਂ 18 ਸਾਲਾਂ ਦੌਰਾਨ ਸਿਰਫ਼ ਇਕ ਵਾਰ ਹੀ ਰਿਫ਼ੰਡ ਮਿਲਿਆ ਹੈ ਹਾਲਾਂਕਿ ਇਸ ਪੋਰਟਲ 'ਤੇ ਰਿਫ਼ੰਡ ਦੀ ਰਕਮ ਦਾ ਜ਼ਿਕਰ ਨਹੀਂ ਕੀਤਾ ਗਿਆ ਪਰ ਇਸ ਵਿਚ ਰਿਫ਼ੰਡ, ਚਾਲਾਨ ਨੰਬਰ ਤੇ ਭੁਗਤਾਨ ਦੇ ਜ਼ਰੀਏ ਦਾ ਜ਼ਿਕਰ ਕੀਤਾ ਗਿਆ ਹੈ। 

Rahul & ModiRahul & Modi

ਰਿਕਾਰਡ ਮੁਤਾਬਕ, ਮੋਦੀ ਨੂੰ 2018-19 ਲਈ ਰਿਫ਼ੰਡ 26 ਸਤੰਬਰ, 2018 ਨੂੰ ਸਿੱਧੇ ਉਨ੍ਹਾਂ ਦੇ ਖਾਤੇ ਵਿਚ ਮਿਲਿਆ। ਇਸੇ ਸਾਲ ਸੋਨੀਆ ਨੂੰ 6 ਅਕਤੂਬਰ 2018 ਨੂੰ ਅਤੇ ਰਾਹੁਲ ਗਾਂਧੀ ਨੂੰ 26 ਮਾਰਚ 2019 ਨੂੰ ਇਹ ਰਿਫ਼ੰਡ ਮਿਲਿਆ। ਇਨ੍ਹਾਂ ਵਿਚ ਦਿਲਚਸਪ ਗੱਲ ਇਹ ਹੈ ਕਿ ਰਾਹੁਲ ਅਤੇ ਸੋਨੀਆ ਗਾਂਧੀ ਨੇ ਲੋਕ ਸਭਾ ਚੋਣਾਂ ਲਈ ਅਪਣੇ ਹਲਫ਼ਨਾਮੇ ਵਿਚ ਕਿਹਾ ਹੈ ਕਿ ਇਨਕਮ ਟੈਕਸ ਵਿਭਾਗ ਨੇ ਸਾਲ 2011-12 ਲਈ ਉਨ੍ਹਾਂ ਵਿਰੁਧ ਮੁੜ ਆਕਲਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿਤੀ ਹੈ ਅਤੇ ਵਿਭਾਗ ਨੇ 31 ਦਸੰਬਰ 2018 ਨੂੰ ਟੈਕਸ ਮੰਗ ਲਈ ਮੁੜ ਆਕਲਨ ਦਾ ਨਿਰਦੇਸ਼ ਦਿਤਾ ਹੈ। ਇਨਕਮ ਟੈਕਸ ਵਿਭਾਗ ਦੀ ਇਸ ਪ੍ਰਕਿਰਿਆ ਨੂੰ ਸੁਪਰੀਮ ਕੋਰਟ ਵਿਚ ਚੁਨੌਤੀ ਦਿਤੀ ਗਈ ਹੈ।

Location: India, Delhi, New Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM
Advertisement