ਮੁੰਬਈ ਦੇ ਰਿਹਾਇਸ਼ੀ ਇਲਾਕੇ ਵਿਚ ਵੀਰਵਾਰ ਨੂੰ ਇੱਕ ਚਾਰਟਰਡ ਪਲੇਨ ਦੁਰਘਟਨਾਗ੍ਰਸਤ ਹੋ ਗਿਆ।
ਮੁੰਬਈ, ਮੁੰਬਈ ਦੇ ਰਿਹਾਇਸ਼ੀ ਇਲਾਕੇ ਵਿਚ ਵੀਰਵਾਰ ਨੂੰ ਇੱਕ ਚਾਰਟਰਡ ਪਲੇਨ ਦੁਰਘਟਨਾਗ੍ਰਸਤ ਹੋ ਗਿਆ। ਦੱਸ ਦਈਏ ਕੇ ਇਸ ਦਰਦਨਾਕ ਹਾਦਸੇ ਵਿਚ ਪੰਜ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 2 ਹੋਰ ਜਖ਼ਮੀ ਹੋ ਗਏ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਜਹਾਜ਼ ਘਾਟਕੋਪਰ ਦੇ ਰਿਹਾਇਸ਼ੀ ਇਲਾਕੇ ਵਿਚ ਡਿਗਿਆ।
ਜਾਣਕਾਰੀ ਦੇ ਮੁਤਾਬਕ ਜਹਾਜ਼ ਜਾਗ੍ਰਤੀ ਬਿਲਡਿੰਗ ਦੇ ਨੇੜੇ ਇੱਕ ਉਸਾਰੀ ਅਧੀਨ ਇਮਾਰਤ ਦੇ ਕੋਲ ਗਿਰਿਆ ਹੈ। ਇਸ ਵਿਚ ਸਿਵਲ ਏਵਿਏਸ਼ਨ ਡਿਪਾਰਟਮੇਂਟ ਨੇ ਜਹਾਜ਼ ਦਾ ਉੱਤਰ ਪ੍ਰਦੇਸ਼ ਸਰਕਾਰ ਦੇ ਹੋਣ ਦਾ ਦਾਅਵਾ ਗਲਤ ਦੱਸਿਆ ਹੈ।
ਦੱਸ ਦਈਏ ਕਿ ਜਹਾਜ਼ ਦੁਰਘਟਨਾ ਤੋਂ ਬਾਅਦ ਕਿਹਾ ਜਾ ਰਿਹਾ ਸੀ ਕਿ ਮੁੰਬਈ ਵਿਚ ਕਰੈਸ਼ ਹੋਇਆ ਜਹਾਜ਼ ਯੂਪੀ ਸਰਕਾਰ ਦਾ VT - UPZ, ਕਿੰਗ ਏਅਰ C90 ਜਹਾਜ਼ ਹੈ। ਹਾਲਾਂਕਿ ਸਿਵਲ ਏਵਿਏਸ਼ਨ ਡਿਪਾਰਟਮੇਂਟ ਨੇ ਸਾਫ਼ ਕਰ ਦਿੱਤਾ ਹੈ ਕਿ ਕਰੈਸ਼ ਹੋਇਆ ਜਹਾਜ਼ ਯੂਪੀ ਸਰਕਾਰ ਦਾ ਨਹੀਂ ਹੈ, ਪ੍ਰਸ਼ਾਸ਼ਨ ਮੁਤਾਬਕ ਯੂਪੀ ਦੇ ਸਾਰੇ ਜਹਾਜ਼ ਰਾਜ ਵਿਚ ਮੌਜੂਦ ਹਨ। ਉੱਤਰ ਪ੍ਰਦੇਸ਼ ਸਰਕਾਰ ਨੇ ਆਪਣੇ ਆਧਿਕਾਰਿਕ ਬਿਆਨਾਂ ਵਿਚ ਕਿਹਾ ਹੈ ਕਿ ਇਹ ਜਹਾਜ਼ 2014 ਤਕ ਉੱਤਰ ਪ੍ਰਦੇਸ਼ ਸਰਕਾਰ ਦੇ ਕੋਲ ਸੀ, ਪਰ 2014 ਵਿਚ ਇਹ ਵੇਚਿਆ ਗਿਆ ਸੀ।
ਮੁੰਬਈ ਦੀ ਇੱਕ ਕੰਪਨੀ ਨੇ ਇਸਨੂੰ ਖਰੀਦਿਆ ਸੀ। ਕਿਹਾ ਜਾ ਰਿਹਾ ਹੈ ਕਿ ਜਹਾਜ਼ ਦੇ ਮਲਵੇ ਉੱਤੇ ਮਿਲੇ ਨਿਸ਼ਾਨਾਂ ਦੀ ਵਜ੍ਹਾ ਨਾਲ ਇਸ ਨੂੰ ਯੂਪੀ ਸਰਕਾਰ ਦਾ ਦੱਸਿਆ ਗਿਆ। ਦੱਸ ਦਈਏ ਕਿ ਜਹਾਜ਼ ਵਿਚ 2 ਪਾਇਲਟ ਅਤੇ 2 ਟੇਕਨਿਸ਼ਿਅਨ ਕੁਲ 4 ਲੋਕ ਸਵਾਰ ਸਨ।
ਹਾਦਸੇ ਵਿਚ ਇਨ੍ਹਾਂ 4 ਲੋਕਾਂ ਦੀ ਮੌਤ ਹੋ ਗਈ ਹੈ। ਜਦਕਿ ਇੱਕ ਰਾਹਗੀਰ ਵੀ ਪਲੇਨ ਕਰੈਸ਼ ਦੀ ਚਪੇਟ ਵਿਚ ਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਜਿਸ ਇਲਾਕੇ ਵਿਚ ਜਹਾਜ਼ ਗਿਰਿਆ ਹੈ, ਇਹ ਵਿਅਕਤੀ ਉਸ ਇਲਾਕੇ ਵਿਚੋਂ ਨਿਕਲ ਰਿਹਾ ਸੀ।
ਖਬਰ ਮਿਲਦੇ ਹੀ ਫਾਇਰ ਬ੍ਰਿਗੇਡ ਦੀਆਂ ਕਈ ਗੱਡੀਆਂ ਅਤੇ ਐਂਬੂਲੈਂਸ ਘਟਨਾ ਸਥਾਨ ਉੱਤੇ ਪਹੁੰਚੇ। ਫਿਲਹਾਲ ਅੱਗ ਉੱਤੇ ਕਾਬੂ ਪਾ ਲਿਆ ਗਿਆ ਹੈ। ਮੁੰਬਈ ਪੁਲਿਸ ਨੇ ਘਟਨਾ ਦੀ ਜਾਂਚ ਦੀ ਗੱਲ ਕਹੀ ਹੈ।
ਜਹਾਜ਼ ਦੇ ਕਰੈਸ਼ ਹੋਣ ਦੇ ਕਾਰਨਾਂ ਦਾ ਹਲੇ ਪਤਾ ਨਹੀਂ ਲਗਾਇਆ ਜਾ ਸਕਿਆ। ਇਹ ਜਹਾਜ਼ ਹਾਦਸਾ ਵੀਰਵਾਰ ਦੁਪਹਿਰ ਕਰੀਬ 1.13 ਵਜੇ ਹੋਇਆ। ਮਿਲੀ ਜਾਣਕਾਰੀ ਅਨੁਸਾਰ ਜਹਾਜ਼ ਜੁਹੂ ਏਅਰਪੋਰਟ ਦੇ ਵੱਲ ਜਾ ਰਿਹਾ ਸੀ, ਜਹਾਜ਼ ਦੇ ਕਰੈਸ਼ ਹੁੰਦੇ ਹੀ ਅਚਾਨਕ ਉਸ ਨੂੰ ਅੱਗ ਲੱਗ ਗਈ ਅਤੇ ਜਹਾਜ਼ ਸਿੱਧਾ ਘਾਟਕੋਪਰ ਇਲਾਕੇ ਦੀ ਜਾਗ੍ਰਤੀ ਬਿਲਡਿੰਗ ਦੇ ਕੋਲ ਇੱਕ ਉਸਾਰੀ ਅਧੀਨ ਸਾਈਟ ਉੱਤੇ ਜਾ ਗਿਰਿਆ।