ਇੰਗਲੈਂਡ ਵਿਚ ਖੇਡੇ ਜਾ ਰਹੇ ਵਿਸ਼ਵ ਕੱਪ ਦਾ ਰੁਮਾਂਚ ਹੁਣ ਆਪਣੇ ਅੰਤਿਮ ਪੜਾਅ 'ਤੇ ਹੈ। ਅਫ਼ਗਾਨਿਸਤਾਨ ਅਤੇ ਦੱਖਣੀ ਅਫ਼ਰੀਕਾ ਵਿਸ਼ਵ ਕੱਪ
ਨਵੀਂ ਦਿੱਲੀ : ਇੰਗਲੈਂਡ ਵਿਚ ਖੇਡੇ ਜਾ ਰਹੇ ਵਿਸ਼ਵ ਕੱਪ ਦਾ ਰੁਮਾਂਚ ਹੁਣ ਆਪਣੇ ਅੰਤਿਮ ਪੜਾਅ 'ਤੇ ਹੈ। ਅਫ਼ਗਾਨਿਸਤਾਨ ਅਤੇ ਦੱਖਣੀ ਅਫ਼ਰੀਕਾ ਵਿਸ਼ਵ ਕੱਪ ਦੇ 12ਵੇਂ ਸੀਜਨ ਦੇ ਸੈਮੀਫਾਇਨਲ ਦੀ ਰੇਸ ਤੋਂ ਬਾਹਰ ਹੋ ਗਏ ਹਨ। ਪਾਕਿਸਤਾਨ ਅਤੇ ਇੰਗਲੈਂਡ ਸਮੇਤ ਕਈ ਟੀਮਾਂ ਸੈਮੀਫਾਇਨਲ ਦੀ ਦੋੜ ਵਿਚ ਬਣੇ ਰਹਿਣ ਲਈ ਲੜਾਈ ਲੜ ਰਹੀਆਂ ਹਨ। ਇਸ ਵਿਚ ਪਾਕਿਸਤਾਨ ਦੇ ਸਾਬਕਾ ਖਿਡਾਰੀ ਬਾਸਿਤ ਅਲੀ ਨੇ ਟੂਰਨਾਮੈਂਟ ਨੂੰ ਲੈ ਕੇ ਇਕ ਅਜੀਬੋਗਰੀਬ ਬਿਆਨ ਦਿੱਤਾ ਹੈ, ਜਿਸਨੂੰ ਲੈ ਕੇ ਹੁਣ ਹਲਚਲ ਮੱਚ ਗਈ ਹੈ।
Pakistan Cricket Team
ਬਾਸਿਤ ਅਲੀ ਨੇ ਇਕ ਪਾਕਿਸਤਾਨੀ ਚੈਨਲ ਨਾਲ ਗੱਲਬਾਤ ਵਿਚ ਕਿਹਾ ਕਿ ਕ੍ਰਿਕਟ ਹੁਣ ਅਨਿਸ਼ਚਿਤਤਾ ਖੇਡ ਨਹੀਂ ਰਹੀ ਬਲਕਿ ਸਭ ਕੁਝ ਫਿਕਸ ਹੈ। ਉਨ੍ਹਾਂ ਨੇ ਕਿਹਾ ਕਿ ਭਾਰਤ ਪਾਕਿਸਤਾਨੀ ਟੀਮ ਨੂੰ ਸੈਮੀਫਾਇਨਲ ਵਿਚ ਨਹੀਂ ਦੇਖਣਾ ਚਾਹੁੰਦੇ। ਇਸ ਲਈ ਭਾਰਤੀ ਟੀਮ ਜਾਣ ਬੁਝ ਕੇ ਬੰਗਲਾਦੇਸ਼ ਅਤੇ ਸ਼੍ਰੀਲੰਕਾ ਦੇ ਵਿਰੁਧ ਆਪਣੇ ਮੈਚ ਹਾਰ ਸਕਦੀ ਹੈ। ਅਜਿਹੇ ਵਿਚ ਪਾਕਿਸਤਾਨ ਅਤੇ ਭਾਰਤ ਦੇ ਵਿਚ ਸੈਮੀਫਾਇਨਲ ਦੀ ਰੇਸ ਦੇਖਣ ਨੂੰ ਮਿਲੇਗੀ।
India Cricket Team
ਪਾਕਿਸਤਾਨ ਦੀ ਇਸ ਵਿਸ਼ਵ ਕੱਪ ਵਿਚ ਸ਼ੁਰੂਆਤ ਬੇਹੱਦ ਹੀ ਖ਼ਰਾਬ ਰਹੀ। ਸੱਤ ਮੈਚਾਂ ਵਿਚੋਂ ਤਿੰਨ ਜਿੱਤ ਕੇ ਉਹ ਵਰਲਡ ਕੱਪ ਦੀ ਸਾਰਣੀ 'ਚ ਛੇਵੇਂ ਸਥਾਨ 'ਤੇ ਹੈ। ਬੁੱਧਵਾਰ ਨੂੰ ਹੋਏ ਮੁਕਾਬਲੇ ਵਿਚ ਉਸਨੇ ਨਿਊਜੀਲੈਂਡ ਨੂੰ ਮਾਤ ਦੇ ਕੇ ਸੈਮੀਫਾਇਨਲ ਲਈ ਆਪਣੀਆਂ ਉਮੀਦਾਂ ਬਰਕਰਾਰ ਰੱਖੀਆਂ ਹਨ।
Basit Ali
ਬਾਸਿਤ ਅਲੀ ਨੇ ਇਹ ਵੀ ਇਲਜ਼ਾਮ ਲਗਾਇਆ ਕਿ 1992 ਦੇ ਵਿਸ਼ਵ ਕੱਪ ਵਿਚ ਨਿਊਜੀਲੈਂਡ ਦੀ ਟੀਮ ਚੈਂਪੀਅਨ ਬਨਣ ਵਾਲੀ ਪਾਕਿਸਤਾਨ ਟੀਮ ਤੋਂ ਇਸ ਲਈ ਹਾਰ ਗਈ ਸੀ ਤਾਂ ਕੀ ਉਹ ਸੈਮੀਫਾਇਨਲ ਆਪਣੀ ਜ਼ਮੀਨ 'ਤੇ ਖੇਡ ਸਕਣ। ਦੱਸ ਦਈਏ ਕਿ ਪਾਕਿਸਤਾਨ ਦੇ ਸਾਬਕਾ ਖਿਡਾਰੀ ਬਾਸਿਤ ਅਲੀ ਦਾ ਕਰੀਅਰ ਬੇਹੱਦ ਹੀ ਛੋਟਾ ਰਿਹਾ ਹੈ। ਮੈਚ ਫਿਕਸਿੰਗ ਵਿਚ ਨਾਮ ਆਉਣ ਤੋਂ ਬਾਅਦ ਬਾਸਿਤ ਨੂੰ ਮਜ਼ਬੂਰੀ ਵਿਚ 26 ਸਾਲ ਦੀ ਉਮਰ 'ਚ ਕ੍ਰਿਕਟ ਤੋਂ ਸੰਨਿਆਸ ਲੈਣਾ ਪਿਆ ਸੀ।
