ਪੱਛਮ ਬੰਗਾਲ ਵਿਚ ਭਾਜਪਾ ਵਰਕਰਾਂ ਦੀ ਹੱਤਿਆ ਦਾ ਸਿਲਸਿਲਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਹੁਣ ਪੱਛਮੀ ਬੰਗਾਲ ਦੇ ਦੱਖਣ 24 ਪਰਗਨਾ ਜ਼ਿਲ੍ਹੇ ਦੇ ਮੰਦਰ ਬਜ਼ਾਰ...
ਕੋਲਕੱਤਾ : ਪੱਛਮ ਬੰਗਾਲ ਵਿਚ ਭਾਜਪਾ ਵਰਕਰਾਂ ਦੀ ਹੱਤਿਆ ਦਾ ਸਿਲਸਿਲਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਹੁਣ ਪੱਛਮੀ ਬੰਗਾਲ ਦੇ ਦੱਖਣ 24 ਪਰਗਨਾ ਜ਼ਿਲ੍ਹੇ ਦੇ ਮੰਦਰ ਬਜ਼ਾਰ ਇਲਾਕੇ ਵਿਚ ਕੁੱਝ ਅਣਪਛਾਤੇ ਸ਼ਰਾਰਤੀ ਤੱਤਾਂ ਨੇ ਭਾਜਪਾ ਦੇ ਇਕ ਸਥਾਨਕ ਵਰਕਰ ਦੀ ਹੱਤਿਆ ਕਰ ਦਿਤੀ। ਭਾਜਪਾ ਨੇ ਦੋਸ਼ ਲਗਾÎਇਆ ਹੈ ਕਿ ਤ੍ਰਿਣਮੂਲ ਕਾਂਗਰਸ ਦੇ ਲੋਕਾਂ ਨੇ ਸਰਦਾਰ ਦੀ ਹੱਤਿਆ ਕੀਤੀ ਹੈ। ਹਾਲਾਂਕਿ ਤ੍ਰਿਣਮੂਲ ਨੇ ਉਨ੍ਹਾਂ ਦੋਸ਼ਾਂ ਨੂੰ ਖਾਰਜ ਕੀਤਾ ਹੈ। ਇਹੀ ਨਹੀਂ, ਭਾਜਪਾ ਨੇ ਸਥਾਨਕ ਟੀਐਮਸੀ ਨੇਤਾਵਾਂ ਦੇ ਵਿਰੁਧ ਸ਼ਿਕਾਇਤ ਵੀ ਦਰਜ ਕਰਵਾ ਦਿਤੀ ਹੈ।
ਪੁਲਿਸ ਨੇ ਸਨਿਚਰਵਾਰ ਨੂੰ ਦਸਿਆ ਕਿ ਭਾਜਪਾ ਦੀ ਮੰਦਰ ਬਜ਼ਾਰ ਧਾਨੁਰਹਾਟ ਇਲਾਕੇ ਦੀ ਮੰਡਲ ਕਮੇਟੀ ਦੇ ਸਕੱਤਰ ਸ਼ਕਤੀਪਦਾ ਸਰਦਾਰ (45) ਸ਼ੁਕਰਵਾਰ ਨੂੰ ਘਰ ਪਰਤ ਰਹੇ ਸਨ, ਉਸੇ ਦੌਰਾਨ ਸ਼ਰਾਰਤੀ ਤੱਤਾਂ ਨੇ ਉਨ੍ਹਾਂ 'ਤੇ ਧਾਰਦਾਰ ਹਥਿਆਰ ਨਾਲ ਹਮਲਾ ਕੀਤਾ ਅਤੇ ਸੜਕ 'ਤੇ ਹੀ ਛੱਡ ਦਿਤਾ। ਸਥਾਨਕ ਲੋਕਾਂ ਨੇ ਸਰਦਾਰ ਨੂੰ ਜ਼ਮੀਨ 'ਤੇ ਪਿਆ ਹੋਇਆ ਦੇਖਿਆ।
ਉਸ ਦੇ ਸਰੀਰ ਤੋਂ ਖ਼ੂਨ ਵਹਿ ਰਿਹਾ ਸੀ। ਲੋਕਾਂ ਨੇ ਉਨ੍ਹਾਂ ਨੂੰ ਤੁਰਤ ਡਾਇਮੰਡ ਹਾਰਬਰ ਹਸਪਤਾਲ ਪਹੁੰਚਾਇਆ। ਸਥਿਤੀ ਖ਼ਰਾਬ ਹੋਣ 'ਤੇ ਹਸਪਤਾਲ ਨੇ ਉਨ੍ਹਾਂ ਨੂੰ ਕੋਲਕੱਤਾ ਦੇ ਇਕ ਹਸਪਤਾਲ ਵਿਚ ਰੈਫ਼ਰ ਕਰ ਦਿਤਾ ਪਰ ਹਸਪਤਾਲ ਲਿਜਾਂਦੇ ਸਮੇਂ ਉਸ ਨੇ ਦਮ ਤੋੜ ਦਿਤਾ। ਪੁਲਿਸ ਨੇ ਕਿਹਾ ਕਿ ਉਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਇਸ ਤੋਂ ਪਹਿਲਾਂ ਪੱਛਮ ਬੰਗਾਲ ਦੇ ਮੁਰਸ਼ਦਾਬਾਦ ਵਿਚ 54 ਸਾਲਾ ਦਲਿਤ ਭਾਜਪਾ ਵਰਕਰ ਧਰਮਰਾਜ ਹਜਰਾ ਦੀ ਹੱਤਿਆ ਹੋ ਗਈ ਸੀ। ਹਜ਼ਰਾ ਦੀ ਲਾਸ਼ ਮੁਰਸ਼ਦਾਬਾਦ ਵਿਚ ਸ਼ਕਤੀਪੁਰ ਪੁਲਿਸ ਸਟੇਸ਼ਨ ਦੇ ਅਧੀਨ ਪੈਂਦੇ ਤਲਦਾਂਗਾ ਪਿੰਡ ਦੇ ਇਕ ਤਲਾਬ ਵਿਚ ਤੈਰਦੀ ਹੋਈ ਮਿਲੀ ਸੀ।
ਭਾਜਪਾ ਵਰਕਰ ਹਜਰਾ ਦੇ ਹੱਥ ਰੱਸੀ ਨਾਲ ਬੰਨ੍ਹੇ ਹੋਏ ਸਨ। ਉਸ ਸਮੇਂ ਵੀ ਭਾਜਪਾ ਵਰਕਰਾਂ ਨੇ ਤ੍ਰਿਣਮੂਲ ਕਾਂਗਰਸ ਦੇ ਲੋਕਾਂ ਨੂੰ ਇਸ ਦੇ ਲਈ ਜ਼ਿੰਮੇਵਾਰ ਠਹਿਰਾਇਆ ਸੀ। ਹਜਰਾ ਸਥਾਨਕ ਭਾਜਪਾ ਦੀ ਕੋਰ ਕਮੇਟੀ ਦਾ ਮੈਂਬਰ ਸੀ ਅਤੇ ਪੰਚਾਇਤੀ ਚੋਣਾਂ ਤੋਂ ਬਆਦ ਉਸ ਨੂੰ ਲਗਾਤਾਰ ਧਮਕੀਆਂ ਮਿਲ ਰਹੀਆਂ ਸਨ। ਫਿਰ ਆਖ਼ਰਕਾਰ ਇਕ ਦਿਨ ਉਸ ਦੀ ਲਾਸ਼ ਤਲਾਬ ਵਿਚ ਤੈਰਦੀ ਹੋਈ ਮਿਲੀ ਸੀ। ਭਾਜਪਾ ਨੇ ਅਪਣੇ ਵਰਕਰਾਂ ਦੀਆਂ ਹੋ ਰਹੀਆਂ ਹੱਤਿਆਵਾਂ ਦੇ ਲਈ ਤ੍ਰਿਣਮੂਲ ਕਾਂਗਰਸ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ।