ਈ-ਕਾਮਰਸ ਕੰਪਨੀ ਐਮਾਜ਼ਾਨ ਦੇ ਮਾਲਕ ਜੈਫ਼ ਬੇਜੋਸ ਦੀ ਦੌਲਤ ਪਿਛਲੇ ਅੱਠ ਮਹੀਨਿਆਂ ਦੌਰਾਨ 110 ਕਰੋੜ ਰੁਪਏ ਪ੍ਰਤੀ ਘੰਟਾ ਵਧੀ ਹੈ।
ਨਵੀਂ ਦਿੱਲੀ - ਈ-ਕਾਮਰਸ ਕੰਪਨੀ ਐਮਾਜ਼ਾਨ ਦੇ ਮਾਲਕ ਜੈਫ਼ ਬੇਜੋਸ ਦੀ ਦੌਲਤ ਪਿਛਲੇ ਅੱਠ ਮਹੀਨਿਆਂ ਦੌਰਾਨ 110 ਕਰੋੜ ਰੁਪਏ ਪ੍ਰਤੀ ਘੰਟਾ ਵਧੀ ਹੈ। ਐਮਾਜ਼ਾਨ ਦੇ ਸੰਸਥਾਪਕ ਜੈਫ਼ ਬੇਜੋਸ ਨੇ ਖੁਦ ਕੋਰੋਨਾ ਯੁੱਗ ਵਿਚ ਕਈ ਦੇਸ਼ਾਂ ਦੀ ਜੀਡੀਪੀ ਨਾਲੋਂ ਕਈ ਗੁਣਾ ਵਧੇਰੇ ਕਮਾਈ ਕੀਤੀ ਹੈ। ਬੇਜ਼ੋਸ ਦੀ ਕੁੱਲ ਦੌਲਤ ਐਮਾਜ਼ਨ ਦੇ ਸ਼ੇਅਰਾਂ ਦੇ ਵਾਧੇ ਨਾਲ ਗੈਂਬੀਆ, ਐਂਟੀਗੁਆ, ਸੋਮਾਲੀਆ, ਸੇਂਟ ਕਿੱਟਸ ਸਮੇਤ ਕਈ ਦੇਸ਼ਾਂ ਦੇ ਜੀਡੀਪੀ ਨੂੰ ਪਾਰ ਕਰ ਗਈ ਹੈ।
Jeff Bezos
ਦਰਅਸਲ, ਬੇਜ਼ੋਸ ਦੀ ਜਾਇਦਾਦ ਇਸ ਸਾਲ ਦੀ ਸ਼ੁਰੂਆਤ ਤੋਂ $ 86 ਬਿਲੀਅਨ ਡਾਲਰ ਵਧੀ ਹੈ, ਐਮਾਜ਼ਾਨ ਦੇ ਸ਼ੇਅਰਾਂ ਵਿਚ 80 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ। ਇਸ ਤਰ੍ਹਾਂ ਉਸ ਨੇ ਹਰ ਘੰਟੇ ਵਿਚ 110 ਕਰੋੜ ਦੀ ਕਮਾਈ ਕੀਤੀ। ਇਸਦੇ ਨਾਲ, ਉਸਦੀ ਕੁੱਲ ਸੰਪਤੀ 204.6 ਬਿਲੀਅਨ ਡਾਲਰ ਹੋ ਗਈ ਹੈ। ਇਸ ਦੇ ਨਾਲ, ਬੇਜ਼ੋਸ 200 ਬਿਲੀਅਨ ਤੋਂ ਵੱਧ ਦੀ ਸੰਪਤੀ ਨਾਲ ਦੁਨੀਆਂ ਦਾ ਸਭ ਤੋਂ ਅਮੀਰ ਵਿਅਕਤੀ ਬਣ ਗਿਆ।
Jeff Bezos
2017 ਵਿਚ ਬੇਜੋਸ 100 ਬਿਲੀਅਨ ਦੇ ਕਲੱਬ ਵਿਚ ਸ਼ਾਮਲ ਹੋਇਆ। ਜੇ ਪਤਨੀ ਦਾ ਤਲਾਕ ਨਾ ਹੁੰਦਾ, ਤਾਂ ਬੇਜ਼ੋਸ ਨੇ 300 ਬਿਲੀਅਨ ਡਾਲਰ ਦਾ ਮਾਲਕ ਬਣ ਜਾਣਾ ਸੀ। ਇਸ ਦੇ ਨਾਲ ਹੀ ਬੇਜੋਸ ਦੀ ਸਾਬਕਾ ਪਤਨੀ ਮੈਕੈਂਜ਼ੀ ਸਕੌਟ ਵੀ ਅਮਰੀਕਾ ਦੇ ਸਟਾਕ ਬਾਜ਼ਾਰਾਂ ਵਿਚ ਦੁਨੀਆ ਦੀ ਸਭ ਤੋਂ ਅਮੀਰ ਔਰਤ ਬਣਨ ਦੇ ਨੇੜੇ ਆ ਗਈ ਹੈ।
amazon
ਬੇਜੋਸ ਨੇ ਐਮਾਜ਼ਾਨ ਵਿਚ ਆਪਣੀ 25% ਹਿੱਸੇਦਾਰੀ ਤਲਾਕ ਸਮੇਂ ਪਤਨੀ ਮੈਕੈਂਜ ਨੂੰ ਦਿੱਤੀ। ਉਸ ਕੋਲ ਕਰੀਬ 63 ਬਿਲੀਅਨ ਡਾਲਰ ਦੀ ਜਾਇਦਾਦ ਹੈ। ਮੈਕੈਂਜ਼ੀ ਸਕੌਟ ਐਮਾਜ਼ਾਨ ਦੇ ਸ਼ੇਅਰਾਂ 'ਚ ਤੇਜ਼ੀ ਦੇ ਕਾਰਨ ਦੁਨੀਆ ਦੀ 14 ਵੀਂ ਸਭ ਤੋਂ ਅਮੀਰ ਅਤੇ ਦੂਜੀ ਸਭ ਤੋਂ ਅਮੀਰ ਔਰਤ ਬਣ ਗਈ ਹੈ। ਉਹ ਜਲਦੀ ਹੀ ਅਮੀਰ ਔਰਤ ਬਣ ਸਕਦੀ ਹੈ।
