ਨਰਸਰੀ ਦੇ ਲਈ ਉਪਰੀ ਉਮਰ ਹੱਦ ਚਾਰ ਸਾਲ ਤੋਂ ਘੱਟ, ਕੇ.ਜੀ. ਲਈ ਪੰਜ ਸਾਲ ਤੋਂ ਘੱਟ ਅਤੇ ਪਹਿਲੀ ਕਲਾਸ ਵਿਚ ਦਾਖਲੇ ਦੇ ਲਈ 6 ਸਾਲ ਤੋਂ ਘੱਟ ਦੀ ਉਮਰ ਨਿਰਧਾਰਤ ਕੀਤੀ ਹੈ।
ਨਵੀਂ ਦਿੱਲੀ, ( ਪੀਟੀਆਈ ) : ਅਗਲੇ ਮਹੀਨੇ ਮਿਤੀ 15 ਦਸੰਬਰ ਤੋਂ ਨਵੀਂ ਦਿੱਲੀ ਦੇ 1600 ਸਕੂਲਾਂ ਵਿਚ ਨਰਸਰੀ ਦੇ ਦਾਖਲੇ ਦੀ ਪ੍ਰਕਿਰਿਆ ਚਾਲੂ ਹੋ ਜਾਵੇਗੀ। ਅਰਜ਼ੀਆਂ ਜਮ੍ਹਾਂ ਕਰਵਾਉਣ ਦੀ ਆਖਰੀ ਤਰੀਕ 7 ਜਨਵਰੀ ਰੱਖੀ ਗਈ ਹੈ। ਦਿੱਲੀ ਸਰਕਾਰ ਦੇ ਸਿੱਖਿਆ ਡਾਇਰੈਕੋਰੇਟ ਨੇ ਇਸ ਦੇ ਲਈ ਇਕ ਵਿਸਤ੍ਰਤ ਪ੍ਰੋਗਰਾਮ ਜਾਰੀ ਕੀਤਾ ਹੈ, ਜਿਸ ਦੇ ਮੁਤਾਬਕ ਸਾਲ 2019-20 ਲਈ ਨਰਸਰੀ ਕਲਾਸ ਵਿਚ ਦਾਖਲੇ ਲਈ ਐਪਲੀਕੇਸ਼ਨ ਜਮ੍ਹਾਂ ਕਰਵਾਉਣ ਦੀ ਆਖਰੀ ਤਰੀਕ 7 ਜਨਵਰੀ ਰੱਖੀ ਗਈ ਹੈ।
Directorate of Education Delhi
ਸਰਕਾਰ ਨੇ ਨਰਸਰੀ ਦੇ ਲਈ ਉਪਰੀ ਉਮਰ ਹੱਦ ਚਾਰ ਸਾਲ ਤੋਂ ਘੱਟ, ਕੇ.ਜੀ. ਲਈ ਪੰਜ ਸਾਲ ਤੋਂ ਘੱਟ ਅਤੇ ਪਹਿਲੀ ਕਲਾਸ ਵਿਚ ਦਾਖਲੇ ਦੇ ਲਈ 6 ਸਾਲ ਤੋਂ ਘੱਟ ਦੀ ਉਮਰ ਨਿਰਧਾਰਤ ਕੀਤੀ ਹੈ। ਚੁਣੇ ਗਏ ਬੱਚਿਆਂ ਵੱਲੋਂ ਹਾਸਲ ਕੀਤੇ ਗਏ ਨੰਬਰਾਂ ਦੇ ਨਾਲ ਉਨ੍ਹਾਂ ਦੀ ਪਹਿਲੀ ਸੂਚੀ ਚਾਰ ਫਰਵਰੀ ਅਤੇ ਦੂਜੀ ਸੂਚੀ 21 ਜਨਵਰੀ ਨੂੰ ਜਾਰੀ ਕੀਤੀ ਜਾਵੇਗੀ। ਦਾਖਲੇ ਦੀ ਪ੍ਰਕਿਰਿਆ 31 ਮਾਰਚ ਨੂੰ ਖਤਮ ਹੋਵੇਗੀ।
Age Limit For Classes
ਪ੍ਰੀ-ਸਕੂਲ, ਪ੍ਰੀ-ਪ੍ਰਾਇਮਰੀ ਅਤੇ ਪਹਿਲੀ ਕਲਾਸ ਵਿਚ 25 ਫ਼ੀ ਸਦੀ ਸੀਟਾਂ ਆਰਥਿਕ ਤੌਰ 'ਤੇ ਕਮਜ਼ੋਰ ਅਤੇ ਵੰਡੇ ਹੋਏ ਸਮੂਹਾਂ ਲਈ ਰਾਂਖਵੀਆਂ ਹੋਣਗੀਆਂ। ਡਾਇਰੈਕਟੋਰੇਟ ਨੇ ਸਮੂਹ ਨਿਜੀ ਸਕੂਲਾਂ ਨੂੰ ਓਪਨ ਸੀਟਾਂ 'ਤੇ ਦਾਖਲੇ ਲਈ ਨਿਰਧਾਰਤ ਯੋਗਤਾਵਾਂ ਨੂੰ 14 ਦਸੰਬਰ ਤੱਕ ਅਪਣੀ-ਅਪਣੀ ਵੈਬਸਾਈਟ 'ਤੇ ਪਾਉਣ ਦਾ ਨਿਰਦੇਸ਼ ਦੇ ਦਿਤਾ ਹੈ। ਜ਼ਿਕਰਯੋਗ ਹੈ ਕਿ
ਉਪਰੀ ਉਮਰ ਹੱਦ ਦੇ ਮਤੇ ਨੂੰ ਪਿਛਲੇ ਸਾਲ ਅਦਾਲਤ ਵਿਚ ਚੁਣੌਤੀ ਦਿਤੀ ਗਈ ਸੀ। ਹਾਲਾਂਕ ਦਿੱਲੀ ਕੋਰਟ ਨੇ ਪਿਛਲੇ ਸਾਲ ਜਾਰੀ ਕੀਤੇ ਗਏ ਅਪਣੇ ਇਕ ਨਿਰਦੇਸ਼ ਰਾਹੀ ਉਪਰੀ ਉਮਰ ਹੱਦ ਲਾਗੂ ਕੀਤੇ ਜਾਣ ਦੀ ਇਜਾਜ਼ਤ ਦੇ ਦਿਤੀ ਸੀ। ਇਸ ਤੋਂ ਬਾਅਦ ਡਾਇਰੈਕੋਰੇਟ ਨੇ ਇਹ ਫੈਸਲਾ ਕੀਤਾ ਸੀ ਕਿ ਅਦਾਲਤੀ ਹੁਕਮ 2019 ਦੇ ਅਕਾਦਮਿਕ ਸੈਸ਼ਨ ਤੋ ਹੀ ਲਾਗੂ ਕੀਤਾ ਜਾ ਸਕਦਾ ਹੈ।
