ਉੱਤਰ ਪ੍ਰਦੇਸ਼ ਦੇ ਨੋਇਡਾ ਵਿਚ ਖੁੱਲੇਆਮ ਵਿਚ ਨਮਾਜ਼ ਰੋਕਣ ਲਈ ਪੁਲਿਸ ਦੇ ਨੋਟਿਸ.....
ਨਵੀਂ ਦਿੱਲੀ (ਭਾਸ਼ਾ): ਉੱਤਰ ਪ੍ਰਦੇਸ਼ ਦੇ ਨੋਇਡਾ ਵਿਚ ਖੁੱਲੇਆਮ ਵਿਚ ਨਮਾਜ਼ ਰੋਕਣ ਲਈ ਪੁਲਿਸ ਦੇ ਨੋਟਿਸ ਤੋਂ ਬਾਅਦ ਕਾਂਗਰਸ ਨੇ ਪਾਰਕਾਂ ਵਿਚ ਰਾਸ਼ਟਰੀ ਸਵੈਇਵਕ ਸੰਘ (RSS) ਦੀਆਂ ਸ਼ਾਖਾਵਾਂ ਉਤੇ ਰੋਕ ਲਗਾਉਣ ਦੀ ਮੰਗ ਰੱਖੀ ਹੈ। ਉੱਤਰ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਚਾਰ ਵਿਭਾਗ ਨੇ ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਰਾਜ ਬੱਬਰ ਦੀ ਸਹਿਮਤੀ ਨਾਲ ਉੱਤਰ ਪ੍ਰਦੇਸ਼ ਪੁਲਿਸ ਦੇ ਡੀਜੀਪੀ ਨੂੰ ਪੱਤਰ ਲਿਖ ਕੇ ਇਹ ਮੰਗ ਰੱਖੀ ਹੈ।
Muslim Prayers
ਉੱਤਰ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਵਿਚਾਰ ਵਿਭਾਗ ਦੇ ਚੈਅਰਮੈਨ ਸੰਪੂਰਣਾ ਨੰਦ ਦੇ ਵੱਲੋਂ ਲਿਖੇ ਗਏ ਪੱਤਰ ਵਿਚ ਕਿਹਾ ਗਿਆ ਹੈ ਕਿ ਪੂਰੇ ਪ੍ਰਦੇਸ਼ ਦੇ ਸਾਰੇ ਸਰਕਾਰੀ ਜਾਂ ਗੈਰ ਸਰਕਾਰੀ ਸੰਸਥਾਨਾਂ ਜਾਂ ਪਾਰਕਾਂ ਵਿਚ ਬਿਨਾਂ ਆਗਿਆ ਦੇ ਸੰਘ ਦੀਆਂ ਸ਼ਾਖਾਵਾਂ ਚਲਾਈਆਂ ਜਾ ਰਹੀਆਂ ਹਨ, ਉਨ੍ਹਾਂ ਨੇ ਇਸ ਸ਼ਾਖਾਵਾਂ ਉਤੇ ਰੋਕ ਲਗਾਉਣ ਦੀ ਮੰਗ ਰੱਖੀ ਹੈ। ਧਿਆਨ ਯੋਗ ਹੈ ਕਿ ਉੱਤਰ ਪ੍ਰਦੇਸ਼ ਪੁਲਿਸ ਨੇ ਨੋਇਡਾ ਵਿਚ ਖੁੱਲੇ ਵਿਚ ਨਮਾਜ਼ ਪੜ੍ਹਨ ਉਤੇ ਰੋਕ ਲਗਾ ਦਿਤੀ ਹੈ। ਨੋਇਡਾ ਪੁਲਿਸ ਨੇ ਸੈਕਟਰ 58 ਇੰਡਸਟਰੀਅਲ ਏਰੀਏ ਵਿਚ ਆਉਣ ਵਾਲੇ ਪਾਰਕ ਵਿਚ ਖੁੱਲੇ ‘ਚ ਨਮਾਜ਼ ਪੜ੍ਹਨ ਉਤੇ ਰੋਕ ਲਗਾਈ ਹੈ।
RSS
ਇਸ ਦੇ ਲਈ ਪੁਲਿਸ ਨੇ ਇਲਾਕੇ ਵਿਚ ਸਥਿਤ ਸਾਰੀਆਂ ਕੰਪਨੀਆਂ ਨੂੰ ਨੋਟਿਸ ਭੇਜਿਆ ਹੈ। ਇਸ ਨੋਟਿਸ ਦੇ ਮੁਤਾਬਕ, ਜੇਕਰ ਨੋਇਡਾ ਸੈਕਟਰ-58 ਦੇ ਇੰਡਸਟਰੀਅਲ ਨਾਬ ਸਥਿਤ ਦਫਤਰਾਂ ਦੇ ਕਰਮਚਾਰੀ ਨਿਯਮਾਂ ਦੀ ਉਲੰਘਣਾ ਕਰਦੇ ਦਿਖੇ ਤਾਂ ਇਸ ਦੇ ਲਈ ਸੰਸਥਾਨਾਂ ਨੂੰ ਹੀ ਜ਼ਿੰਮੇਦਾਰ ਕਿਹਾ ਜਾਵੇਗਾ।
