CBDT
ਸੈਂਟਰਲ ਬੋਰਡ ਆਫ ਡਾਇਰੈਕਟ ਟੈਕਸ (CBDT) ਨੇ ਡਾਇਰੈਕਟ ਟੈਕਸ ਦੀ ਕਲੈਕਸ਼ਨ ਵਿਚ ਆਈ ਕਮੀਂ ਨੂੰ ਲੈ ਕੇ ਚਿੰਤਾ ਪ੍ਰਗਟਾਈ ਹੈ।
ਨਵੀਂ ਦਿੱਲੀ: ਸੈਂਟਰਲ ਬੋਰਡ ਆਫ ਡਾਇਰੈਕਟ ਟੈਕਸ (CBDT) ਨੇ ਡਾਇਰੈਕਟ ਟੈਕਸ ਦੀ ਕਲੈਕਸ਼ਨ ਵਿਚ ਆਈ ਕਮੀਂ ਨੂੰ ਲੈ ਕੇ ਚਿੰਤਾ ਪ੍ਰਗਟਾਈ ਹੈ ਅਤੇ ਆਮਦਨ ਕਰ ਵਿਭਾਗ ਨੂੰ ਵੱਡੀ ਕਾਰਵਾਈ ਕਰਨ ਲਈ ਕਿਹਾ ਹੈ। ਦਰਅਸਲ, ਡਾਇਰੈਕਟ ਟੈਕਸ ਕਲੈਕਸ਼ਨ ਦੇ ਮਿਥੇ ਟੀਚੇ ਨੂੰ ਨਿਰਧਾਰਿਤ ਕਰਨ ਵਿਚ 15 ਪ੍ਰਤੀਸ਼ਤ ਦੀ ਕਮੀ ਆਈ ਹੈ। ਉਥੇ ਹੀ ਵਿਤੀ ਸਾਲ ਖਤਮ ਹੋਣ ਵਿਚ ਇਕ ਹਫਤੇ ਤੋਂ ਵੀ ਘਟ ਸਮਾਂ ਰਹਿ ਗਿਆ ਹੈ।
ਸੀਬੀਡੀਟੀ ਦੀ ਮੈਂਬਰ ਨੀਨਾ ਕੁਮਾਰ ਨੇ ਸਾਰੇ ਖੇਤਰੀ ਮੁਖੀਆਂ ਨੂੰ ਲਿਖੇ ਪੱਤਰ ਵਿਚ ਕਿਹਾ ਕਿ ਬਜਟ ਵਿਚ ਟੈਕਸ ਕਲੈਕਸ਼ਨ ਦਾ ਟੀਚਾ 12 ਲੱਖ ਰੁਪਏ ਰੱਖਿਆ ਗਿਆ ਸੀ, ਪਰ 23 ਮਾਰਚ ਤਕ 10,21,251 ਕਰੋੜ ਰੁਪਏ ਹੀ ਕਲੈਕਟ ਕੀਤੇ ਗਏ ਹਨ। ਇਹ ਮਿੱਥੇ ਹੋਏ ਬਜਟ ਦਾ 85.1 ਪ੍ਰਤੀਸ਼ਤ ਹੈ।
ਦੇਸ਼ਭਰ ਵਿਚ ਵਿਭਾਗ ਦੇ ਟੈਕਸ ਕਲੈਕਸ਼ਨ ‘ਤੇ ਨਜ਼ਰ ਰੱਖਣ ਵਾਲੇ ਅਧਿਕਾਰੀ ਨੇ ਉਹਨਾਂ ਖੇਤਰਾਂ ਨੂੰ ਰੇਖਾਂਕਿਤ ਕੀਤਾ, ਜਿੱਥੇ ਵਿਅਕਤੀਗਤ, ਕੋਰਪੋਰੇਟ ਅਤੇ ਅਗਾਊਂ ਕਰ ਸ਼੍ਰੇਣੀਆਂ ਤੋਂ ਮਿਲਣ ਵਾਲੇ ਕਲੈਕਟ ਟੈਕਸ ਵਿਚ ਗਿਰਾਵਟ ਆਈ ਹੈ।
