ਕਸ਼ਮੀਰ ਵਿਚ ਅੱਜ ਤੋਂ ਪ੍ਰੀਖਿਆ ਹੋ ਗਈ ਹੈ ਸ਼ੁਰੂ
ਸ਼੍ਰੀਨਗਰ: ਜੰਮੂ ਕਸ਼ਮੀਰ ਦੇ ਪੁਲਵਾਮਾ ਵਿਚ CRPF ਦੀ ਗਸ਼ਤ ਪਾਰਟੀ 'ਤੇ ਅਤਿਵਾਦੀਆਂ ਨੇ ਹਮਲਾ ਕਰ ਦਿੱਤਾ। ਹਮਲਾ ਇਕ ਪ੍ਰੀਖਿਆ ਭਵਨ ਦੇ ਨੇੜੇ ਹੋਇਆ। ਪੁਲਵਾਮਾ ਦੇ ਦਰਬਗਾਮ ਵਿਚ ਸਥਿਤ ਪ੍ਰੀਖਿਆ ਭਵਨ ਦੇ ਨੇੜੇ ਅਤਿਵਾਦੀਆਂ ਨੇ ਫਾਈਰਿੰਗ ਕੀਤੀ। ਹਾਲਾਂਕਿ ਗਨੀਮਤ ਇਹ ਰਹੀ ਕਿ ਇਸ ਹਮਲੇ ਵਿਚ ਕੋਈ ਜ਼ਖ਼ਮੀ ਨਹੀਂ ਹੋਇਆ। ਹਮਲੇਵਾਲੀ ਥਾਂ 'ਤੇ 5 ਵਿਦਿਆਰਥੀ ਵੀ ਫਸ ਗਏ ਸਨ ਜਿਨ੍ਹਾਂ ਨੂੰ ਕਾਫੀ ਮਿਹਨਤ ਤੋਂ ਬਾਅਦ ਬਚਾ ਲਿਆ ਗਿਆ।
Terrorists Attack Near Class 10 Board Exam Centre In Pulwama
ਦੂਜੇ ਪਾਸੇ ਇਕ ਘਰ ਵਿਚ 3 ਤੋਂ 4 ਅਤਿਵਾਦੀਆਂ ਦੇ ਹੋਣ ਦੀ ਖਬਰ ਵੀ ਆਈ ਹੈ। ਕਸ਼ਮੀਰ ਵਿਚ ਅੱਜ ਤੋਂ ਪ੍ਰੀਖਿਆ ਸ਼ੁਰੂ ਹੋ ਗਈ ਹੈ। ਵਿਦਿਆਰਥੀਆਂ ਨੂੰ ਡਰਾਉਣ ਲਈ ਅਤਿਵਾਦੀਆਂ ਵਲੋਂ ਇਹੋ ਜਿਹੇ ਹਮਲੇ ਨੂੰ ਅੰਜਾਮ ਦਿੱਤਾ ਗਿਆ। ਪ੍ਰੀਖਿਆ ਕੇਂਦਰ ਵਿਚ 10ਵੀਂ ਜਮਾਤ ਦੇ ਵਿਦਿਆਰਥੀ ਪ੍ਰੀਖਿਆ ਦੇਣ ਆਏ ਸਨ। ਪ੍ਰੀਖਿਆ ਕੇਂਦਰ ਤੋਂ ਥੋੜੀ ਦੂਰੀ 'ਤੇ ਇਹ ਹਮਲਾ ਹੋਇਆ।
Terrorists Attack Near Class 10 Board Exam Centre In Pulwama
ਦੂਜੇ ਪਾਸੇ ਕਸ਼ਮੀਰ ਘਾਟੀ ਵਿਚ ਅੱਜ ਯੂਰੋਪੀਅਨ ਸੰਸਦ ਮੈਬਰਾਂ ਦਾ ਵਫ਼ਦ ਦੌਰੇ 'ਤੇ ਹੈ। ਵਫ਼ਦ ਦੇ ਕਸ਼ਮੀਰ ਦੌਰੇ ਦੇ ਚਲਦਿਆਂ ਸੁਰੱਖਿਆ ਕਾਫੀ ਵਧਾ ਦਿੱਤੀ ਹੈ। ਇਸ ਦੇ ਬਾਵਜੂਦ ਅਤਿਵਾਦੀ ਲਗਾਤਾਰ ਕਿਸੇ ਨਾ ਕਿਸੇ ਵਾਰਦਾਤ ਨੂੰ ਅੰਜਾਮ ਦੇਣ ਵਿਚ ਕਾਮਯਾਬ ਹੋ ਰਹੇ ਹਨ। ਇਸ ਤੋਂ ਇਲਾਵਾ ਵਫ਼ਦ ਦੇ ਦੌਰੇ ਵਿਚਕਾਰ ਹੀ ਸ਼੍ਰੀਨਗਰ ਅਤੇ ਦਖਣੀ ਕਸ਼ਮੀਰ ਦੇ ਕੁੱਝ ਇਲਾਕਿਆਂ ਵਿਚ ਪੱਥਰਬਾਜੀ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ।
Stone Penality
ਸੋਮਵਾਰ ਨੂੰ ਵੀ ਸਪੌਰ ਵਿਚ ਅਤਿਵਾਦੀਆਂ ਨੇ ਗ੍ਰੇਨੇਡ ਹਮਲਾ ਕੀਤਾ ਸੀ। ਇਸ ਹਮਲੇ ਵਿਚ 15 ਲੋਕ ਜ਼ਖ਼ਮੀ ਹੋ ਗਏ ਸਨ। ਉੱਥੇ ਹੀ ਦੀਵਾਲੀ ਤੋਂ ਇਕ ਦਿਨ ਪਹਿਲਾਂ 26 ਅਕਤੂਬਰ ਨੂੰ ਸ਼੍ਰੀਨਗਰ ਦੇ ਕਾਕਾਸਰਾਏ ਵਿਚ CRPF ਜਵਾਨਾਂ ਉੱਤੇ ਅਤਿਵਾਦੀ ਗ੍ਰੇਨੇਡ ਨਾਲ ਹਮਲਾ ਕਰਕੇ ਫਰਾਰ ਹੋ ਗਏ ਸਨ।
