ਅਤਿਵਾਦੀ ਸੰਗਠਨ ਆਈਐਸਆਈਐਸ ਨਾਲ ਕਥਿਤ ਕਨੈਕਸ਼ਨ ਦੇ ਆਰੋਪਾਂ ਵਿਚ ਠਾਣੇ...
ਨਵੀਂ ਦਿੱਲੀ : ਅਤਿਵਾਦੀ ਸੰਗਠਨ ਆਈਐਸਆਈਐਸ ਨਾਲ ਕਥਿਤ ਕਨੈਕਸ਼ਨ ਦੇ ਆਰੋਪਾਂ ਵਿਚ ਠਾਣੇ ਅਤੇ ਔਰੰਗਾਬਾਦ ਤੋਂ ਫੜੇ ਗਏ ਨੌਜਵਾਨਾਂ ਦੇ ਬਾਰੇ ਵਿਚ ਵੱਡਾ ਖੁਲਾਸਾ ਹੋਇਆ ਹੈ। ਮਹਾਰਾਸ਼ਟਰ ਐਟੀਐਸ ਦੇ ਮੁਤਾਬਕ ਅੰਡਰ ਵਰਲਡ ਡੋਨ ਦਾਊਦ ਇਬਰਾਹੀਮ ਦੇ ਸ਼ਾਰਪ ਸ਼ੂਟਰ ਰਾਸ਼ਿਦ ਮਾਲਬਾਰੀ ਦੇ ਪੁੱਤਰ ਮਜਹਰ ਨੇ ਨੌਜਵਾਨਾਂ ਨੂੰ ਕੱਟੜਪੰਥੀ ਰੁਝੇਵਾਂ ਦੇ ਵੱਲ ਮੋੜਨ ਵਿਚ ਅਹਿਮ ਭੂਮਿਕਾ ਨਿਭਾਈ। ਸ਼ਨੀਵਾਰ ਨੂੰ ਇਸ ਮਾਮਲੇ ਵਿਚ ਐਟੀਐਸ ਨੇ ਮੁੰਬਈ ਦੇ ਨਿਵਾਸੀ ਤਲਾਹ ਪੋਟਰਿਕ ਨਾਮ ਦੇ ਸ਼ਖਸ ਨੂੰ ਗ੍ਰਿਫ਼ਤਾਰ ਕੀਤਾ ਸੀ।
Dawood Ibrahim
ਠਾਣੇ ਦੇ ਮੁੰਬਰਾ ਇਲਾਕੇ ਦੀ ਅਲਮਾਸ ਕਲੋਨੀ ਵਿਚ ਰਹਿਣ ਵਾਲਾ ਮਜਹਰ ਉਨ੍ਹਾਂ 8 ਲੋਕਾਂ ਵਿਚ ਸ਼ਾਮਲ ਹੈ। ਜਿਨ੍ਹਾਂ ਨੂੰ ਐਟੀਐਸ ਨੇ ਪਿਛਲੇ ਹਫ਼ਤੇ ਤਾਬੜਤੋੜ ਛਾਪੇਮਾਰੀ ਦੇ ਦੌਰਾਨ ਗ੍ਰਿਫ਼ਤਾਰ ਕੀਤਾ ਸੀ। ਐਟੀਐਸ ਨੇ ਇਸ ਦੌਰਾਨ ਠਾਣੇ ਦੇ ਮੁੰਬਰਾ ਅਤੇ ਔਰੰਗਾਬਾਦ ਜਿਲ੍ਹੇ ਵਿਚ ਪੰਜ ਟਿਕਾਣਿਆਂ ਉਤੇ ਛਾਪੇਮਾਰੀ ਕੀਤੀ ਸੀ। ਇਸ ਦੌਰਾਨ ਇਕ ਨਬਾਲਿਗ ਨੂੰ ਵੀ ਹਿਰਾਸਤ ਵਿਚ ਲਿਆ ਗਿਆ ਸੀ। ਐਟੀਐਸ ਦਾ ਦਾਅਵਾ ਹੈ ਕਿ ਨੌਜਵਾਨ ਆਈਐਸਆਈਐਸ ਨਾਲ ਜੁੜੇ ਹੋਏ ਸਨ ਅਤੇ ਅਤਿਵਾਦੀ ਹਮਲੇ ਦੀ ਯੋਜਨਾ ਬਣਾ ਰਹੇ ਸਨ।
ISIS
ਫੜੇ ਗਏ ਸ਼ੱਕੀ ਕੈਮੀਕਲ ਬੰਬ ਬਣਾਉਣ ਤੋਂ ਇਲਾਵਾ ਆਈਈਡੀ ਅਤੇ ਇਥੇ ਤੱਕ ਕਿ ਕੈਮੀਕਲ ਅਟੈਕ ਵਿਚ ਜ਼ਹਿਰ ਦਾ ਵੀ ਇਸਤੇਮਾਲ ਕਰਨ ਦੀ ਫਿਰਾਕ ਵਿਚ ਸਨ। ਕੈਮੀਕਲ ਅਟੈਕ ਤੋਂ ਬਾਅਦ ਇਹ ਨੇਪਾਲ ਦੇ ਰਸਤੇ ਈਰਾਨ ਜਾਣ ਦੀ ਤਿਆਰੀ ਵਿਚ ਸੀ। ਇਸ ਤੋਂ ਬਾਅਦ ਅਫ਼ਗਾਨੀਸਤਾਨ ਵਿਚ ਦਾਖਲ ਹੋਣ ਜਾਂ ਸੀਰੀਆ ਜਾਣ ਦਾ ਪਲਾਨ ਸੀ। ਇਸ ਦੇ ਲਈ ਹਰ ਸ਼ੱਕੀ ਨੇ 3-4 ਲੱਖ ਰੁਪਏ ਅਪਣੇ ਕੋਲ ਜਮਾਂ ਕੀਤੇ ਸਨ।
