ਤਾਜ਼ਾ ਖ਼ਬਰਾਂ

Advertisement

ਜਿਸ ਘਰ 'ਚ ਪਖ਼ਾਨਾ ਨਹੀਂ, ਉਥੇ ਬੇਟੀਆਂ ਦਾ ਵਿਆਹ ਨਹੀਂ, ਹਰਿਆਣਾ ਦੀ ਪੰਚਾਇਤ ਦਾ ਫ਼ੈਸਲਾ

ਸਪੋਕਸਮੈਨ ਸਮਾਚਾਰ ਸੇਵਾ
Published Jun 30, 2018, 10:29 am IST
Updated Jun 30, 2018, 10:29 am IST
ਪਿਛਲੇ ਦਿਨੀਂ ਆਈ ਅਕਸ਼ੈ ਕੁਮਾਰ ਦੀ ਫ਼ਿਲਮ 'ਟਾਇਲਟ' ਇਕ ਪ੍ਰੇਮ ਕਥਾ' ਤੋਂ ਪ੍ਰੇਰਿਤ ਹੋ ਕੇ ਹਰਿਆਣਾ ਦੇ ਸਿਰਸਾ ਜ਼ਿਲ੍ਹੇ ਦੀ ਇਕ ਪਿੰਡ ਦੀ ਪੰਚਾਇਤ ਨੇ ਇਕ ਮਤਾ ...
haryana village panchayat
 haryana village panchayat

ਚੰਡੀਗੜ੍ਹ : ਪਿਛਲੇ ਦਿਨੀਂ ਆਈ ਅਕਸ਼ੈ ਕੁਮਾਰ ਦੀ ਫ਼ਿਲਮ 'ਟਾਇਲਟ' ਇਕ ਪ੍ਰੇਮ ਕਥਾ' ਤੋਂ ਪ੍ਰੇਰਿਤ ਹੋ ਕੇ ਹਰਿਆਣਾ ਦੇ ਸਿਰਸਾ ਜ਼ਿਲ੍ਹੇ ਦੀ ਇਕ ਪਿੰਡ ਦੀ ਪੰਚਾਇਤ ਨੇ ਇਕ ਮਤਾ ਪਾਸ ਕੀਤਾ ਹੈ ਕਿ ਉਹ ਅਪਣੀਆਂ ਬੇਟੀਆਂ ਦਾ ਵਿਆਹ ਅਜਿਹੇ ਪਰਵਾਰਾਂ ਵਿਚ ਨਹੀਂ ਕਰਨਗੇ, ਜਿਨ੍ਹਾਂ ਦੇ ਘਰਾਂ ਵਿਚ ਟਾਇਲਟ ਨਹੀਂ ਹਨ। ਸਰਪੰਚ ਧਰਮਪਾਲ ਮੁੰਡਲੀਆ ਨੇ ਦਸਿਆ ਕਿ ਇਸ ਮਹੀਨੇ ਦੀ ਸ਼ੁਰੂਆਤ ਵਿਚ ਗੋਡੀਕਾਨ ਪਿੰਡ ਦੀ ਪੰਚਾਇਤ ਨੇ ਸਰਬਸੰਮਤੀ ਨਾਲ ਇਹ ਫ਼ੈਸਲਾ ਲਿਆ। ਜਿਸ ਨੂੰ ਸਾਰੇ ਪਿੰਡ ਵਾਸੀਆਂ ਨੇ ਮੰਨਣ ਲਈ ਹਾਮੀ ਭਰੀ ਹੈ। 

toilet toiletਉਨ੍ਹਾਂ ਦਸਿਆ ਕਿ ਪੰਚਾਇਤ ਨੇ 8 ਜੂਨ ਨੂੰ ਇਹ ਮਤਾ ਪਾਸ ਕੀਤਾ ਸੀ। ਹਰਿਆਣਾ ਸਰਕਾਰ ਨੇ ਰਾਜ ਦੇ ਪਿੰਡਾਂ ਦੇ ਸਰਪੰਚਾਂ ਨੂੰ 'ਸਵੱਛ ਭਾਰਤ' ਵੱਲ ਕੰਮ ਕਰਨ ਲਈ ਪ੍ਰੇਰਿਤ ਕਰਨ ਅਤੇ ਸਵੱਛਤਾ ਸਬੰਧੀ ਉਨ੍ਹਾਂ ਨੂੰ ਜਾਗਰੂਕ ਕਰਨ ਲਈ 'ਟਾਇਲਟ : ਇਕ ਪ੍ਰੇਮ ਕਥਾ' ਫਿਲਮ ਦੀ ਵਿਸ਼ੇਸ਼ ਸਕਰੀਨਿੰਗ ਦਾ ਪ੍ਰਬੰਧ ਕੀਤਾ ਸੀ। ਮਤੇ ਵਿਚ ਕਿਹਾ ਗਿਆ ਹੈ ਕਿ ਪਿੰਡ ਦੇ ਰਹਿਣ ਵਾਲੇ ਲੋਕ ਅਪਣੀਆਂ ਬੇਟੀਆਂ ਅਤੇ ਭੈਣਾਂ ਦਾ ਵਿਆਹ ਸਿਰਫ਼ ਉਨ੍ਹਾਂ ਪਰਵਾਰਾਂ ਵਿਚ ਕਰਨਗੇ, ਜਿਨ੍ਹਾਂ ਦੇ ਘਰਾਂ ਵਿਚ ਟਾਇਲਟ ਬਣੇ ਹੋਣਗੇ। 

haryana womensharyana womensਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ ਨੇ ਪੰਚਾਇਤ ਨੂੰ ਉਸ ਦੇ ਫ਼ੈਸਲੇ ਲਈ ਵਧਾਈ ਦਿਤੀ ਹੈ। ਮੁੱਖ ਮੰਤਰੀ ਨੇ ਇਕ ਟਵੀਟ ਕਰਕੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਸਵੱਛ ਭਾਰਤ ਅਭਿਆਨ ਖੁੱਲ੍ਹੇ ਵਿਚ ਪਖ਼ਾਨਾ ਮੁਕਤ ਭਾਰਤ ਅਤੇ ਹਰ ਘਰ ਵਿਚ ਪਖ਼ਾਨੇ ਦੀ ਕਲਪਨਾ ਕਰਦਾ ਹੈ। ਗੋਡੀਕਾਨ ਪਿੰਡ ਦਾ ਫ਼ੈਸਲਾ ਸੱਚ ਵਿਚ ਬਹੁਤ ਸ਼ਲਾਘਾਯੋਗ ਹੈ। ਉਨ੍ਹਾਂ ਕਿਹਾ ਕ ਿਹੋਰ ਪੰਚਾਇਤਾਂ ਨੂੰ ਵੀ ਇਸ ਪ੍ਰਸਤਾਵ ਦਾ ਪਾਲਣ ਕਰਨਾ ਚਾਹੀਦਾ ਹੈ। 

haryana womensharyana womensਦਸ ਦਈਏ ਕਿ ਪਿਛਲੇ ਦਿਨੀਂ ਹੀ ਉਤਰ ਪ੍ਰਦੇਸ਼ ਦੇ ਸੰਭਲ ਜ਼ਿਲ੍ਹੇ ਤੋਂ ਖ਼ਬਰ ਆਈ ਸੀ ਕਿ 'ਟਾਇਲਟ : ਇਕ ਪ੍ਰੇਮ ਕਥਾ' ਫਿਲਮ ਤੋਂ ਪ੍ਰੇਰਿਤ ਹੋ ਕੇ ਇਕ ਮਹਿਲਾ ਅਪਣੇ ਸਹੁਰੇ ਘਰ ਨੂੰ ਛੱਡ ਕੇ ਇਸ ਲਈ ਪੇਕੇ ਚਲੀ ਗਈ ਕਿਉਂਕਿ ਉਥੇ ਟਾਇਲਟ ਨਹੀਂ ਸੀ। ਔਰਤ ਦੇ ਵਾਰ ਵਾਰ ਕਹਿਣ ਦੇ ਬਾਅਦ ਵੀ ਸਹੁਰੇ ਘਰ ਵਿਚ ਪਖ਼ਾਨਾ ਨਹੀਂ ਬਣਾਇਆ ਜਾ ਰਿਹਾ ਸੀ। ਇਸ ਤੋਂ ਪਰੇਸ਼ਾਨ ਹੋ ਕੇ ਉਸ ਨੇ ਪੇਕੇ ਜਾਣ ਦਾ ਫ਼ੈਸਲਾ ਕਰ ਲਿਆ।

Advertisement