ਬਿਹਾਰ ਵਿਚ ਮੋਕਾਮਾ ਤੋਂ ਵਿਧਾਇਕ ਆਨੰਤ ਸਿੰਘ ਦੇ ਘਰੋਂ ਹਥਿਆਰ ਮਿਲਣ ਦਾ ਮਾਮਲਾ ਅਜੇ ਠੰਡਾ ਨਹੀਂ ਹੋਇਆ ਕਿ ਹੁਣ ਬਿਹਾਰ ਦੀ ਇਕ ਹੋਰ ਵੀਡੀਓ
ਨਵੀਂ ਦਿੱਲੀ : ਬਿਹਾਰ ਵਿਚ ਮੋਕਾਮਾ ਤੋਂ ਵਿਧਾਇਕ ਆਨੰਤ ਸਿੰਘ ਦੇ ਘਰੋਂ ਹਥਿਆਰ ਮਿਲਣ ਦਾ ਮਾਮਲਾ ਅਜੇ ਠੰਡਾ ਨਹੀਂ ਹੋਇਆ ਕਿ ਹੁਣ ਬਿਹਾਰ ਦੀ ਇਕ ਹੋਰ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਜਿਸ ਵਿਚ ਇਕ ਵਿਅਕਤੀ ਹੱਥਾਂ ਵਿਚ ਏਕੇ-47 ਵਰਗੇ ਹਥਿਆਰ ਲਹਿਰਾਉਂਦਾ ਨਜ਼ਰ ਆ ਰਿਹਾ ਹੈ।
ਇਕ ਜਾਣਕਾਰੀ ਅਨੁਸਾਰ ਵੀਡੀਓ ਵਿਚ ਨਜ਼ਰ ਆ ਰਿਹਾ ਵਿਅਕਤੀ ਮੋਕਾਮਾ ਤੋਂ ਵਿਧਾਇਕ ਅਨੰਤ ਸਿੰਘ ਦੇ ਸਭ ਤੋਂ ਕੱਟੜ ਦੁਸ਼ਮਣ ਮੰਨੇ ਜਾਂਦੇ ਵਿਵੇਕਾ ਪਹਿਲਵਾਨ ਦਾ ਭਤੀਜਾ ਜਾਂ ਕਰੀਬੀ ਦੱਸਿਆ ਜਾ ਰਿਹਾ ਹੈ।
ਹਾਲਾਂਕਿ ਪੁਲਿਸ ਨੇ ਇਸ ਮਾਮਲੇ ਵਿਚ ਕੁੱਝ ਵੀ ਬੋਲਣ ਤੋਂ ਇਨਕਾਰ ਕਰ ਦਿੱਤਾ ਕਿ ਆਖ਼ਰ ਅੱਤਵਾਦੀਆਂ ਵਾਂਗ ਹੱਥਾਂ ਵਿਚ ਖ਼ਤਰਨਾਕ ਹਥਿਆਰ ਲਹਿਰਾਉਣ ਵਾਲਾ ਇਹ ਵਿਅਕਤੀ ਹੈ ਕੌਣ? ਜਦਕਿ ਇਸ ਵੀਡੀਓ ਵਿਚ ਬਹੁਤ ਸਾਰੇ ਅਜਿਹੇ ਸਬੂਤ ਸਾਫ਼ ਤੌਰ ’ਤੇ ਨਜ਼ਰ ਆਏ ਹਨ। ਜਿਸ ਤੋਂ ਸਾਬਤ ਹੁੰਦਾ ਹੈ ਕਿ ਇਹ ਵੀਡੀਓ ਵਿਵੇਕਾ ਪਹਿਲਵਾਨ ਦੇ ਘਰ ਵਿਚ ਬਣਾਈ ਗਈ ਹੈ ਕਿਉਂਕਿ ਕੁੱਝ ਸਮਾਂ ਪਹਿਲਾਂ ਜਦੋਂ ਵਿਵੇਕਾ ਪਹਿਲਵਾਨ ਨੇ ਵਿਧਾਇਕ ਆਨੰਤ ਸਿੰਘ ਨੂੰ ਧਮਕੀ ਦੇਣ ਦੀ ਵੀਡੀਓ ਜਾਰੀ ਕੀਤੀ ਸੀ ਤਾਂ ਉਹ ਇਸੇ ਕਮਰੇ ਵਿਚ ਬੈਠੇ ਸਨ।
ਇਸ ਵੀਡੀਓ ਵਿਚ ਤੁਸੀਂ ਸਾਫ਼ ਦੇਖ ਸਕਦੇ ਹੋ ਕਿ ਕਮਰੇ ਵਿਚ ਪਏ ਬੈੱਡ ਦਾ ਡਿਜ਼ਾਇਨ ਵਿਵੇਕਾ ਪਹਿਲਵਾਨ ਵਾਲੀ ਵੀਡੀਓ ਨਾਲ ਮਿਲਦਾ ਹੈ। ਜਦਕਿ ਪਿੱਛੇ ਲੱਗਿਆ ਹੋਇਆ ਪਰਦਾ ਵੀ ਉਹੀ ਹੈ ਕੰਧ 'ਤੇ ਉਸੇ ਤਰ੍ਹਾਂ ਸਵਿੱਚ ਬੋਰਡ ਵੀ ਲੱਗਿਆ ਹੋਇਆ ਇਕ ਹੋਰ ਸਬੂਤ ਵੀ ਇਸ ਗੱਲ ਨੂੰ ਪੁਖ਼ਤਾ ਕਰਦਾ ਹੈ ਕਿ ਇਹ ਵੀਡੀਓ ਵਿਵੇਕਾ ਪਹਿਲਵਾਨ ਦੇ ਘਰ ਦੀ ਹੀ ਹੈ।
ਦਰਅਸਲ ਕਮਰੇ ਵਿਚ ਕੰਧ 'ਤੇ ਇਕ ਤਸਵੀਰ ਲੱਗੀ ਹੋਈ ਹੈ ਜੋ ਵਿਵੇਕਾ ਪਹਿਲਵਾਨ ਦੇ ਭਰਾ ਦੀ ਦੱਸੀ ਜਾ ਰਹੀ ਹੈ। ਜਿਸ ਦੀ ਕੁੱਝ ਮਹੀਨੇ ਪਹਿਲਾਂ ਹੀ ਮੌਤ ਹੋ ਗਈ ਸੀ। ਫਿਲਹਾਲ ਪੁਲਿਸ ਇਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਵਿਚ ਜੁਟ ਗਈ ਹੈ। ਦੱਸ ਦਈਏ ਕਿ ਕੁੱਝ ਸਮਾਂ ਪਹਿਲਾਂ ਪੁਲਿਸ ਨੇ ਮੋਕਾਮਾ ਤੋਂ ਵਿਧਾਇਕ ਅਨੰਤ ਸਿੰਘ ਦੇ ਘਰ ਤੋਂ ਵੀ ਛਾਪਾ ਮਾਰ ਕੇ ਹਥਿਆਰ ਬਰਾਮਦ ਕੀਤੇ ਸਨ, ਜਿਸ ਦੇ ਮਾਮਲੇ ਨੂੰ ਲੈ ਕੇ ਉਹ ਜੇਲ੍ਹ ਵਿਚ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।