ਕੋਰਟ ਨੇ ਆਸਰਾ ਘਰ ਮਾਮਲੇ ਦੇ ਮੁਖ ਦੋਸ਼ੀ ਬ੍ਰਿਜੇਸ਼ ਠਾਕੁਰ ਨੂੰ ਭਾਗਲਪੁਰ ਜੇਲ ਤੋਂ ਪੰਜਾਬ ਦੇ ਪਟਿਆਲਾ ਸਥਿਤ ਹਾਈ ਸਿਕਿਊਰਿਟੀ ਜੇਲ ਵਿਚ ਬਦਲਣ ਦੇ ਹੁਕਮ ਦਿਤੇ ਹਨ।
ਮੁਜ਼ਫੱਰਪੁਰ , ( ਭਾਸ਼ਾ ) : ਮੁਜ਼ਫੱਰਪੁਰ ਆਸਰਾ ਘਰ ਦਾ ਸੱਚ ਜਾਨਣ ਤੋਂ ਬਾਅਦ ਸੁਪਰੀਮ ਕੋਰਟ ਨੇ ਬਿਹਾਰ ਸਰਕਾਰ ਨੂੰ ਕਿਹਾ ਕਿ ਜੇਕਰ ਮੰਜੂ ਵਰਮਾ ਇਕ ਕੈਬਿਨੇਟ ਮੰਤਰੀ ਹੈ ਤਾਂ ਇਸ ਦਾ ਮਤਲਬ ਇਹ ਨਹੀਂ ਹੈ ਕਿ ਉਹ ਨਿਯਮਾਂ ਅਤੇ ਕਾਨੂੰਨਾਂ ਤੋਂ ਉਪਰ ਹੈ। ਪੂਰਾ ਮਾਮਲਾ ਬਹੁਤ ਹੀ ਜ਼ਿਆਦਾ ਸ਼ੱਕੀ ਹੈ। ਜਦ ਮੰਜੂ ਵਰਮਾ ਦੇ ਵਿਰੁਧ ਇਨ੍ਹਿਆਂ ਰਿਪੋਰਟਾਂ ਹਨ ਤਾਂ ਉਸ ਨੂੰ ਗਿਰਫਤਾਰ ਕਿਉਂ ਨਹੀਂ ਕੀਤੀ ਗਿਆ ? ਇਹ ਬਹੁਤ ਜਿਆਦਾ ਹੈ ਤੇ ਕਿਸੇ ਨੂੰ ਕਾਨੂੰਨ ਦੀ ਚਿੰਤਾ ਨਹੀਂ ਹੈ। ਕੋਰਟ ਨੇ ਬਿਹਾਰ ਪੁਲਿਸ ਤੋਂ 31 ਅਕਤਬੂਰ ਤੱਕ ਕਾਰਵਾਈ ਕਰ ਕੇ ਰਿਪੋਰਟ ਮੰਗੀ ਹੈ।
Brajesh thakur
ਕੋਰਟ ਨੇ ਆਸਰਾ ਘਰ ਮਾਮਲੇ ਦੇ ਮੁਖ ਦੋਸ਼ੀ ਬ੍ਰਿਜੇਸ਼ ਠਾਕੁਰ ਨੂੰ ਭਾਗਲਪੁਰ ਜੇਲ ਤੋਂ ਪੰਜਾਬ ਦੇ ਪਟਿਆਲਾ ਸਥਿਤ ਹਾਈ ਸਿਕਿਊਰਿਟੀ ਜੇਲ ਵਿਚ ਬਦਲਣ ਦੇ ਹੁਕਮ ਦਿਤੇ ਹਨ। ਦੱਸ ਦਈਏ ਕਿ ਟਾਟਾ ਇੰਸਟੀਟਿਊਟ ਆਫ ਸੋਸ਼ਲ ਸਾਇੰਸ ਦੀ ਆਡਿਟ ਰਿਪੋਰਟ ਤੋਂ ਬਾਅਦ ਮੁਜ਼ਫੱਰਪੁਰ ਸਥਿਤ ਆਸਰਾ ਘਰ ਵਿਚ ਰਹਿ ਰਹੀਆਂ ਲੜਕੀਆਂ ਦੇ ਨਾਲ ਜਿਨਸੀ ਸ਼ੋਸ਼ਣ ਮਾਮਲੇ ਦਾ ਖੁਲਾਸਾ ਹੋਇਆ ਸੀ। ਆਸਰਾ ਘਰ ਵਿਚ ਲੜਕੀਆਂ ਨੂੰ ਡਰੱਗਸ ਦਿਤੇ ਜਾਣ ਦੀ ਗੱਲ ਤੇ ਸੁਪਰੀਮ ਕੋਰਟ ਨੇ ਹੈਰਾਨੀ ਪ੍ਰਗਟ ਕੀਤੀ।
Manju Verma
ਕੋਰਟ ਨੇ ਪੁੱਛਿਆ ਕਿ ਇਨ੍ਹਾਂ ਲੜਕੀਆਂ ਨੂੰ ਡਰੱਗਸ ਦਿਤਾ ਜਾ ਰਿਹਾ ਹੈ ਤਾਂ ਕਿ ਉਨ੍ਹਾਂ ਨਾਲ ਕੁਕਰਮ ਕੀਤਾ ਜਾ ਸਕੇ ? ਕੋਰਟ ਨੇ 20 ਸੰਤਬਰ ਨੂੰ ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਸੀਬੀਆਈ ਅਧਿਕਾਰੀਆਂ ਦੀ ਸੂਚੀ 31 ਅਕਤੂਬਰ ਤੱਕ ਜਮ੍ਹਾ ਕਰਨ ਨੂੰ ਕਿਹਾ ਹੈ। ਇਸ ਵੇਲੇ ਬ੍ਰਿਜੇਸ਼ ਠਾਕੁਰ ਭਾਗਲਪੁਰ ਕੇਂਦਰੀ ਜੇਲ ਵਿਚ ਬੰਦ ਹੈ। ਸੁਪਰੀਮ ਕੋਰਟ ਨੇ ਪਹਿਲਾਂ ਹੀ ਕਿਹਾ ਸੀ ਬ੍ਰਿਜੇਸ਼ ਠਾਕੁਰ ਇਕ ਪ੍ਰਭਾਵਸ਼ਾਲੀ ਸ਼ਖਸ ਹੈ ਅਤੇ ਅਪਣੀ ਤਾਕਤ ਦੀ ਵਰਤੋਂ ਕਰ ਇਸ ਕੇਸ ਦੀ ਜਾਂਚ ਵਿਚ ਦਖਲਅੰਦਾਜੀ ਕਰ ਕੇ ਮਾਮਲੇ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ।
Bhagalpur central jail
ਇਸ ਤੋਂ ਪਹਿਲਾਂ ਸੁਪਰੀਮ ਕੋਰਟ ਨੇ ਮੁਜਫੱਰਪੁਰ ਆਸਰਾ ਘਰ ਮਾਮਲੇ ਦੀ ਜਾਂਚ ਕਰ ਰਹੀ ਸੀਬੀਆਈ ਦੀ ਟੀਮ ਦੀ ਰਿਪੋਰਟ ਦੇਖ ਕੇ ਕਿਹਾ ਸੀ ਕਿ ਇਹ ਪੂਰਾ ਮਾਮਲਾ ਬਹੁਤ ਭਿਆਨਕ ਅਤੇ ਹੈਰਾਨ ਕਰਨ ਵਾਲਾ ਹੈ। ਨਾਲ ਹੀ ਕੋਰਟ ਨੇ ਬ੍ਰਿਜੇਸ਼ ਠਾਕੁਰ ਨੂੰ ਨੋਟਿਸ ਜਾਰੀ ਕਰਕੇ ਇਹ ਵੀ ਪੁਛਿੱਆ ਸੀ ਕਿਉਂ ਨਾ ਉਸ ਨੂੰ ਬਿਹਾਰ ਤੋਂ ਬਾਹਰ ਕਿਸੇ ਜੇਲ ਵਿਚ ਟਰਾਂਸਫਰ ਕਰ ਦਿਤਾ ਜਾਵੇ। ਸੀਬੀਆਈ ਦੀ ਰਿਪੋਰਟ ਮੁਤਾਬਕ ਬ੍ਰਿਜੇਸ਼ ਠਾਕੁਰ ਦੇ ਕੋਲੋਂ ਜੇਲ ਵਿਚ ਇਕ ਮੋਬਾਈਲ ਫੋਨ ਅਤੇ ਕਾਗਜ਼ ਤੇ ਲਿਖੇ ਕੁਝ ਨੰਬਰ ਵੀ ਬਰਾਮਦ ਹੋਏ ਸਨ।
Chandeshwar Verma
ਦੱਸ ਦਈਏ ਕਿ ਕੁਝ ਦਿਨ ਪਹਿਲਾਂ ਹੀ ਮੁਜ਼ਫੱਰਪੁਰ ਆਸਰਾ ਘਰ ਹੈਵਾਨੀਅਤ ਮਾਮਲੇ ਵਿਚ ਬਿਹਾਰ ਦੀ ਸਾਬਕਾ ਸਮਾਜ ਭਲਾਈ ਮੰਤਰੀ ਮੰਜੂ ਵਰਮਾ ਦਾ ਪਤੀ ਚੰਦੇਸ਼ਵਰ ਵਰਮਾ ਨੇ ਸੋਮਵਾਰ ਨੂੰ ਬੇਗੁਸਰਾਇ ਜ਼ਿਲ੍ਹੇ ਵਿਚ ਸਥਿਤ ਇਕ ਕੋਰਟ ਵਿਚ ਅਪਣੇ ਆਪ ਨੂੰ ਸਪੁਰਦ ਕਰ ਦਿਤਾ ਸੀ। ਆਸਰਾ ਘਰ ਮਾਮਲੇ ਵਿਚ ਜਾਂਚ ਦੌਰਾਨ ਸੀਬੀਆਈ ਨੇ ਮੰਜੂ ਵਰਮਾ ਦੇ ਸਹੁਰੇ ਘਰ ਛਾਪੇਮਾਰੀ ਕੀਤੀ ਸੀ,
ਜਿਥੇ 50 ਹਥਿਆਰ ਮਿਲੇ ਸਨ। ਇਸ ਮਾਮਲੇ ਵਿਚ ਮੰਜੂ ਵਰਮਾ ਅਤੇ ਉਸ ਦੇ ਪਤੀ ਚੰਦੇਸ਼ਵਰ ਵਰਮਾ ਵਿਰੁਧ ਐਫਆਈਆਰ ਦਰਜ਼ ਕੀਤੀ ਗਈ ਸੀ। ਚੰਦੇਸ਼ਵਰ ਵਰਮਾ ਤੇ ਮੁਜ਼ਫੱਰਪੁਰ ਆਸਰਾ ਘਰ ਮਾਮਲੇ ਦੇ ਮੁਖ ਦੋਸ਼ ਬ੍ਰਿਜੇਸ਼ ਠਾਕੁਰ ਨਾਲ ਕਥਿਤ ਤੌਰ ਤੇ ਸੰਬਧ ਹੋਣ ਦਾ ਦੋਸ਼ ਹੈ।
