ਗੰਭੀਰ ਸੱਟਾਂ ਲੱਗੀਆਂ,ਹਸਪਤਾਲ 'ਚ ਕਰਵਾਇਆ ਦਾਖਲ
ਹੈਦਰਾਬਾਦ :ਆਂਧਰਾ ਪ੍ਰਦੇਸ਼ ਦੇ ਚਿਤੁਰ ਜਿਲ੍ਹੇ ਵਿਚ ਇਕ ਵਿਅਕਤੀ ਸੈਲਫ਼ੀ ਲੈਂਦੇ ਸਮੇਂ ਪਹਾੜੀ ਤੋਂ ਤਿਲਕ ਕੇ 30 ਫੁੱਟ ਹੇਠਾਂ ਡਿੱਗ ਗਿਆ। ਵਿਅਕਤੀ ਇਕ ਪਹਾੜੀ ਦੇ ਸਾਹਮਣੇ ਸੈਲਫ਼ੀ ਲੈ ਰਿਹਾ ਸੀ, ਉਦੋਂ ਹੀ ਉਸ ਦਾ ਪੈਰ ਤਿਲਕ ਗਿਆ। ਹਾਲਾਂਕਿ ਉਹ ਹੇਠਾਂ ਡਿੱਗਣ ਦੇ ਬਾਵਜੂਦ ਵੀ ਹੈਰਾਨੀਜਨਕ ਰੂਪ ਨਾਲ ਬੱਚ ਗਿਆ ਪਰ ਉਸ ਦੇ ਗੰਭੀਰ ਸੱਟਾਂ ਲੱਗੀਆਂ ਹਨ। ਵਿਅਕਤੀ ਦੀ ਪਹਿਚਾਣ ਸੱਤਿਆ ਨਾਰਾਇਣ ਦੇ ਰੂਪ ਵਿਚ ਹੋਈ ਹੈ।
A person fall down 30 feet while taking selfies from a hill
ਸੱਤਿਆ ਨਾਰਾਇਣ ਬੁਆਏਕੋਂਡਾ-ਗੰਗਾਮਾ ਮੰਦਰ ਵਿਚ ਦਰਸ਼ਨਾਂ ਲਈ ਆਇਆ ਸੀ। ਮੰਦਰ ਵਿਚ ਕੁੱਝ ਲੋਕ ਦਰਸ਼ਨ ਲਈ ਆਏ ਹੋਏ ਸਨ। ਉਨ੍ਹਾਂ ਨੇ ਇਸ ਵਿਅਕਤੀ ਨੂੰ ਪਹਾੜੀ ਦੇ ਹੇਠਾਂ ਡਿੱਗਦੇ ਹੋਏ ਵੇਖ ਲਿਆ। ਇਸ ਤੋਂ ਬਾਅਦ ਸਥਾਨਕ ਲੋਕਾਂ ਨੇ ਪੁਲਿਸ ਨੂੰ ਫ਼ੋਨ ਕੀਤਾ। ਫ਼ੋਨ ਕਰਨ ਤੋਂ ਕੁੱਝ ਦੇਰ ਬਾਅਦ ਬਚਾਅ ਟੀਮ ਮੌਕੇ 'ਤੇ ਆ ਗਈ। ਵਿਅਕਤੀ ਨੂੰ ਪਹਾੜੀ ਤੋਂ ਕੱਢਣ ਲਈ ਪੁਲਿਸ ਨੂੰ ਕਾਫ਼ੀ ਮਿਹਨਤ ਕਰਨੀ ਪਈ। ਪੁਲਿਸ ਨੇ ਜ਼ਖ਼ਮੀ ਵਿਅਕਤੀ ਨੂੰ ਹਸਪਤਾਲ ਵਿਚ ਦਾਖਲ ਕਰਵਾਇਆ ਹੈ। ਉਸ ਦੇ ਪੈਰ ਵਿਚ ਫਰੈਕਚਰ ਹੋ ਗਿਆ ਹੈ ਪਰ ਉਸ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਹੈ।
Madhya Pardeh Police
ਦੱਸ ਦਈਏ ਕਿ ਸੁੰਦਰ ਸਥਾਨ ਹੋਣ ਕਰਕੇ ਇੱਥੇ ਵੱਡੀ ਗਿਣਤੀ 'ਚ ਸ਼ਰਧਾਲੂ ਆਉਂਦੇ ਹਨ ਅਤੇ ਸੈਲਫੀਆਂ ਲੈਂਦੇ ਹਨ। ਪਹਾੜੀ ਹੋਣ ਕਰ ਕੇ ਇਹ ਇਲਾਕਾ ਕਾਫ਼ੀ ਤਿਲਕਣਦਾਰ ਹੈ। ਇੱਥੋਂ ਦਾ ਦ੍ਰਿਸ਼ ਕਾਫ਼ੀ ਸੁੰਦਰ ਹੈ। ਪਰ ਇੱਥੇ ਪੁੱਜਣ ਵਿਚ ਕਾਫ਼ੀ ਖ਼ਤਰਾ ਹੈ। ਪੁਲਿਸ ਨੇ ਲੋਕਾਂ ਨੂੰ ਚਿਤਾਵਨੀ ਦੇਣ ਦੇ ਲਈ ਇਥੇ ਬੋਰਡ ਵੀ ਲਗਾਏ ਹੋਏ ਹਨ ਅਤੇ ਹਦਾਇਤ ਦਿੱਤੀ ਹੋਈ ਹੈ ਕਿ ਉਹ ਇਹੋ ਜਿਹੀ ਜਗ੍ਹਾ 'ਤੇ ਨਾ ਜਾਣ। ਪਰ ਪੁਲਿਸ ਦੀ ਸਲਾਹ ਨੂੰ ਲੋਕ ਦਰਕਿਨਾਰ ਕਰ ਕੇ ਉੱਪਰ ਚੜ੍ਹ ਜਾਂਦੇ ਹਨ। ਇੱਥੋਂ ਹਾਦਸੇ ਦੀ ਖ਼ਬਰਾਂ ਆਉਂਦੀਆਂ ਰਹਿੰਦੀਆਂ ਹਨ।
