ਸੌਦਾ ਸਾਧ ਨਾਲ ਮਿਲਣ ਨੂੰ ਤਰਸ ਰਹੀ ਹੈ ਹਨੀਪ੍ਰੀਤ
ਚੰਡੀਗੜ੍ਹ : ਸੌਦਾ ਸਾਧ ਰਾਮ ਰਹੀਮ ਨਾਲ ਹਨੀਪ੍ਰੀਤ ਦੀ ਮੁਲਾਕਾਤ ‘ਤੇ ਜੇਲ੍ਹ ਮੰਤਰੀ ਰੰਜੀਤ ਸਿੰਘ ਚੌਟਾਲਾ ਦਾ ਵੱਡਾ ਬਿਆਨ ਸਾਹਮਣੇ ਆਇਆ ਹੈ। ਉਨ੍ਹਾਂ ਨੇ ਕਿਹਾ ਕਿ ‘’ਰਾਮ ਰਹੀਮ ਅਤੇ ਹਨੀਪ੍ਰੀਤ ਦੀ ਮੁਲਾਕਾਤ ‘ਤੇ ਫ਼ੈਸਲਾ ਕਾਨੂੰਨ ਅਨੁਸਾਰ ਲਿਆ ਜਾਵੇਗਾ। ਮਾਮਲਾ ਸੂਬੇ ਦੇ ਗ੍ਰਹਿ ਮੰਤਰੀ ਅਨਿਲ ਵਿੱਜ ਕੋਲ ਹੈ ਅਤੇ ਅਨਿਲ ਵਿੱਜ ਇਸ ਮਾਮਲੇ ਨੂੰ ਲੈ ਕੇ ਚਰਚਾ ਕਰਨਗੇ। ਜੇਲ੍ਹ ਮੰਤਰੀ ਹੋਣ ਦੇ ਨਾਤੇ ਮੇਰੇ ਤੋਂ ਜੋ ਰਿਪੋਰਟ ਮੰਗੀ ਜਾਵੇਗੀ ਉਹ ਭੇਜ ਦਿੱਤੀ ਜਾਵੇਗੀ। ਹਲਾਤਾਂ ਦੇ ਅਨੁਸਾਰ ਗ੍ਰਹਿ ਮੰਤਰੀ ਨਾਲ ਮਿਲ ਕੇ ਫ਼ੈਸਲਾ ਲੈਵਾਂਗੇ। ਬਿਨਾ ਕਿਸੇ ਪੱਖਪਾਤ ਅਤੇ ਭੇਦਭਾਵ ਤੋਂ ਕਾਨੂੰਨ ਅਨੁਸਾਰ ਫ਼ੈਸਲਾ ਲਿਆ ਜਾਵੇਗਾ’’।
File Photo
ਦੱਸ ਦਈਏ ਕਿ ਦੋ ਸਾਲ ਬਾਅਦ ਜੇਲ੍ਹ ਦੀ ਸਲਾਖਾਂ ਤੋਂ ਬਾਹਰ ਆਈ ਹਨੀਪ੍ਰੀਤ ਰਾਮ ਰਹੀਮ ਨੂੰ ਮਿਲਣ ਦੇ ਲਈ ਹੁਣ ਤਰਸ ਰਹੀ ਹੈ ਅਤੇ ਇਸੇ ਲਈ ਹਨੀਪ੍ਰੀਤ ਨੇ ਹੁਣ ਹਰਿਆਣਾ ਦੇ ਗ੍ਰਹਿ ਮੰਤਰੀ ਅਨਿਲ ਵਿੱਜ ਦੇ ਸਾਹਮਣੇ ਗੁਹਾਰ ਲਗਾਈ ਹੈ। ਹਨੀਪ੍ਰੀਤ ਦੇ ਵਕੀਲ ਅੰਬਾਲਾ ਪਹੁੰਚੇ ਅਤੇ ਗ੍ਰਹਿ ਮੰਤਰੀ ਨੂੰ ਬੇਨਤੀ ਕੀਤੀ ਕਿ ਹਨੀਪ੍ਰੀਤ ਨੂੰ ਸੁਨਾਰੀਆ ਜੇਲ੍ਹ ਵਿਚ ਬੰਦ ਸੌਦਾ ਸਾਧ ਗੁਰਮੀਤ ਰਾਮ ਰਹੀਮ ਨਾਲ ਮੁਲਾਕਾਤ ਕਰਨ ਦੀ ਆਗਿਆ ਦਿੱਤੀ ਜਾਵੇ।
File Photo
ਅਨਿਲ ਵਿੱਜ ਨੂੰ ਮਿਲਣ ਗਏ ਹਨੀਪ੍ਰੀਤ ਦੇ ਵਕੀਲ ਨੇ ਕਿਹਾ ਕਿ ਇਕ ਧੀ ਨੂੰ ਬਾਪ ਨਾਲ ਮਿਲਣ ਦੀ ਆਗਿਆ ਦੇ ਲਈ ਉਹ ਅਨੀਲ ਵਿੱਜ ਕੋਲ ਪਹੁੰਚੇ ਹਨ। ਹਨੀਪ੍ਰੀਤ ਦੇ ਵਕੀਲ ਨੇ ਦੱਸਿਆ ਕਿ ਹਨੀਪ੍ਰੀਤ ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ ਹੀ ਡੇਰਾ ਮੁੱਖੀ ਨਾਲ ਮੁਲਾਕਾਤ ਕਰਨ ਦੀ ਕੌਸ਼ਿਸ਼ਾਂ ਵਿਚ ਲੱਗੀ ਹੈ।
File Photo
ਸੌਦਾ ਸਾਧ ਨਾਲ ਜੇਲ੍ਹ ਵਿਚ ਉਸਦਾ ਪਰਿਵਾਰ ਲਗਾਤਾਰ ਮੁਲਾਕਾਤ ਕਰ ਰਿਹਾ ਹੈ। ਇਸ ਤੋਂ ਬਾਅਦ ਵੀ ਹਨੀਪ੍ਰੀਤ ਦੇ ਵਕੀਲ ਇਹ ਦਾਅਵਾ ਕਰ ਰਹੇ ਹਨ ਕਿ ਗੁਰਮੀਤ ਰਾਮ ਰਹੀਮ ਨੂੰ ਜੋ ਨਿਰਦੇਸ਼ ਹਨੀਪ੍ਰੀਤ ਨੂੰ ਦੇਣੇ ਹਨ ਉਸਦੇ ਲਈ ਇਨ੍ਹਾਂ ਦੋਣਾਂ ਦੀ ਜੇਲ੍ਹ ਵਿਚ ਮੁਲਾਕਾਤ ਬਹੁਤ ਜ਼ਰੂਰੀ ਹੈ।
