ਨਰਪੇਂਦਰ ਮਿਸ਼ਰਾ, ਪ੍ਰਧਾਨ ਮੰਤਰੀ ਦੇ ਮੁੱਖ ਸਕੱਤਰ ਦੇ ਅਹੁਦੇ ਨੂੰ ਛੱਡਣ ਤੋਂ ਬਾਅਦ ਹੀ ਉਨ੍ਹਾਂ ਦੇ ਅਗਲੇ...
ਨਵੀਂ ਦਿੱਲੀ: ਨਰਪੇਂਦਰ ਮਿਸ਼ਰਾ, ਪ੍ਰਧਾਨ ਮੰਤਰੀ ਦੇ ਮੁੱਖ ਸਕੱਤਰ ਦੇ ਅਹੁਦੇ ਨੂੰ ਛੱਡਣ ਤੋਂ ਬਾਅਦ ਹੀ ਉਨ੍ਹਾਂ ਦੇ ਅਗਲੇ ਕਾਰਜਕਾਲ ਨੂੰ ਲੈ ਕੇ ਅਟਕਲਾਂ ਤੇਜ ਹੋ ਗਈਆਂ ਹਨ। ਉੱਤਰ ਪ੍ਰਦੇਸ਼ ਕੈਡਰ ਦੇ 1977 ਬੈਚ ਦੇ ਨੌਕਰਸ਼ਾਹ ਮਿਸ਼ਰਾ ਨੂੰ ਨਵੇਂ ਬਣਾਏ ਗਏ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਜੰਮੂ ਅਤੇ ਕਸ਼ਮੀਰ ਦਾ ਉਪ-ਰਾਜਪਾਲ ਬਣਾਉਣ ਦੀਆਂ ਅਟਕਲਾਂ ਤੇਜ ਹੋ ਗਈਆਂ ਹਨ। ਪ੍ਰਧਾਨ ਮੰਤਰੀ ਦੇ ਕਰੀਬੀ ਅਤੇ ਪੰਜ ਸਾਲ ਤੱਕ ਅਹਿਮ ਅਹੁਦਾ ਸੰਭਾਲਣ ਵਾਲੇ ਮਿਸ਼ਰਾ ਜੰਮੂ ਅਤੇ ਕਸ਼ਮੀਰ ਵਿੱਚ ਇਸ ਮਹੱਤਵਪੂਰਨ ਅਹੁਦੇ ਦੇ ਦਾਅਵੇਦਾਰਾਂ ਵਿੱਚੋਂ ਇੱਕ ਹਨ।
Narpendera Mishra
ਕੇਂਦਰ ਸਰਕਾਰ ਰਾਜ ਨੂੰ ਇੱਕੋ ਜਿਹੇ ਹਾਲਤ ਵਿੱਚ ਲਿਆਉਣ ਨੂੰ ਚਿੰਤਤ ਹੈ ਅਤੇ 5 ਅਗਸਤ ਤੋਂ ਲਗਾਏ ਗਈਆਂ ਰੋਕਾਂ ਨੂੰ ਘੱਟ ਕਰਨ ਦੀ ਯੋਜਨਾ ਹੈ। ਉੱਥੇ ਵਿਧਾਨ ਸਭਾ ਚੋਣ ਕਰਾਉਣ ਤੋਂ ਇਲਾਵਾ ਚੋਣ ਖੇਤਰਾਂ ਦਾ ਪਰਿਸੀਮਨ ਵੀ ਇੱਕ ਮਹੱਤਵਪੂਰਨ ਕਾਰਜ ਹੈ। ਨਰਪੇਂਦਰ ਮਿਸ਼ਰਾ ਨੂੰ ਦਿੱਲੀ ਦਾ ਉਪ-ਰਾਜਪਾਲ ਬਣਾਉਣ ਦੀ ਵੀ ਚਰਚਾ ਚੱਲ ਰਹੀ ਹੈ, ਕਿਉਂਕਿ ਅਗਲੇ ਸਾਲ ਉੱਥੇ ਚੋਣਾਂ ਹੋਣੀਆਂ ਹਨ। ਮੁੱਖ ਸਕੱਤਰ ਦਾ ਅਹੁਦਾ ਛੱਡਣ ਦੇ ਫੈਸਲੇ ਤੋਂ ਬਾਅਦ ਮਿਸ਼ਰਾ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਹੁਣ ਉਨ੍ਹਾਂ ਦੇ ਲਈ ਅੱਗੇ ਵਧਣ ਅਤੇ ਜਨਤਕ ਅਤੇ ਰਾਸ਼ਟਰੀ ਹਿੱਤ ਲਈ ਸਮਰਪਤ ਰਹਿਣ ਦਾ ਸਮਾਂ ਹੈ।
Narpendera Mishra
ਦੱਸ ਦਈਏ ਕਿ ਅੱਜ ਹੀ ਖ਼ਬਰ ਆਈ ਸੀ ਕਿ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੇ ਮੁੱਖ ਸੈਕਰੇਟਰੀ ਨਰਪੇਂਦਰ ਮਿਸ਼ਰਾ ਦੀ ਥਾਂ ਪੀ.ਕੇ ਸਿੰਨਹਾ ਲੈਣਗੇ। ਨਰਪੇਂਦਰ ਮਿਸ਼ਰਾ ਨੇ ਆਪਣੇ ਦਾਅਵਿਆਂ ਤੋਂ ਅਜ਼ਾਦ ਹੋਣ ਦੀ ਇੱਛਾ ਜਤਾਈ ਸੀ। ਇਸਨੂੰ ਪੀਐਮ ਮੋਦੀ ਨੇ ਸਵੀਕਾਰ ਕਰ ਲਿਆ ਹੈ। ਪੀਐਮ ਮੋਦੀ ਨੇ ਮਿਸ਼ਰਾ ਨੂੰ ਦੋ ਹਫਤੇ ਤੱਕ ਅਹੁਦੇ ਉੱਤੇ ਰਹਿਣ ਲਈ ਕਿਹਾ ਹੈ। ਪੀਕੇ ਸਿੰਨਹਾ ਨੂੰ ਫਿਲਹਾਲ ਓਐਸਡੀ ਅਹੁਦੇ ਉੱਤੇ ਨਿਯੁਕਤ ਕਰ ਦਿੱਤਾ ਗਿਆ ਹੈ। ਪੀਐਮ ਨਰੇਂਦਰ ਮੋਦੀ ਨੇ ਮੁੱਖ ਸਕੱਤਰ ਨਰਪੇਂਦਰ ਮਿਸ਼ਰਾ ਦੇ ਸੇਵਾਮੁਕਤ ਹੋਣ ਦੇ ਬਾਰੇ ‘ਚ ਅੱਜ ਆਪ ਟਵੀਟ ਕਰਕੇ ਜਾਣਕਾਰੀ ਦਿੱਤੀ।
Narpendera mishra
ਉਨ੍ਹਾਂ ਨੇ ਚਾਰ ਟਵੀਟ ਕੀਤੇ ਅਤੇ ਨਰਪੇਂਦਰ ਮਿਸ਼ਰਾ ਦੀ ਤਾਰੀਫ਼ ਕੀਤੀ। ਮਿਸ਼ਰਾ ਸੰਨ 2014 ਤੋਂ ਪ੍ਰਧਾਨ ਮੰਤਰੀ ਦਫ਼ਤਰ ਵਿੱਚ ਪੀਐਮ ਮੋਦੀ ਦੇ ਨਾਲ ਰਹੇ ਹਨ। ਪੀਐਮ ਨਰੇਂਦਰ ਮੋਦੀ ਨੇ ਕਿਹਾ ਕਿ 2019 ਦੇ ਚੋਣ ਨਤੀਜੇ ਆਉਣ ਤੋਂ ਬਾਅਦ ਸ਼੍ਰੀ ਨਰਪੇਂਦਰ ਮਿਸ਼ਰਾ ਨੇ ਆਪਣੇ ਆਪ ਨੂੰ ਮੁੱਖ ਸੈਕਟਰੀ ਦੇ ਅਹੁਦੇ ਤੋਂ ਸੇਵਾਮੁਕਤ ਕੀਤੇ ਜਾਣ ਦਾ ਅਨੁਰੋਧ ਕੀਤਾ ਸੀ।
