ਭਾਰਤ ਦੁਨੀਆਂ ਦਾ ਛੇਵਾਂ ਸੱਭ ਤੋਂ ਅਮੀਰ ਦੇਸ਼, ਅਮਰੀਕਾ ਸਿਖਰ 'ਤੇ
Published : Jan 30, 2018, 11:53 pm IST
Updated : Jan 30, 2018, 6:23 pm IST
SHARE ARTICLE

ਨਵੀਂ ਦਿੱਲੀ, 30 ਜਨਵਰੀ : ਦੁਨੀਆਂ ਦੇ ਸੱਭ ਤੋਂ ਅਮੀਰ ਦੇਸ਼ਾਂ ਦੀ ਸੂਚੀ ਵਿਚ ਭਾਰਤ ਨੂੰ ਛੇਵਾਂ ਸਥਾਨ ਮਿਲਿਆ ਹੈ। ਦੇਸ਼ ਦੀ ਕੁਲ ਸੰਪਤੀ 8230 ਅਰਬ ਡਾਲਰ ਹੈ। ਇਸ ਸੂਚੀ ਵਿਚ ਅਮਰੀਕਾ ਪਹਿਲੇ ਸਥਾਨ 'ਤੇ ਕਾਬਜ਼ ਹੈ। ਨਿਊ ਵਰਲਡ ਵੈਲਥ ਦੀ ਰੀਪੋਰਟ ਵਿਚ ਇਹ ਪ੍ਰਗਟਾਵਾ ਕੀਤਾ ਗਿਆ ਹੈ। ਰੀਪੋਰਟ ਮੁਤਾਬਕ 2017 ਵਿਚ 64584 ਅਰਬ ਡਾਲਰ ਦੀ ਕੁਲ ਸੰਪਤੀ ਨਾਲ ਅਮਰੀਕਾ ਦੁਨੀਆਂ ਦਾ ਸੱਭ ਤੋਂ ਅਮੀਰ ਦੇਸ਼ ਹੈ। ਅਮਰੀਕਾ ਮਗਰੋਂ 24803 ਅਰਬ ਡਾਲਰ ਦੀ ਸੰਪਤੀ ਨਾਲ ਦੂਜੇ ਸਥਾਨ 'ਤੇ ਚੀਨ ਅਤੇ ਤੀਜੇ ਸਥਾਨ 'ਤੇ ਜਾਪਾਨ 19522 ਅਰਬ ਡਾਲਰ ਦੀ ਸੰਪਤੀ ਨਾਲ ਹੈ। ਕੁਲ ਸੰਪਤੀ ਤੋਂ ਅਰਥ ਦੇਸ਼/ਸ਼ਹਿਰ ਵਿਚ ਰਹਿਣ ਵਾਲੇ ਸਾਰੇ ਵਿਅਕਤੀਆਂ ਦੀ ਨਿਜੀ ਸੰਪਤੀ ਹੈ। ਇਸ ਵਿਚ ਉਨ੍ਹਾਂ ਦੀਆਂ ਦੇਣਦਾਰੀਆਂ ਜਿਵੇਂ ਨਕਦੀ, ਸ਼ੇਅਰ, ਕਾਰੋਬਾਰੀ ਹਿੱਸੇਦਾਰੀ ਨੂੰ ਘਟਾ ਕੇ ਸਾਰੀਆਂ ਸੰਪਤੀਆਂ ਸ਼ਾਮਲ ਹਨ। ਰੀਪੋਰਟ ਵਿਚ ਸਰਕਾਰੀ ਧਨ ਨੂੰ ਬਾਹਰ ਰਖਿਆ ਗਿਆ ਹੈ। 


ਸੂਚੀ ਵਿਚ ਬਰਤਾਨੀਆ 9919 ਅਰਬ ਡਾਲਰ ਦੀ ਸੰਪਤੀ ਨਾਲ ਚੌਥੇ, ਜਰਮਨ 9660 ਅਰਬ ਡਾਲਰ ਦੀ ਸੰਪਤੀ ਨਾਲ ਪੰਜਵੇਂ, ਫ਼ਰਾਂਸ 6649 ਅਰਬ ਡਾਲਰ ਦੀ ਸੰਪਤੀ ਨਾਲ ਸਤਵੇਂ, ਕੈਨੇਡਾ 6393 ਅਰਬ ਡਾਲਰ ਦੀ ਸੰਪਤੀ ਨਾਲ ਅਠਵੇਂ ਸਥਾਨ 'ਤੇ ਹੈ। ਆਸਟਰੇਲੀਆ ਅਤੇ ਇਟਲੀ ਨੌਵੇਂ ਤੇ ਦਸਵੇਂ ਸਥਾਨ 'ਤੇ ਹਨ। ਰੀਪੋਰਟ ਵਿਚ ਦੇਸ਼ ਨੂੰ 2017 ਵਿਚ ਸੱਭ ਤੋਂ ਚੰਗਾ ਪ੍ਰਦਰਸ਼ਨ ਕਰਨ ਵਾਲਾ ਸੰਪਤੀ ਬਾਜ਼ਾਰ ਦਸਿਆ ਗਿਆ ਹੈ। ਦੇਸ਼ ਦੀ ਕੁਲ ਸੰਪਤੀ 2016 ਵਿਚ 6584 ਅਰਬ ਡਾਲਰ ਤੋਂ ਵੱਧ ਕੇ 2017 ਵਿਚ 8230 ਅਰਬ ਡਾਲਰ ਹੋ ਗਈ ਹੈ ਯਾਨੀ 25 ਫ਼ੀ ਸਦੀ ਦਾ ਵਾਧਾ। ਕਰੋੜਪਤੀਆਂ ਦੀ ਗਿਣਤੀ ਦੇ ਹਿਸਾਬ ਨਾਲ ਭਾਰਤ ਦੁਨੀਆਂ ਦਾ ਸਤਵਾਂ ਸੱਭ ਤੋਂ ਵੱਡਾ ਦੇਸ਼ ਹੈ ਜਿਥੇ 20730 ਕਰੋੜਪਤੀ ਹਨ। ਅਰਬਪਤੀਆਂ ਪੱਖੋਂ ਦੇਸ਼ ਦਾ ਸਥਾਨ ਅਮਰੀਕਾ ਅਤੇ ਚੀਨ ਮਗਰੋਂ ਤੀਜਾ ਹੈ। ਇਥੇ 119 ਅਰਬਪਤੀ ਹਨ।   (ਏਜੰਸੀ) 

SHARE ARTICLE
Advertisement

Punjab Flood Emotional Video : ਮੀਂਹ ਨਾਲ ਚੋਂਦੀ ਛੱਤ ਥੱਲੇ ਬੈਠੀ ਬਜ਼ੁਰਗ ਮਾਤਾ, ਹਾਲਾਤ ਦੱਸਦਿਆਂ ਰੋ ਪਈ

29 Aug 2025 3:12 PM

Flood News : Madhopur ਹੈੱਡ ਵਰਕਸ ਦੇ ਕਿਉਂ ਟੁੱਟੇ Flood Gate? ਹੁਣ ਕਿੰਝ ਕਾਬੂ ਹੋਵੇਗਾ Ravi River ਦਾ ਪਾਣੀ ?

29 Aug 2025 3:11 PM

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM

Punjab Flood Rescue Operation : ਲੋਕਾਂ ਦੀ ਜਾਨ ਬਚਾਉਣ ਲਈ ਪਾਣੀ 'ਚ ਉਤਰਿਆ ਫੌਜ ਦਾ 'HULK'

28 Aug 2025 2:55 PM

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM
Advertisement