ਸਰਕਾਰ ਦੀ ਬੇਰਹਿਮੀ ਵਾਲੇ ਦ੍ਰਿਸ਼ਾਂ ਵਿਚ ਹੁਣ ਵੇਖਣ ਲਈ ਕੁਝ ਵੀ ਨਹੀਂ ਬਚਿਆ- ਰਾਹੁਲ ਗਾਂਧੀ
ਨਵੀਂ ਦਿੱਲੀ: ਖੇਤੀ ਕਾਨੂੰਨਾਂ ਵਿਰੁੱਧ ਜਾਰੀ ਕਿਸਾਨੀ ਮੋਰਚੇ ਦੇ ਚਲਦਿਆਂ ਰਾਹੁਲ ਗਾਂਧੀ ਲਗਾਤਾਰ ਕੇਂਦਰ ਦੀ ਮੋਦੀ ਸਰਕਾਰ ਨੂੰ ਨਿਸ਼ਾਨੇ ‘ਤੇ ਲੈ ਰਹੇ ਹਨ। ਇਕ ਵਾਰ ਫਿਰ ਕੇਂਦਰ ‘ਤੇ ਬਰਸਦਿਆਂ ਰਾਹੁਲ ਗਾਂਧੀ ਨੇ ਕਿਹਾ ਕਿ ਨਿਡਰ ਕਿਸਾਨ ਅਪਣੇ ਹੀ ਹਨ, ਇਹ ਗੈਰ ਨਹੀਂ।
Farmer Protest
ਕਿਸਾਨੀ ਸੰਘਰਸ਼ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦਿਆਂ ਰਾਹੁਲ ਗਾਂਧੀ ਨੇ ਕੈਪਸ਼ਨ ਲਿਖਿਆ, ‘ਸਰਦੀ ਦੀ ਭਿਆਨਕ ਬਾਰਿਸ਼ ਵਿਚ, ਟੈਂਟ ਦੀ ਟਪਦਕੀ ਛੱਤ ਹੇਠਾਂ। ਜੋ ਬੈਠੇ ਹਨ ਸੁੰਘੜ ਕੇ, ਨਿਡਰ ਕਿਸਾਨ ਅਪਣੇ ਹੀ ਹਨ, ਗੈਰ ਨਹੀਂ। ਸਰਕਾਰ ਦੀ ਬੇਰਹਿਮੀ ਵਾਲੇ ਦ੍ਰਿਸ਼ਾਂ ਵਿਚ ਹੁਣ ਵੇਖਣ ਲਈ ਕੁਝ ਵੀ ਨਹੀਂ ਬਚਿਆ’।
सर्दी की भीषण बारिश में
— Rahul Gandhi (@RahulGandhi) January 4, 2021
टेंट की टपकती छत के नीचे
जो बैठे हैं सिकुड़-ठिठुर कर
वो निडर किसान अपने ही हैं, ग़ैर नहीं
सरकार की क्रूरता के दृश्यों में
अब कुछ और देखने को शेष नहीं#KisanNahiToDeshNahi pic.twitter.com/DzWsLXygVf
ਇਸ ਤੋਂ ਪਹਿਲਾਂ ਬੀਤੇ ਦਿਨ ਰਾਹੁਲ ਗਾਂਧੀ ਨੇ ਕੇਂਦਰ ਦੀ ਮੋਦੀ ਸਰਕਾਰ ਦੀ ਤੁਲਨਾ ਅੰਗਰੇਜ਼ੀ ਹਕੂਮਤ ਨਾਲ ਕੀਤੀ ਸੀ। ਇਸ ਦੌਰਾਨ ਉਹਨਾਂ ਨੇ ਟਵੀਟ ਕਰਦਿਆਂ ਕਿਹਾ ਕਿ ਦੇਸ਼ ਵਿਚ ਫਿਰ ਤੋਂ ਗੁਲਾਮ ਭਾਰਤ ਵਰਗੇ ਹਾਲਾਤ ਹਨ ਤੇ ਕਿਸਾਨ ਚੰਪਾਰਣ ਵਰਗੀ ਤ੍ਰਾਸਦੀ ਸਹਿਣ ਜਾ ਰਹੇ ਹਨ।
Rahul Gandhi
ਰਾਹੁਲ ਗਾਂਧੀ ਨੇ ਟਵੀਟ ਕੀਤਾ, ‘ ਦੇਸ਼ ਇਕ ਵਾਰ ਫਿਰ ਚੰਪਾਰਣ ਵਰਗੀ ਸਥਿਤੀ ਸਹਿਣ ਜਾ ਰਿਹਾ ਹੈ। ਉਸ ਸਮੇਂ ਅੰਗਰੇਜ਼ ਕੰਪਨੀ ਬਹਾਦਰ ਸੀ, ਹੁਣ ਮੋਦੀ-ਮਿੱਤਰ ਕੰਪਨੀ ਬਹਾਦਰ ਹੈ। ਪਰ ਅੰਦੋਲਨ ਦਾ ਹਰ ਇਕ ਕਿਸਾਨ-ਮਜ਼ਦੂਰ ਸੱਤਿਆਗ੍ਰਹੀ ਹੈ, ਜੋ ਅਪਣਾ ਅਧਿਕਾਰ ਲੈ ਕੇ ਹੀ ਰਹੇਗਾ’।
