ਕਿਹਾ ਘਰ ਛੱਡਿਆ ਹੈ ਪਤਨੀ ਨਹੀਂ, 19 ਅਪ੍ਰੈਲ ਨੂੰ ਵੋਟ ਪਾਉਣ ਤੋਂ ਬਾਅਦ ਘਰ ਵਾਪਸ ਜਾਣਗੇ

ਬਾਲਾਘਾਟ, ਮੱਧ ਪ੍ਰਦੇਸ਼ ਦੇ ਬਾਲਾਘਾਟ ਤੋਂ ਬਹੁਜਨ ਸਮਾਜ ਪਾਰਟੀ (ਬਸਪਾ) ਦੇ ਲੋਕ ਸਭਾ ਉਮੀਦਵਾਰ ਕੰਕਰ ਮੁੰਜਰੇ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਜਿਸ ’ਚ ਕਾਂਗਰਸ ਵਿਧਾਇਕ ਪਤਨੀ ਅਨੁਭਾ ਮੁੰਜਰੇ ਨਾਲ ਰਹਿੰਦੇ ਸਨ ਉਸ ਘਰ ਨੂੰ ਛੱਡ ਦਿੱਤਾ ਹੈ। 
ਮੁੰਜਾਰੇ ਨੇ ਕਿਹਾ ਕਿ ਉਨ੍ਹਾਂ ਨੇ ਇਹ ਫੈਸਲਾ ਇਸ ਲਈ ਲਿਆ ਹੈ ਕਿਉਂਕਿ ਚੋਣਾਂ ਦੌਰਾਨ ਵੱਖ-ਵੱਖ ਵਿਚਾਰਧਾਰਾ ਵਾਲੇ ਦੋ ਵਿਅਕਤੀ ਇਕ ਛੱਤ ਹੇਠਾਂ ਨਹੀਂ ਰਹਿਣੇ ਚਾਹੀਦੇ। ਸਾਬਕਾ ਵਿਧਾਇਕ ਅਤੇ ਸੰਸਦ ਮੈਂਬਰ ਕੰਕਰ ਮੁੰਜਰੇ ਨੇ ਕਿਹਾ ਕਿ ਉਹ 19 ਅਪ੍ਰੈਲ ਨੂੰ ਵੋਟ ਪਾਉਣ ਤੋਂ ਬਾਅਦ ਘਰ ਪਰਤਣਗੇ।
ਉਸਨੇ ਦੱਸਿਆ, “ਮੈਂ ਸ਼ੁੱਕਰਵਾਰ ਨੂੰ ਆਪਣਾ ਘਰ ਛੱਡਿਆ ਅਤੇ ਇੱਕ ਡੈਮ ਦੇ ਕੋਲ ਇੱਕ ਝੌਂਪੜੀ ਵਿਚ ਰਹਿ ਰਿਹਾ ਹਾਂ। ਜੇਕਰ ਦੋ ਵੱਖ-ਵੱਖ ਵਿਚਾਰਧਾਰਾ ਵਾਲੇ ਲੋਕ ਇੱਕ ਛੱਤ ਹੇਠ ਰਹਿੰਦੇ ਹਨ, ਤਾਂ ਲੋਕ ਸੋਚਣਗੇ ਕਿ ਇਹ ਮੈਚ ਫਿਕਸਿੰਗ ਹੈ।
ਉਨ੍ਹਾਂ ਦੀ ਪਤਨੀ ਅਨੁਭਾ ਮੁੰਜਰੇ ਨੇ ਨਵੰਬਰ 2023 ਦੀਆਂ ਵਿਧਾਨ ਸਭਾ ਚੋਣਾਂ ਵਿਚ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਦਿੱਗਜ ਆਗੂ ਗੌਰੀਸ਼ੰਕਰ ਬਿਸੇਨ ਨੂੰ ਹਰਾਇਆ ਸੀ। ਉਸਨੇ ਕਿਹਾ ਕਿ ਉਹ ਆਪਣੇ ਪਤੀ ਦੇ ਰੁਖ ਤੋਂ ਦੁਖੀ ਹੋ ਕਿ ਕਿਹਾ ਸੀ ਇੱਕ ਔਰਤ ਆਪਣੇ ਵਿਆਹ ਵਾਲੇ ਘਰ ਜਾਂਦੀ ਹੈ ਅਤੇ ਮਰਦੇ ਦਮ ਤੱਕ ਉੱਥੇ ਹੀ ਰਹਿੰਦੀ ਹੈ।
ਅਨੁਭਾ ਮੁੰਜਰੇ ਨੇ ਕਿਹਾ, “ਜਦੋਂ ਉਹ ਪਰਸਵਾਰਾ ਤੋਂ ਗੋਂਡਵਾਨਾ ਗੰਤੰਤਰ ਪਾਰਟੀ ਦੇ ਉਮੀਦਵਾਰ ਸਨ ਅਤੇ ਮੈਂ ਕਾਂਗਰਸ ਦੀ ਟਿਕਟ ’ਤੇ ਬਾਲਾਘਾਟ ਤੋਂ ਚੋਣ ਲੜ ਰਿਹਾ ਸੀ, ਅਸੀਂ ਇਕੱਠੇ ਰਹਿੰਦੇ ਸੀ। ਸਾਡੇ ਵਿਆਹ ਨੂੰ 33 ਸਾਲ ਹੋ ਗਏ ਹਨ ਅਤੇ ਅਸੀਂ ਆਪਣੇ ਬੇਟੇ ਨਾਲ ਖੁਸ਼ੀ-ਖੁਸ਼ੀ ਰਹਿ ਰਹੇ ਹਾਂ।
ਉਨ੍ਹਾਂ ਕਿਹਾ ਕਿ ਉਹ ਕਾਂਗਰਸ ਦੇ ਵਫ਼ਾਦਾਰ ਵਰਕਰ ਹਨ ਅਤੇ ਬਾਲਾਘਾਟ ਤੋਂ ਲੋਕ ਸਭਾ ਚੋਣਾਂ ’ਚ ਪਾਰਟੀ ਉਮੀਦਵਾਰ ਸਮਰਾਟ ਸਾਰਸਵਤ ਦੀ ਜਿੱਤ ਯਕੀਨੀ ਬਣਾਉਣ ਲਈ ਹਰ ਸੰਭਵ ਯਤਨ ਕਰਨਗੇ।
ਇਸ ਦੇ ਨਾਲ ਹੀ ਵਿਧਾਇਕ ਨੇ ਕਿਹਾ ਕਿ ਉਹ ਚੋਣ ਪ੍ਰਚਾਰ ਦੌਰਾਨ ਆਪਣੇ ਪਤੀ ਬਾਰੇ ਬੁਰਾ ਨਹੀਂ ਬੋਲਣਗੇ।