ਕਿਹਾ, ਦੇਸ਼ ਵਿੱਚ ਅਤਿਵਾਦ ਕਾਂਗਰਸ ਦੀ ਪੈਦਾਇਸ਼ ਹੈ
'ਕਾਂਗਰਸ ਸੰਘ ਪਰਿਵਾਰ ਬਨਾਮ ਗਾਂਧੀ ਪਰਿਵਾਰ ਮੁਹਿੰਮ ਚਲਾਉਣ ਜਾ ਰਹੀ ਹੈ'
ਚੰਡੀਗੜ੍ਹ : ਹਰਿਆਣਾ ਦੇ ਗ੍ਰਹਿ ਮੰਤਰੀ ਅਨਿਲ ਵਿਜ ਨੇ ਦਾਅਵਾ ਕੀਤਾ ਹੈ ਕਿ ਕਾਂਗਰਸ ‘ਚਿੰਤਨ ਸ਼ਿਵਿਰ’ ਰਾਹੀਂ ਸੱਤਾ ਵਿੱਚ ਵਾਪਸੀ ਦੇ ਰਾਹ ਲੱਭ ਰਹੀ ਹੈ। ਭਾਜਪਾ ਨੂੰ ਘੇਰਨ ਦੀ ਯੋਜਨਾ ਤਿਆਰ ਕਰ ਰਹੀ ਹੈ। ਕਾਂਗਰਸ ਸੰਘ ਪਰਿਵਾਰ ਬਨਾਮ ਗਾਂਧੀ ਪਰਿਵਾਰ ਮੁਹਿੰਮ ਵੀ ਚਲਾਉਣ ਜਾ ਰਹੀ ਹੈ। ਲੋਕਾਂ ਨੇ ਦੋਵਾਂ ਪਾਰਟੀਆਂ ਦਾ ਰਾਜ ਦੇਖ ਲਿਆ ਹੈ ਅਤੇ ਭਾਰਤ ਨੇ 70 ਸਾਲਾਂ ਤੋਂ ਸੰਤਾਪ ਭੋਗਿਆ ਹੈ।
Anil Vij
ਹੁਣ ਲੋਕ ਇਨ੍ਹਾਂ ਦੇ ਜਾਲ ਵਿਚ ਫਸਣ ਵਾਲੇ ਨਹੀਂ ਹਨ। ਕਾਂਗਰਸ ਹੁਣ ਲੋਕਾਂ ਨੂੰ ਮਨਾ ਨਹੀਂ ਸਕੇਗੀ। ਕਾਂਗਰਸ ਵੱਲੋਂ ਇਕ ਪਰਿਵਾਰ ਇਕ ਟਿਕਟ ਦੀ ਨੀਤੀ 'ਤੇ ਵਿਜ ਨੇ ਕਿਹਾ ਕਿ ਇਹ ਫਾਰਮੂਲਾ ਗਾਂਧੀ ਪਰਿਵਾਰ ਨੂੰ ਰਿਆਇਤ ਦੇਣ ਲਈ ਬਣਾਇਆ ਗਿਆ ਹੈ।
Anil Vij
ਮੰਤਰੀ ਵਿੱਜ ਨੇ ਕਿਹਾ ਕਿ ਦੇਸ਼ ਵਿੱਚ ਅਤਿਵਾਦ ਕਾਂਗਰਸ ਦੀ ਪੈਦਾਇਸ਼ ਹੈ। ਭਾਜਪਾ ਦੇ 2-3 ਸਾਲਾਂ ਦੇ ਰਾਜ ਦੌਰਾਨ ਅਜਿਹਾ ਨਹੀਂ ਹੋਇਆ। ਕਸ਼ਮੀਰ ਨੂੰ ਵੱਖਰਾ ਦਰਜਾ ਦੇਣ ਲਈ ਧਾਰਾ 370 ਬਣਾਉਣਾ ਕਾਂਗਰਸ ਦੇ ਫਾਰਮੂਲੇ ਦੀ ਉਪਜ ਹੈ।
Congress
ਇਹ ਉਸ ਦੇ ਦੇਸ਼ 'ਤੇ ਰਾਜ ਕਰਨ ਦੇ ਤਰੀਕੇ ਕਾਰਨ ਹੈ। ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਵੱਲੋਂ ਕਾਂਗਰਸ ਛੱਡਣ ਦੇ ਸਵਾਲ 'ਤੇ ਵਿੱਜ ਨੇ ਕਿਹਾ ਕਿ ਰੌਸ਼ਨੀ ਸਭ ਨੂੰ ਦਿਖਾਈ ਦਿੰਦੀ ਹੈ ਪਰ ਕੁਝ ਲੋਕ ਜਾਣਬੁੱਝ ਕੇ ਅੱਖਾਂ ਬੰਦ ਕਰ ਲੈਂਦੇ ਹਨ।
